ماشاءالله
الله يهينك وعقبال الباقي

كنت ابي اسئل في كم شهر نزل وزنك وانشاء الله للحين ما رد

الله يوفقك ويتمم عليك نزول الوزن
وكلامك كل صحيح وانا مقتن انا نزول الوزن ببطء افضل عشان ما يرجع بس منو يبى يصبر
العصر هذا اسمى عصر السرعه وكل شى نبيه بصرعه

كنت نفسك اول بس انا على طول مراقب وزنى وما يتعدى 65 وكنت انزله شو شو مثل ما قلتى بالتخفيف بس بصراحه مليت ابى اول للوزن الى ابيه وخلاص اثبت عليه

السلام عليكم ورحمة الله وبركاته

حيا الله كل من دخل وكل من شارك

الأخت Hawajs
أنا بديت من صيف 2004
ومستمرة إلى الآن
يعني تقريباً سنة ونص

وأبشرك ألحين وصلت ال78

يعني في الخمس شهور من كتبت الموضوع نزلت 9 كيلو ولله الحمد

طبعاً تجيني فترات شهيتي تنفتح وآكل كل اللي قدامي ... وتجيني فترات بالعكس أنشغل وما أفكر في الأكل إطلاقاً ... وآخر شيء الأمور تتوازن ...

في الفترة الحالية ودّي أهتم بالرياضة أكثر لأن شهيتي منفتحة فإذا ما التزمت بالرياضة ما راح أقدر أنزل...

ميزّة النزول البطيء إني أحس صعب إنه أرجع الوزن ,,, لأني شوي شوي تعودت على تقليل الأكل ... يعني كل ما نزل وزني جسمي يتعود على كمية أقل من الأكل..


ادعو لي الله يسهّل لي ويتمم لي على خير
إذا قدرت أوصل بين 65-70 وأحافظ عليه ما أبغي أكثر من كذا
(( إذا وصلت للوزن المذكور وما رضيت به وبغيت أنزل أكثر ذكروني بكلامي هذا .... مشكلة إذا الشخص دخل في دوّامة التنحيف ... يعني كل ما وصل لوزن ما يرضى عن نفسه يبغي أقل ... القناعة كنز لا يفنى ... أهم شيء يوصل الواحد لوزن مقبول ويحافظ عليه وتكون حياته طبيعية يعني ما يمنع نفسه من الأشياء اللي يحبها))

Mashkoura 7beebty magasarty ,ana 6areqat 6obakhy nafsich o enshallah yarab agdar eny anazel min wazny mithlich,o fe3lan el-dou3a' aham shy,o el-twakol 3la allah.