قصص ولادات٢٠١٦ /٢٠١٧

رفع😊

الله يرفع قدرك ويرزقك بيوسف ياااااااااارب واشكرك ع تفاعلك في كل موضوع اطرحه

ربي يجبر خاطرك 👐👐 تسلمي يانشمية👐

صحيح محتاجين مثل هالموضوع وياليت نعرف الولاده كانت وين باي مستشفى الله يبلغني واجي اقولكم قصة ولادتي والنونو بحضني

بذكر لكم قصة ولادتي الأخيرة المفروض تكون ولادتي في 24 رجب بس عوشرت وولدت يوم 2 شعبان آخر اسبوع في الحمل انتفخ جسمي كله وكان ينزل عليا دم وفي طلق بس ما فتح الرحم ويسوو لي تحريض وتجيني الآلام شديدة اربع ساعات وتختفي الدم ينزل من يوم الأربعاء الين الأربعاء الثاني نزلت قطع روحت المستشفى قالو لازم نولدك كانت المشيمه متضخمه من نهاية الثامن تنومت وسوو لي تحريض والصباح جات الدكتوره سوت لي طلق جل وبعد ست ساعات زادت جرعة صار الطلق يوصل ل100 والرحم مقفل ماعاد كنت اقدر اتنفس والاكل ممنوع عشان لو احتجت قيصرية المهم شافتني الدكتورة كذا ادتني ابره تهدأ الألم حسيتها دخلت في الوريد حرقتني وصرعت رأسي كنت اصيح خفت منها والدكتورة تسمي عليا وتقرأ وفكت الابره وحطت لي أكسجين بدأت ادوخ اشوف اللي حولي بس ما عاد اقدر اتكلم ولا احس الا ألم خفيف الحمدلله الين الساعه 12 راح مفعول الابره كشفت عليا لسى مفتوح 2 بس جاني إحباط وبكيت 2 مع ذيك الآلام والتعب خلاص انهد حيلي ولسى 2 قالت شكلك ما بتولدي الليلة وماعاد نقدر نديك طلق والا نسوي تحريض بنتعبك بدون فايده انزلي غرفتك كلي وارتاحي وبكرة اجيك اشوف حل قلتلها بكره جمعه اكيد بتجين قالت ايوه ان شاء الله اجي ما بخليك المهم نزلت الغرفه واختي واخوي عندي يحاولو يأكلوني والا اشرب مويا مقروء فيها وما قدرت ألم فضيع مو متحمله ابكي ومو قادرة اتنفس واختي تدق على الدكتورة تقول تعالي سوي لها قيصرية خليها ترتاح بتموت البنت تقول لها الدكتورة بكرة ان شاء الله الحين آخر الليل مافي عمليات بتصل على الدكتورة المناوبه تديها مسكن جات الدكتوره المناوبه وادتني مسكن بس ما هدأ الألم كان يزيد انا طبعاً كنت في جده عند اهلي لاني ساكنه في الجنوب في قريه مافيها مستشفى وزوجي وعيالي هناك عشان دوام ومدارس كانت نفسيتي مره تعبانه عشان بعدهم عني وكنت اتصل لزوجي اقوله تعالو اشوفكم اخاف اموت وماشفتكم المهم قال طيب وسافرو كنت أدق علية اقوله خلاص بموت من الألم بسرعه تعالو قال خلاص احنا قريب من المستشفى الساعه واحده و5 دخلو عندي حسيت اني ارتحت وماعاد كان يهمني شيء بدأ زوجي يقرأ عليا وحسيت الألم زاد وفي شيء يدف كنت اصيح ماعاد تحملت واستغربت كيف بيخرج الجنين والمويا لسى ما انفكت دقت اختي ع الدكتورة وجات شافت تقول خلاص صار 9 يلا ولاده طلعوني بسريري لغرفة الولادة ماعاد قدرت اقوم وشالوني لسرير الولادة خلاص أالم مو قادره اتنفس والبيبي يدفع وانا احاول أدف ما قدرت فكت المويا وعلى طول خرج الرأس دفيت الحمدلله وهيا ساعدتني سحبت البيبي والحمدلله هدا الألم وجلست 10 دقايق تأخذ تحاليل من المشيمه وما ادري ايش تسوي بعدين قالت خلاص دفي تخرج المشيمه وترتاحي دفيت والحمدلله خرجت المشيمه ونظفوني وطلعوني لغرفة بعد الولادة انا جبت قبل هذه اربعه الحمدلله اول ولاده وهذه الولادة كانت ألم ما يحتمل وتعب والحمدلله والثلاث الولادات اللي بينها كانت الحمدلله ألم يحتمل الولادة تختلف في المرأه نفسها كل ولاده تختلف الله يسهل ولاده كل حامل