mooony5
•
بارك الله فييييييك ..
جزاكي الله خيرجزاكي الله خير
الحلقة 12
((قصة قارون)) :
فيه ناس عندهم مباديء وقيم ثابتة ماتتغير مهما تغيرت مراكزهم وأحوالهم..
عندهم ثبات أخلاق ومباديء ومهما الدنيا فتحت عليهم مايتغيروا..
وانت ياترى مبادئك وقيمك لازلت محافظ عليها؟؟
ياترى تغيرت واللا انت زي ما انت؟؟
ياترى المنصب والمال غيَّروك.. الشهوات والفتن غيَّرتك؟؟؟
قال تعالى:
(( ولوبسط الله الرزق لعباده لبغوا في الأرض بغير الحق ولكن ينزل بقدر ........))
الله عالم بك لو فتح عليك الدنيا ح تطغى واللا ح تحافظ على مبادئك وقيمك..
خزائن الله سبحانه ملئى ولايعجزه شيء سبحانه
إذاً الموضوع (( انت )) مش الخزائن....
مافيش مشكلة اطمح للغنى بس بثلاث شروط:
1- ايمان راسخ ( قوة ايمانية غير عادية..لو جاتك فلوس وايمانك مش راسخ ح تلخبط كتير)..
2- أصل طيب وتربية طيبة..
3- صحبة صالحة تعينك.. أو زوجة صالحة تعينك وتنبهك إذا تغيرت وتصحيك وتفوقك من غفلتك (انت ماكنتش كدا.. انت عمرك ماكنت عصبي.. معقول الفلوس غيّرتك..انت ماعدتش تصلي في المسجد.. بتعامل الضعاف كدا ليه..)..
===============
ندخل في قصة اليوم وهي على واحد كان مستور وكان عنده أخلاق ومباديء.. كان متدين وكان صاحب رسالة..
بس ياخسارة أوّل ما جاته الدنيا ما استحملش باع دينه ومبادئه..
القصة عن قارون..
(( إن قارون كان من قوم موسى ....))
يعني كان من بني إسرائيل.. يعني كان موحّد وعابد..
يقال أنه كان من أتباع موسى العباد المقربين..
كان من الفقراء البسطاء وكان مؤمن..
بس الآية (( كان ))
ياخسارة باع أهله وناسه.. يعني تغيّر..
وانت ياترى فاكر نفسك زمان..
ياترى تغيرت عن ما كنت قبل ماتصير غني؟؟؟
ياترى بعد ما جالك المنصب بتعامل الناس ازاي؟؟؟
((وآتيناه من الكنوز ما إن مفاتحه لتنوء بالعصبة أولي القوة....))
قارون فُتحت عليه الدنيا.. ربنا أعطى له لدرجة أن مفاتيح خزائن امواله لما يجي 30 أو 40 راجل يشيلوها بتصعب عليهم...
هذي المفاتيح بس.. طب الاموال نفسها قد ايه..
يامستورين احمدوا ربنا..
(( ولو بسط الله الرزق اعباده لبغوا في الأرض ولكن ينزل بقدر...))
طب قارون جاب الفلوس دي كلها ازاي؟..
كان شاطر وطموح..وبني اسرائيل ساعدوه.. هو كبر بيهم لأنهم أيدوه......
دا فرعون كان رافض ان حد يكبر اويعلى..
وقارون مازال صاحب رسالة بس لما فتحت عليه الدنيا...........!!؟؟
قارون بدأ يسقط خمس سقطات:
السقطة الأولى:
(( فبغى عليهم ))
بدأ يحتكر السلع ويضاعف الأسعار..
وعلى فكرة البغي أقوى من الظلم.
معنى البغي: التلذذ بالظلم..
ياااااه هو عنده عقدة نقص فبدأ يتلذذ بظلم الضعفاء..
السقطة الثانية:
العُجب والكبر:
بدأ يبعد عنهم .. ((أنا)) عندي وانتو متخلفين.. محدش يتكلم وأنا بأقول رأيي..
ياترى في حد مننا كدا؟؟؟؟؟؟
قارون تكبر فوق الارض وكانت عاقبته ان ينخسف = ينزل تحت الارض..
وكل متكبر عقوبته الخسف...
تنخسف منزلته..تنخسف قيمته عند الناس..
انت متكبر؟ طب ح تهان قدام عيالك أو موظفيك..
هل أنت متكبر بعد ما ربنا فتح عليك؟؟
طب فاكر كنت كيف لما كنت بسيط؟؟؟!!
انتبه واوعى الكبر لأن العاقبة الخسف...
حديث ((إن الله أوحى إليّ أن تواضعوا.......))
وفي الحديث القدسي:
((من تواضع لي هكذا-وجعل النبي صلى الله عليه وسلم ينزل يده-
رفعته هكذا - وجعل النبي صلى الله عليه وسلم يرفع يده- ))
وقال الشافعي:
لاترفع سعرك فيردك الله إلى قيمتك...
- من تواضع لله رفعه..
ياجماعة الستر نعمة..
وزي ما بسط الرزق نعمة برضو ضيق الرزق نعمة...
لو كنت مستور اشتغل وطوّر نفسك بس ماتنساش ربنا..
بدأ العقلاء من قوم موسى عليه السلام يكلمو قارون وينصحوه..
نصائحهم لقارون:
1- ((إذ قال له قومه لاتفرح إن الله لايحب الفرحين.....))
((لاتفرح)) = لاتتكبر
2- ((وابتغ فيما آتاك الله الدار الآخرة...))
انت نسيت إنك كنت تقول إنك بتعمل كل دا لربنا......!!!!!!
4- ((ولاتنس نصيبك من الدنيا))
احنا بنحبك عاوزين مصلحتك مش عاوزين فلوسك
5- ((وأحسن كما أحسن الله إليك))
6- ((ولاتبغ الفساد في الأرض))
السقطة الثالثة:
الفســاد..
ح أعمل ملاهي اشغل بيها بني اسرائيل وأزوّد فلوسي..
بدأ يروح ناحية الفلوس الحرام..
الفضائيات والرقص والإفساد يجيبوا فلوس كثييييييير..
بس الأمة محتاجة فن ينهض بيها مش يزوّد الغريزة..
ياأصحاب الفضائيات ((إن الله لايحب المفسدين))
اوعى تأكل ولادك حرام..
في الحديث ((كل لحم نبت من سحت فالنار أولى به))
اوعى تكبّر فلوسك بالفساد=الحرام.
اوعى تاكل الحرام..
اذا اكلت الحرام.. صلّي زي منت عايز انت غير محبوب من الله..
السقطة الرابعة:
((قال إنما أوتيته على علم عندي))
محدش سأله بيرد ليه كدا.. بيقول لهم محدش له فضل عليّ..
هم بيقولولوا استخدم فلوسك صح.. هو بيقول محدش يكلمني ومحدش له دعوة بيّ..
(( أولم يعلم أن الله قد أهلك من قبله من القرون من هو أشد منه قوة وأكثر جمعا....))
يااااااااااه دا انت نسيت فضل ربنا عليك!!!!!!....
((ولايُسأل عن ذنوبهم المجرمون))
هو مجرم ومن اجرامه قطع علاقته مع أي حد بينصحه..
وانت لو قلت محدش له كلام عليّ فاعرف انك ضعت!!
إللي له كبير تطمن عليه..
خلي لك صديق مخلص ينصحك ويعدِّل سلوكك..
السقطة الخامسة:
عشان فرعون لايكون ضدي ح أتحالف معاه ضد موسى!!!!!!
أنا ح أعمل لك يافرعون فتنة داخلية بس تحافظ لي على فلوسي...
الفتنة الاولى:
جاب امرأة بغي وقال لهل تفتري أن موسى زنى بها..!
يااااااااااه ((كان))من قوم موسى
ففعلت المرأة , وظل موسى عليه السلاميدعو الله ويبتهل إليه
فتأثرت بكلامه وتابت واعترفت ان قارون من أمرها بذلك.....
الفتنة الثانية:
((فخرج على قومه في زينته))
صار يخرج في موكب ويستعرض غناه وجاهه.. فبدأ الناس يفتنوا((قال الذين يريدون الحياة الدنيا ياليت لنا مثل ماأوتي قارون إنه لذو حظ عظيم))
بس الناس دي ماسألت نفسها سؤالين:
هل قارون سعيد؟!!
ايش الثمن اللي دفعه عشان ياخذ دا؟؟
قارون الدنيا واخداه وعمّال يلف..
((قال الذين أوتوا العلم ويلكم ثواب الله خير لمن آمن وعمل صالحا.....))
وانت يامستور ماتقولش ليه ياربي ماأعطيتني زي فلان..انت عارف لو اعطاك زي فلان ح تعمل ايه؟!!!!
احمد ربنا.. اجتهد واشتغل.. بس خلي جواك رضا وجمِّد ايمانك عشان ماتسقط سقطات قارون...
قارون ((كان من قوم موسى))
وصار هو وفرعون وهامان زي بعض..
كما ذكر في اكثر من آية.
وانتي عشان خاطري اقعدي مع نفسك: أنا عايزة ربنا واللا عايزة ايه؟؟؟
ليش بتهرب من نفسك؟؟؟
قارون وصل لدا لأنو ماقعدش مع نفسه!..
لاتقول مش فاضي..
انت كذا عامل زي اللي راكب سيارة وماشي في طريق صحراوي وقالوله الناس املي بنزين قال: لا أنا مستعجل.....!!!
للأسف فيه ناس بتعمل كدا!!!!!!!!
اوعى تبيع رصيد القيم والمباديء عشان تكبّر رصيد البنوك..
قارون عمل كدا..
سيب لأولادك رصيد الأخلاق والمباديء وماتخافش عليهم...
قارون خلاص ماعادش نافع.. دا صار أخطر من فرعون..صار يعمل فتن داخلهم..
((فخسفنا به وبداره الأرض)) في لحظة وحدة..
حتى الكنوز راااحت..
طب ليه يارب؟؟
دي مال حرام مالهاش قيمة..
الله الغني..
الفلوس راحت بس الأخلاق أهم..
((فماكان له من فئة ينصرونه من دون الله وما كان من المنتصرين))
((وأصبح الذين تمنوا مكانه بالأمس يقولون ويكأن الله يبسط الرزق لمن يشاء من عباده ويقدر))
خلاص فهمنا يارب
((لولا أن منَّ الله علينا)) بالستر
((لخسف بنا))
((تلك الدار الآخرة نجعلها للذين لايريدون علوا في الأرض ولا فسادا والعاقبة للمتقين))
الصفحة الأخيرة