قصص استغفار

ملتقى الإيمان

السلام عليكم
اليوم جبتلكم قصص استغفار


اتمنى انها تحمس بعضكم مثل ما حمستني وتكون سبب في مداومتكم ع الاستغفار
اتفضلوو


---
1
  • نا بنت إجتماعيه وشخصيتي جميله بس جات فتره صرت إنطوائيه وماصار عندي ولاصديقه بسبب ظروف عائليه مرت علي وكانت ظروف مُحزنه 🌚 ؛ المهم رحت للجامعه ومامعي صديقه طفشت من وحدتي وكل مره بصلاتي ادعي ربي أنه يرزقني بصديقات صالحات يوسعون صدري واستغفر بس مو باستمرار بس الدعاء باستمرار حتى بقلبي ادعي ان ربي يرزقني بصديقات مره كان عندي محاظره عملي وكنت ابي اشيل آله من الالات حقة الفيزياء وطاحت مني بس ماتكسرت هزأت فيني الاداريه قدام الرايح والجاي 😑 قالت روحي للدكتوره وقولي انا كسرت الآله وانا اصلا ماكسرتها بس تفككت بس هي تحب الهواش جات بنت قالت لي انا بروح معك قلت ليه قالت بروح معك كذا قلت اوكيه الله يحييك ، رحت انا وهي للدكتوره قبل ما أتكلم وأبرر للدكتوره قالت البنت اللي جات معي طبعا اسمها ( ريم ) قالت للدكتوره انا وهذي تأّشر علي ؛ نبي نشيل الآله بس طاحت ، خذت الدكتوره الآله وركبتها وقالت خلاص ارجعوا ماصار شيء ، وسألت البنت اللي معي غريبه ماعاد فيه ناس زيك قالت يابنت الحلال هذي اداريه مشكلجيه امشي بس اقهويك وأعرفك على صديقاتي رحت معها وانبسطت معهم ومع الايام صرنا صديقات وقلوبنا على بعض وحقين فزعات الله يسعدهم ويوسعون صدري والحمدلله لك ياربي أولًا واخيرًا



2
السلام عليكم بالبدايه تقبل الله طاعتكم وجعلنا واياكم من المقبولين بإذن الله بعدما شفت حسابك مدري ليه حسيت بالراحهه والله وقريت قصص البنات وتحمست كنت اقلب بالدرج حق اغراضي ولقيت العداد حق الاستغفار استغفرت بنية ان عيوني تشفى والحمدلله خفت بمجرد صحيت من النوم والسبب الثاني انو كنت محتاجه فلوس حدي وابوي كلمني قبل اسبوع عشان يحول واروح اي مستشفى خارج الديره لكن تأخر علي🚶🏼💔وانا من النوع اللي ما احب اطلب او اسأل المهم ماكملت استغفار ١٤٠٠ وشوي الا اخوي يكلمني ابوي حول لك عشرة الاف بحسابي والله ماتتصورون كيف فرررررحتت 😩❤❤ اخيرا ماعرف اختم دعواتكم لابوي بالشفاء العاجل ويطيل الله بعمره ويرجع لنا ، وان الله يشفي عيوني شفاء ليس بعده سقم ممكن احد يكون اقرب لله او تصادف دعواته ساعه استجابه 💜 وكل ما حسيتو نفسكم في فراغ استغفروا محد يعرف رزقه متى يجيه والاستغفار يقرب كل شيء 💗💗
الله لك الحمد


3
  • السلام عليكم ورحمه الله وبركاته💜 قصتي الله يسلمكم☺ اني تعبت فجأه😢 وبطني كان بينفجر يعني مره مره يألمني 😭💔الله وكيلكم وبالغصب قدرت انام وصحيت الظهر عشان اصلي وبطني مره يألمني يعني مو قادره اصلي 😨 وقعدت احاول وصليت وانا في السجود دعيت الله وقلت: (اللهم ارفع مابي من مرض وتعب). وبعدها انسدحت وقعدت استغفر الين نمت والحمد لله صحيت زي الفل😂 مافيني اي حاجه الحمد لله. فحبيت أنصحكم اذا مرضتوا او تعبتوا😷 لاتنسوا الصلاه مهما كان والأستغفار والدعاء وكمان الفاتحه أربعين مره واذا مانفع معك لاتيأسي من رحمه الله ابقى كذا لان دعائك مابيروح على الفاضي بينفعك اكيد ❤👍. لاتنسوا ذكر الله واحنا في العشر الاواخر: -سُبحان الله🌹. -الحمدُ لله 🌸. -الله أكبر 🌷. -لا إله إلا الله 🌴.





4


السلام عليكم 💛
بقولكم شي ضروري ضيعني يوم بديت بالاستغفار😟✋ كان عندي اختبارات وتذكرون كتبت لكم بهالحساب ادعولي وهاتس؟ ودعيتو لي ربي يسعدكم المهم اني قبل الاختبارات بايام كنت استغفر بخاتم الاستغفار وكنت اهم شي اوصله ١٠٠٠ او ٧٠٠٠ كنت اعتقد انه على العدد المهم وخلصت الاختبارات وجت النتايج طلعت نسبتي ٩١ صدز ماهي النسبه اللي ابيه بس رضيت لاتبون الصدز بتسيت🌚💔 اي لاتقولون تبتسين عشان درجات بس انا وعدت امي اجيب فوق ٩٦ بس ربي ماكتب المهم يوم رجعت البيت تذكرت شي مهم نسيته؟ تدرون وشو ؟ استغفاري كان غلط 😭 كنت ماطلع الكلمه من قلب ولا كنت افكر وش معناه كانت مجرد كلمه تطلع من افمي وهذا الشي اللي ماخلاني اجيب النسبه اللي ابيه والله اعلم، المهم بعده صرت استغفر من قلب وافكر بكل ذنب سويته واستغفر عنوهه وبس والله ، الله يسعدكم واحد واحد ويرزقكم بكل شي تتمنونه ، تدرون كل وحده او واحد قرا اللي كتبته تراني دعيت لكم ولا ننسى صاحبة الحساب الله يجزاهه خير ، اتمنى من ربي انوهه مايمر اليوم هذا الا وامنياتكم قدام عيونكم وان كل وحده داخله هالحساب تدور تحقيق امنيته ؟ تتحقق ان شاءلله وان المريض يدور علاجه؟ يشفي باذن الله ، واستودعتكم الله 💛
اختكم :غلا 💛💛.


5
السلام عليكم ورحمه الله وبركاته اللهم صل ِوسلم علئ سيدنا محمد ،، انا من فتره قصيرة استغفر لكن مادري كم العدد استغفر بسبحه نصه متكسر😁 المهم كان الي موعد عند الدكتوره ، وتصلت أمي على اخوي عشان نروح للمستشفى ، اخوي تأخر علينا حتئ انتهئ وقت الموعد وانا الدنياضايقه فيني شوي وصيح قلت خلاص الموعدنتهئ راح اجدده والله يعين اجلس شهرين انتظر الموعد الجديد، ورحنا للمستشفى ، وانا بالطريق متضايقه و استغفر شوي بعده صرت على الصامت، من ضيق الي فيني ،وصلنا المستشفى الا اناس متجمعه عند الاستقبال والموظفين داخل الغرف وقفت شوي وجاء موظف الاستقبال وعطيته الورقه عشان تجديد الموعد قال جلسي بالانتظار لين تشتغل لاجهزه وانا كذا😨 ورحت انا ومي وجلسنا وكانت جالسه بنت عندي وقالت شو موعدك قلت لا موعدي فات وجايه اجدده قالت لا مااحد دخل علئ الدكاتره ،من جينا والكهرب طافي وانا يصيبني ذهول وانظر للغرفه الا فيه شوي ظلام 👀 قلت بنفسي مانتبهت ان الكهرب طافي😲 وجلست البنت تسولف شوي معي وشتغل الكهرب 😅وبسرعه نادو اسمي اول اسم وانا من الفرحه ركض لدكتوره وانا امشي تذكرت ان امي معي 😱 ونظرت للخلف الا هي تمشي خلفي ودخلنا عند الدكتوره وخلصت الكشف والحمدلله وطلعت وتذكرت ان البنت الي كانت جالسه بجنبي عند غرفه الانتظار كانت تسولف علي وتركاتها.🙈 وهي تسولف من عرفت ان الموعد ماراح علي وانا مصدومه 😨 هذا من فضل ربي ،#استغفر_الله_واتوب_اليه ،،،،#استغفرو_لتسعدو. والقادم أجمل بأذن لله🌹

6
اولا السلام عليكم ، سبحان الله هذا الحساب لاشفته ارتاح نفسيآ الله يكتب أجرك اضعافا مضاعفه قصتي ههي آنو إيام رمضان بطاقتي الصراف خربت الزبده هي فيها مبلغ . ف ماكنت احتاجه وتركتها ومافكرت اسويها ف بعد العيد ب ايام احتجت فلوس وتذكرت هالبطاقه المهم ونسيت أنو ابوي مسافر منو بيسويها لي وانا م عندي اخوآن للمعلوميه البنك عندنا فقط للرجال ، وقلت بكلم خالي لي اسبوع او اكثر ويتعذر وكلمت عمي وكذالك تجاهلني قفلت قلت انا اروح واختي شجعتني ومشينا المهم واول م ادخل الا كومه الرجال بكل مكانن مالي طريق هنآ حسيت بنعمه الاخوان وجلدي كش ومادخلنا اختي قالت سوي بتصرفي م كاءنا داخلين وأول م دخلت البطاقه اشتغلت سبحان الله تذكرت دعآئي واستغفاري وان ربي قادر ع كل شي سبحانن الله وادعولي بالزوج 💜7

مره احتجنا بعض الاغراض ورحنا مع ابوي السوق وتقضينا حاجاتنا لفيت إلا وشفت اكسسوارات تججججنن وميك اب وطبعا ابوي مايحب المكياج والاشياء هذي يسميها خرابيط وحنا كان عندنا لمه حنا وخالاتي وابي اغير ولو اجي لبوي واقوله عطني فلوس يقول وش تبين فيها والله اني ماازيد ولا كلمة ولاحرف اني قعدت استغفر لما بغييته ونادتني اختي الكبيرة عشان تعطيني فلوس وعطتني مبلغ وقدره ﴿وقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم انهارا﴾


8

  • السلام عليكم والله يا بنات الاستغفار عجييب عجييب عجييب خل اقولكم واشجعكم وياي أنا صارلي أكثر من شهر استغفر والحمدالله كل شهر اشجع نفسي واستغفر اكثر وكنت استغفر على نية الله يرزقني الزوج الصالح وشهر شهرين وانا استغفر وصار عندي الزواج شي عادي وما افكر فيه نفس اول وصرت استغفر ان الله بيزينلي حياتي ويعوضني على كل شي ابيه وخاطري فيه والله يا بنات اني انخطبت مرتين بشهر واحد!!!!! وفوق هذا رفضت وكان عندي امل ان خيره والله بيرزقني احسن منه والله العظيم ان رفيجتي قبل جم يوم خطبتني لأخوها وكانت تقولي ترا اخوي مو زين وما يصلي ويطلع ويروح بس والله مادري ليش حسيت براحه وقلت ان راح يتعدل ويصير زين وعندي امل ان راح يتعدل وان شاءالله لي كلمتني رفيجتي ثاني مره بالموضوع راح اوافق بنية ان الله راح يهديه وراح يصير احسن من قبل وتخيلوا قبل امس رفيجتي من ايام الابتدائي دشت علي تقولي انتي فلانه الفلاني انا تعبت وانا ادور رقمج وينج انتي لا تشوفين وناستي شلون كانت والله يا بنات ان تشققت من الوناسه الحمدالله يارب وربي راح يعوضني بكل شي انا اتمناه عندي امل وعندي ثقه الحمدالله على كل شي💗

9
السلام عليكم و رحمة الله
  • بقولكم قصتي مع الاستغفار و الوتر و الضحى و الحمدلله الي هداني لهذا الطريق قصتي الي هي بالاجازه ذي كنت اتمنى اسافر مكه و طلبت امي و ابوي بس كانو رافضين ف صرت دايما استغفر واصلي و ادعي بسجودي ان ربي ييسر لي هالسفر و الله ما مر كم اسبوع الا اخوي يقولي جهزي الاغراض بنروح مكه و مو بس مكه كمان رحنا المدينه فررحت فرحه ما يعلم بها الا الله و الموقف الثاني اختي متزوجه و ساكنه بمدينه ثانيه بس هالاسبوع كانت عندنا و كان المفروض تسافر قبل يومين و انا ما ابيها تروح بس زوجها انتهت اجازته و بنفس اليوم الي كانت بتسافر فيه صليت الضحى و دعيت ربي انها ما تسافر و جلست استغفر و الله ما صلو للعصر الا وهي تدق علي تقولي انهم اعطو زوجها اجازه ثانيه و مابيسافرون * نصيحتي لكم حبايبي لا تتركون الاستغفار و الصلاه والله اني من يوم التزمت بها صار كل شي بحياتي يتيسر و حتى دعواتي صارت مستجابه الحمدلله ادعو الله بسجودكم بكل شي حتى لو كان مستحيل ادعي و انتي واثقه انه بيتحقق و الله ما يخيب ظن عبده به .. الله يوفقكم و يرزقكم من حيث لا تحتسبون 💞💕

10
السلام عليكم،أولا أشكرك جدا على هذا الحساب الرائع الذي يحث على الخير و يدعو إلى التفاؤل و أنا كل ما أبغا طاقة ايجابيه الاقي نفسي داخله ذا الحساب و اقرأ من قصصه،،طبعا بحكيلكم عن قصتي مع الاستغفار وحقيقة ان قصصي مع الاستغفار و علاقته بتفريج همومي كثير لكن أبرزها هذه اللي فعلا كان بمثابة المعجزة اسفه طولت عليكم وهذه هي قصتي،كنا ساكنين ببيت شعبي جدا بالرغم اننا في مدينه و كان أثاثنا مرررة متواضع ولا في شيء يدل اننا في مجتمع متطور،و كنت صابرة ودااائما أقول في نفسي لطالما اني صابرة و محتسبة الأجر عند الله والله الذي لا اله الا هو انه ما راح يخيب ظني،و في احدى الأيام صاحبة البيت قالت لنا أخرجوا و طبعا تعرفون قد ايش صعبه لما واحد يفاجئك و يقولك أخرج و انت مو مستعد خصوصا المادية كانت جدا جدا صعبه،ف ماحصلنا ما يناسب الماديه هذه الا بيت شعبيي أردئ أردئ من الأول بكثيير ،فنقلنا فيه والله ما تتخيلون قد ايش هو رديئ و نفسيتنا تعبت ،بس أبد أنا والله ما يأست فلزمت الاستغفااار و الصلاة على النبي في كل حين في شغلي من طبخ وغسيل و جلسنا تقريبا ثلاث شهور،و في احدى الأيام والدي ذهب الى البنك كان يبغى شيء والله مالي فاكرة ايش كان يبغا حاجة زي تغيير البطاقة او حاجة زي كذا المهم،(علما انه احنا ملتزمين بقرض ولسى ما انتهينا من سداده) ف قاله موضف البنك للمعلوميه اجتزت الحد الذي بامكانك تاخذ قرض ثاني،والدي ما صدق خبر وع طول قدم على قرض و جانا وقالنا على ذا الخبر و قد ايش فرحنا ، وبعدين راح يدورلنا على شقه جديدة والحمدلله هذا احنا نقلنا فيها لنا تقريبا اربع شهور، اللهم لك الحمد صح انه ما قدرنا نكمل الأثاث بس اشترينا الاساسيات بس ما تقدرون تتخيلو قد ايش الفرق خصوصا في النظافه..فعشان كذا ي متابعين التزموا بالصبر مع احتساب الأجر يكفي ان الله مع الصابرين ،و ثم الاستغفار عاد ما يحتاج اوصف لكم فضله الا هو كلكم تعرفوه من تفريج هم وو..الخ و الصلاة عالنبي ي هي فضلها كبير ، فعن أبي بن كعب أنه قال للنبي صلى الله عليه وسلم: يا رسول الله إني أكثر الصلاة عليك، فكم أجعل لك من صلاتي؟ فقال: ما شئت، قال: قلت: الربع؟ قال: ما شئت، فإن زدت فهو خير لك، قلت: النصف؟ قال: ما شئت، فإن زدت فهو خير لك، قال: قلت: فالثلثان؟ قال: ما شئت، فإن زدت فهو خير لك، قلت: أجعل لك صلاتي كلها؟ قال: إذاً تكفى همك ويغفر لك ذنبك.💞

11
  • السلام عليكم .. اولا صلوا على النبي عليه الصلاة و السلام ثانيا .. قصتي بدأت الترم اللي راح .. انا بالجامعة و اضفت مادة بحث و ٦ مواد غيرها المهم كنت شايلة هم مادة البحث لان ما عندي كمبيوتر و طابعة و اخوي رفض يعطيني اللاب حقه .. و خلص وقت حذف المواد يعني مافي أمل احذف الماده .. و كل البنات بادين يكتبون بحوثهم ع الكمبيوتر وانا لسى جالسه ما سويت شي جلست استغفر وادعي بتيسير الأمور و قول ( لا إله إلا أنت سبحانك إني كنت من الظالمين ) و ركزت على ( لا حول و لا قوة إلا بالله ) و الصلاة على النبي كل ما تذكرت همي .. والمادة الثانيه بعد كانت سهله بس انا ما عندي تركيز مرهقه مدري وش فيني اذا جيت اذاكر أقرا المعلومة اكثر من مره ما تدخل راسي بسرعه ما ادري ليش .. و فوضت أمري لله و بديت أكتب البحث بخط يدي شسوي بعد .. و استعنت بالله و كنت اقول يا حي يا قيوم برحمتك استغيث أصلح لي شأني كله و لا تكلني إلى نفسي طرفة عين .. و انهيت بحثي و وديته للمكتبه يطبعونه لي و الله يا ناس طلع يوم الاربعاء و كان أخر موعد تسليم الخميس .. الحمدلله يا رب .. و ابشركم الماده نجحت فيها مو مستوعبه نتيجتي فيها ابدا ما توقعت .. الفضل كله لله .. الحمدلله .. يا ناس فوضوا اموركم لله و ما راح يخيب اللي يخلي رجاءه بالله .







ادعولي يابنات ربي يحقق لي اللي بالي ويستجيب دعاءي يارب
استغفر الله
والحمدلله
ولا إله ?إلا الله
والله اكبر
11
6K

يلزم عليك تسجيل الدخول أولًا لكتابة تعليق.

تسجيل دخول

$ زهرة الصحراء $
$ زهرة الصحراء $
لا إله إلا أنت سبحانك إني كنت من الظالمين
طالبة دردشة مطابخ
جزاك الله خير
ذكرى الفجر
ذكرى الفجر
الله يوفقك دنيا واخره
كندا حنا
كندا حنا
بارك الله فيكم
ادعولي يابنات ربي يحقق لي اللي بالي ويستجيب دعاءي يارب
استغفر الله
والحمدلله
ولا إله ?إلا الله
والله اكبر
Sweet forever
Sweet forever
اللهم لك الحمد كما ينبغي لجلال وجهك وعظيم سلطانك
اللهم صل وسلم على سيدنا محمد
لااله الا انت سبحانك اني كنت من الظالمين
سبحان الله وبحمده سبحان الله العظيم
لاحول ولاقوة الا بالله العلي العظيم
سبحان الله.. الحمدلله .. لااله الا الله .. الله أكبر
استغفرالله الذي لااله الا هو الحي القيوم واتوب