ربنا يقويكى

بس عايزة اقولك انسي حكاية الوزن دى خالص دلوقتى ما دام ربنا رزقك برزق ابنك وبترضعية دى نعمة كبيرة ما تفرطيش فيها بسهولة

كمان انت هاتخسي لسه معت الوقت ومع الرضاعة الكتير بتحرق سعرات

ما تحكميش على وزنك النهائى بعد الولادة قبل 6 شهور

ومع ذلك انتى ممكن تحاولى تتجنبى الاكل الدسم وتهتمى بالخضروات الطازة والفواكة وشوربة الخضار والاكل المشوى الصحى وبلاش المقليات والمحمرات

وان شاء الله تلاقى نفسك خسيتى وماحرمتيش ابنك من اكله اللى ربنا بعتهوله

ازيكم جميعا

احب اشارك معاكوا بتجرتى فى المدارس

اولا للى فى مصر التحويل من خاص لتجريبى مستحيل (الا بطرق غير شرعية ورشاوى فى اماكن معين) ولعلمكم انا مامتى فى الوزارة ومنصب مش موظفى عادية وفشلت انها تجيبلى استثناء لبنتى عشان تخش تجريبى لانهم بياخدوا فوق ال 5 سنين واحيانا 6
وده انا شايفاه كتير اوى بصراحة ده انا لو كنت كملت فى الامارات كنت هادخلها 3 ونص

فى اللى عايزة التجريبى تعمل حسابها ان الطفل مش هايدخل اقل من 5 ونص

واللى هادخل خاص ما تحطش فى دماغها انها ممكن تحوله تجريبى بعد كده

لان على كلام مامتى برضه لو حاولت احول بعد كده من خاص لتجريبى بيتأكدوا من شرط السن مناسب للدفعة المحول ليها الطفل عشان الحركة دى انتشرت اوى الواحد يقدم فى التجريبى يترفض يدخل الطفل خاص سنتين ويحوله لتجريبى تانى


نرجع للخاص

الدولى مش اد مصاريفه والحمد لله


والخاص اللغات اوعوووووووووووووووو اللى عندهم بنات يالذات يدخلوهم فيه عشان انا بسمع عنه العجب

فى الخاص الاسلامى زى المنارات فيها عربى ومعاه انجليش مستوى رفيع
وفيه اللى كله انجليش

وده اللى اخترته لبنتى اخيرا وبعد تفكير كتير وعن تجربة عمليه لحد دلوقتى ممكن اقولكم هيا كويسة مش ممتازة اوى بس احسن من غيرها يكفى ان البنات الصبح فى الطابور لازم يقولوا 1كار الصباح وبيحفظوا كم لا بأس به من القرءان وما شاء الله المدرسات كلهم محجبات (فيه منهم حجاب مودرن بس احسن من مدرسات المدارس تانية اللى من غير خالص ووشهم الوان الطيف)
فيها بعض الايجابيات زى القرءان والاغانى الاسلامية الجميلة والاحاديث والاذكار وفيها سلبيات ابسطها ان مش كل اللى بيعلموه للطفل بينفذوه فعلا

يعنى فى الاغنية يقولوا قبل الطعام نغسل ايدينا وماينفذوش ولما قولتلهم نفذوا عملى اللى بتقولوه للاطفال يقولولى احنا مدرسة مش حضانة

يقولولهم فى الكتاب ان الهامبورجر جنك فود واول حفلة فى المدرسة جابولهم ساندوتشات ماكدونالدز

ااقولهم انا مش موافقة غيروا هاتولهم بيتزا يقولولى ماتجبيش بنتك الحفلة

يوم funday جابولهم مغنى درجة تالتة لابس جاكت احمر بيغنى الاغانى الهابطة بتاعة اليومين دول وبنات اعدادى يتنططوا حواليه ومدير المدرسة اللى بدقن واقف يبتسم

وخدوا من ده كتير

فى الاخر المدارس كلها مشروع تجارى مربح والاسلام ده للدعاية والاعلان لكن ما زلت بقول انها بكل احوالها افضل من مثيلاتها المختلطة لان عندى فى العيلة الصنفين

فيه المدارس الازهرية الخاصة زى الغد المشرق تقريبا بيشكروا فيها جداا

وناس كتير بيدخلوا فيها اولادهم لحد 6 ابتدائي وبعدين يحولوهم مدارس خاصة منارات او حاجة تانية

ليه بقى لان فى ابتدائى لسة مش بيدرسوا المناهج الازهرية الشريعة والفقه والمواد التقيله
بس بيهتموا بحفظ القرءان وما شاء الله الاولاد يوصلوا الابتدائية حافظين جزء عم تقريبا

كنت عايزة ادخل فيها بنتى بس استبعدت المسافة

للى فى الخليج بقى

انصحهم بلاش الامريكان خليكوا فى المنهج البريطانى بيأسس ويعلم صح
ومجهودة اكتر من الامريكان على فكرة ومحتاج مذاكرة اكتر الامريكان سهل ومفيهوش مجهود

بس اللى بيخشوا امريكان برة ويجيوا يكملوا تعليمهم فى مصر نسبة كبيرة منهم مش بتقدر تكمل بسهوله وتفشل لانهم مش واخدين على المجهود والمذاكرة الكتير واخدين على انهم يخلصوا كل حاجة فى المدرسة ويروحوا يكملوا اليوم fun day :)

مادو

انا شايفة البنات بيهنوكى فهمت ان اختك ولدت بالسلامة بس انا ماقريتش مشاركتك دى

عامة الف مبروك ويتربى فى عزها وعز باباه وعقبال كل اللى نفسم فى بيبي يا رب يرزقهم بالذرية الصالحة

السلام عليكم ورحمة الله
نكمل موضوع المدارس
المدارس اللغات اللي هو التعليم المصري الناشونال بس بالانجلش دي فيه منها مستويات ومشترك وغير مشترك حسب سعرها وحسب نظام الادارة جامدة قوية ولا اي كلام وبالتالي المدرسات والتزامهم يعني مش شرط يكونوا محجبات بس مش مسموح بالافورة يعني وعادي بيدخلوا الجامعات المصرية

التعليم بئى الامريكان والاي جي (البريطاني) والكندي هما دول اللي ليهم نسبة معينة في الجامعات المصرية حوالي 10% بس اعتقد انهم هيزودها في المستقبل من اقبال الناس عليه للهروب من الثانوية العامة
وعادي ينفع التحويل من قسم للتاني بعد النجاخ في امتحاناته وخصوصا لو نفس المدرسة بس بيشترطوا ان من اول اولي ثانوي لحد ال3 يكون نظام واحد وعلى فكرة الامريكي اضعف نظام في مصر ويلم الولاد الضغيفة وولاد الاجانب او اللي عايشين بره واغلبهم هقول ايه تقاليدهم وطريقة حياتهم مختلفة عننا خالص