ياقلبي زي ماقالو لك البنات عجينة العشر دقايق روووووعه بما تعنيه الكلمه
والله اني عجزت وانا اجرب وافشل الين جربتها بالصدفه وطلعت روعه من اول مره
جربيها بالملي وباذن ربي تنجحين

2ونص كوب دقيق
1 علبه لبن زبادي
1 ملعقه كبيرة وشويه خميرة فوريه
1 ملعقه كبيرة وشويه بكم بودر
ربع كوب زيت
نص كوب لبن سائل (لبن الصافي او المراعي )
ملح
3 ملاعق كبيرة سكر

ماقصروووو البنات

كوب ونص دقيق
ثلاث ملاعق حليب
ملعقة خميرة
ملعقة سكر
رشة ملح
سمن او زبدة

أول شي ذوبي الحليب فقليل من الماء اضيفي السكر والخميرة ذوبيها زين والملح بعدين اضيفي الدقيق واعجني زين بتكون شوي قاسية ماعليك منها اضيفي السمن او الزبدة الذايبة واعجني تقريبا خمس دقايق وشيليها واضربيها كذا مرة حتى تصير خلاص معاد تلصق فالزبدية اللي تعجنين فيها
خليها تتخمر ربع ساعة او اكثر حسب الجو اللي عندك
واذا جيتي تشكلينها لاتعرضينها للهواء طلعي شوي شوي وغطي الباقي عشان ماينشف واللي اتشكلت خلاص غطيها لاتخلينها مكشوفة
ممكن تضيفين رشة دقيق عند الفرد بس لاتكثرين عشان ماتطلع مغبرة بعدين موحلو شكلها
والفرن يكون حار البارد لا يقسيها عليك واذا تحمرت غطيها على طول
أهم شي العجن تطولين وانتي تعجنين والموية لاتكثرين حطي شوي شوي
:26:

عزيزتي ااول شي الخميره لاتكون منتهيه وثاني شي لاتخمرين العجينه اللا ساعه الاربع او ساعه ثالثا الفرن لازم حامي والفطاير لاتجلس اكثر من ربع او ثلث ساعه بالفرن ولما تطلعينها شيليها من صينيتها علطول بصحن ثاني وغطيها بفوطه ونسيت اقول لك اذا اختمرت وجيتي تشكلينها حاولي ماتنعجن بيدك يعني اقطعي واحشي بدون ماتطلعين الهواء منها اتمنى تستفيدي من كلامي