السلام عليكن جميعا
معلش يا حبيبة اوسو متزعليش نفسك واحتسبي اجرك عند ربنا ويلا كدة شدي حيلك وركزي في المذاكرة وربنا معاكي
فطوم حمد لله على سلامتك يا جميلة وربنا يخليلك الحسن وتفرحي بيه يارب وربنا يجعله ذرية صالحة
روشانا سلامة البنات الف سلامة شوفي لتقوية المناعة في حاجات كتير بس اللي تقدري تستمري عليه معاهم كان في واحدة جارتي بتؤلي بتفطر ابنها بفص ثوم على كوباية زيادي وبتقول تحفة وما شاء الله لا قوة الا بالله الولد مش بيجيله برد غير مرة في السنة كلها وفيه كمان موضوع الانتظام على شرب الليمون كل يوم عشان فيتامين سي فيه ناس بتعمله وبرده نتيجته حلوة وفي حبة البركة على الاكل انا بجيبها مطحونة واحطها مع التوابل ملهاش طعم بس فوايدها هايلة وبالنسبة للادوية كان الددكتور كاتب لملك دوا اسمه اميولانت لتقوية المناعة وهي صغيرة بس مشكلته انه مش ينفع يتكرر كتير
يلا يا بنات بما اننا في قسم التنظيف الست كوكي بنتي وقعت على اليونيفورم بتاعها منيكير حاولت اشيله بالاسيتون مطلعش غسلته بكلوركس البقع خفت شوية بس لسه موجودة وحاليا وديته الدراي كلين بس قالي تحت التجربة وغالبا مش هيطلع حد عنده فكرة ممكن يطلع بايه اجرب الجاز او البنزين ولا مش هيعملوا حاجة
سلام كبير ويوم سعيد على الكل
هايا
•
وحشتووووونى جدا جدا .. الحقيقة الفترة اللي فاتت عشت اصعب تجربة فى حياتى كلها .. قبل رمضان بكام يوم عملت حادثة فظيعة .. انقلب بينا ميكروباص انا وواحدة جارة ليا .. ويا دوب خرجت من المستشفى يوم 16 رمضان .. ولسه دراعي اليمين فى الجبس لحد دلوقت وباكتبلكم بدراعى الشمال .. ده غير الورم اللي فى وشى لان مناخيري كانت مكسورة يعنى بجد دماااااااار شامل .. بجد وصيت جوزى يطمنكم علي حتى لو من خلال الفيس بوك لانى خرجت من المستشفى على بيت ماما ويا دوب رجعنا بيتنا عالعيد .. بجد كنت محتاجة لكم جدا .. انا وصيت هشام يعيد عليكم لانه كان بيفتح البيدج بتاعتى ويقرالي الرسايل .. يا ترى افتكر ؟
الصفحة الأخيرة
عاوزه احكيلكم على تجربه قربتنى من ربنا
بس مش قادره اكتب دلوقتى اصلى شديت مع جوزى
امتحانى بعد يومين ومتقصريش فى حاجه
انا لسه بذاكر النهارده بس
ادعولى مش قادره تعبت وعيت بسب الموضوع دا
يقولى ماشى وساعه التنفيذ لا
اعملى دا ومتقصريش فى دا
مش قادر يستنى اسبوعين
ادعولى ربنا يفك كربى
ويوفقنى فى الامتحان
ومعلش مش عارفه اسلم عليكو كويس مش قادره اكتب