كل سنة وانتم طيبين يا بنات
مختفين ليه لسة بتعيدوا يعني ولا ايه ........ مااااااااااااااشي

سما

كل سنة وانتى طيبة

فطووم

حمدالله على سلامة الحسن وربنا يفرحك بيه

روشانا

سلامة بنتك الف سلامة خلى بالك عليها وحاولى تديها معلقة عسل كل يوم عشات تقوى مناعتها شوية او حطيها لها مع ميلك شيك او عصير

ربنا يهديها لك يارب

السلام عليكم

ازيكم كووووووووووووولكم وحشتونى ووحشنى كلامكم ومواضيعكم
بس حاسه انكم كسلانين اليومين دول شويه يمكن من اكل الكحك

قلت ابدا انا بفتح المواضيع
على فكرة قسم الفتاه المسلمه فى مواضيع مفيده وجميله جدا
مش عارفه القسم من قبل رمضان بشويه ملاحظه ان مواضيعه اصبحت جميله ومفيده جدا على عكس اول ما اشتركت بالمنتدى
ومش عارفه القسم اللى اتغير ولا انا بجد والله
يا ريت تبقو تتفقدو فيه شويه
وعجبنى الموضوع ده كمان بمناسبه الغلاء ربنا يوسع رزقنا جميعا
http://forum.hawaaworld.com/showthread.php?t=1408357

امانى فعلا عند اختلاف العلماء يجب ان نستفتى قلبنا وربنا يهدينا لما فيه الخير دائما
بس بجد بحس ان اختلاف العلماء فى بعض المواضيع بيبقى رحمه من الله عز وجل
مثلا موضوع الصيام ده انا احساسى ان كل الاراء صح
لكن اكيد اللى هتقضى الايام الاول ثم السته البيض هيكون لها الثواب الاكبر ويليها الراى التانى ثم الراى الثالث
ده غير الاعتبارات الاخرى زى الحاله الصحيه او العمل او .... او.. وربنا لا يظلم مثقال ذرة
وكل واحد فينا يحاول يعمل اقصى ما يقدر عليه
ومن يعظم شعائر الله فهى من تقوى القلوب
زى سوؤال ايناس عن الصلاه اكيد اللى هيصلى الفرض اللى فاته مع السنه هيكون ثوابه اكبر من اللى هيصلى السنه فقط وده هيكون اكبر من اللى هيقول عفى الله عما سلف
ده غير الاختلافات الفرديه بين كل واحد والتانى وربنا اكيد اعلم بينا من نفسنا
بس المناقشه جميله وعرفت منها ان فى ناس قادرة تصوم اكتر من 6 ايام ما شاء الله عشان اغير منهم واحاول انى اكون مش اقل منهم
وربنا يتقبل منا جميعا
ولو كلامى ملخبطكم ادخلو على الرابط ده عشان تعرفو لماذا وكيف نستفتى قلبنا
http://sport4ever.maktoob.com/t29821/


على فكرة بقى بمناسبه اننا فى قسم التنظيف
انا كان عاندى ويندكس قرب يخلص خالص كملته بخل وماء عشان تلميع الكرستال والمرايات
بالصدفه برش على النمل عشان كان جنب اكل النمل مات ونشف بجد انا حبيت الاختراع ده جدا وخصوصا لو فى اطفال او جنب اكل
جربوه ان شاء الله يعجبكم
اسفه على التطويل اصلكو وحشنى وكمان انا فاضيه النهارده
سلام

السلام عليكم ورحمة الله وبركاته
مادو جزاك الله خيرا على الرابط كفايه كده كسل
عايزين نرجع ونعين بعض ونشجع بعض على الخير
وفعلا اختلاف الاراء رحمه بنا لان كل شخص قدراته
وقوة صبره تختلف عن الاخر وربنا يعنا جميعا على ذكره وشكره وحسن عبادته
مين بدأ فى الصيام فرصه الجسم متعود على الصيام لان من علامات قبول
الطاعه من رمضان الخروج منه على طاعه جديده
مين يا بنات حاسه بتغيير فى حياتها بعد رمضان وايه الطاعه ال حا تستمر عليها بعد رمضان عشان نشجع بعض
مين جربت أكلات جديده وعجبتها
حا تنظمو اليوم ازاى فى الدراسه وبرنامجكو حا يكون ازاى يالا منتظره الردود الحلوه

ازيكم يا بنات و حشتونى قوى
كل سنة وانتم طيبين وبصحة وبسعادة واقرب الى الله
وتقبل الله منا ومنكم صالح الاعمال

مساء الخير يا بنات وحشتوني

شكلنا كدا لسه كسلانين

عايزين حد ينشطنا