shaymaa-m :

صباح الخير يا بنات كل سنه و انتوا طيبين بلو روز الف سلامه على ماما و ربنا يشفيها و يخفف عنها الامها و يقويها يا ارحم الراحمين حباييبي كلهم عطر و عروس و ايمان و مادو و ميمسي و روشانا و ماما زوزو كلكوا كلكوا كلكوا كلكوا و طبعا اللي مش كتبت اساميهم باحبكوا نيجي بقى للملكة الرومانسية شوفي ياستي انا باشتغل و ح اقوللك على كذا حاجة شوفي انتي مواعيدك مش وحشه يعني بتمشي تسعه و بترجعي قولي خمسة تمام انا اعرف ناس مواعيد شغلهم افظع من دي بكتير و انا شخصيا كنت زيك لحد السنه اللي فاتت غيروا مواعيد الشغل بس شوفي انتي نظام اكلك ايه ؟؟؟؟ يعني نواشف ولا طبيخ و بتاع النواشف سهله :انا باجيب اللحوم والفراخ مرة في الشهر اللحوم في اكياس على قد الطبخه و اللحمه المفرومه معصجة و برضه في اكياس متبططه في الفريزر نيجي بقى للكفته : تبليها عادي الكفته البانيه بالبيض و البقسماط و صوابع في اطباق فيبر كفته الشوي برضه نفس القصة باعملها في الاطباق و ممكن بعد كده تشيليها م الاطباق و تعبيها في اكياس و نفس الحال بالنسبه للكبييبه الفراخ بقى : انا باحب اقطع الفرخه اربع و اتبلها (بصل +طماطم +ملح و فلفل +بهارات اللي تحبيها اذا حبها و ورق لورا ولا حاجة ) بس و في اكياس بالتتبيله و بما اننا بناكل الاكل صابح باحط قطعتين مع بعضو تطلع ع الميه المغلية و انسي كده خلصنا اللحمه و الفراخ طبعا لو فيه بط و حمام و المواضيع دي بتبقى صابحه دايما مش باحب اشيل برضه لو الاكل طبيخ " اهم حاجة انك تفرزي الخضار او تشتري مرة في الاسبوع او تشتري اكياس بتسهل كتييييييييييير و بكده جاهز ع الطبيخ عدل الصلصة م الاساسيات في حياتي بتسهل الامور جدا و كمان ممكن تضربي بصل على ثوم و تسبيكهم بطماطم و تعبي في برطمانات او ااكياس على قد الطبخه خلاص اليوم بيبتدي قبل الشغل بساعه ساعه و نص لو فيه اطباق م العشا باغسلها دي الحاله الوحيده اللي ممكن اسيب فيها اطباق في الحوض لو ح اوضب ساندوتشات او فيه غسيل محتاج لنشر او تطبيق يفي الفترة دي النواشف: طبعا ح تطلع الكيس م الثلاجه قبل الشغل بتاع اللحة او الفراخ او الكفته اللي انتي عايزاه و لو ح تسلقي مكرونه ممكن على ما تعملي ساندوتشات او تطبقي الغسيل تكون اتسلقت و الصلصه جاهزة يا بطه نرجع م الشغل تغلي كنكه ميه بسرعه و تدلقيها ع المكرونه في المصفه على ما تحمري البطاطس و تعملي السلطة مش ح تاخد منك نص ساعه نفس القصه يا ستي بالنسبه للكبده او ل ما باشتريها م الجزار باقطعها على طول بالحجم اللي انا عايزاه و اكياس و تطلع برضه الصبح خلاص كده الجلاش برضه ح تطلعي الكيس م الفريزر قبل الشغل مع كيس العصاج و ترجعي تطبقي بس و انتهينا ماشي يا بطه الطبيخ : بقى طبعا حضرتك عندك التسبيكة جاهزة في الثلاجه و الخضار معبي في اكياس يبقى فاضل ايه ؟؟؟؟؟؟؟؟؟؟؟؟؟ برضه الصبح و انتي بتغسلي وشك حطي الحلة تغلي و اسقطي اللحمة فيها او الفراخ و ممكن تاخدي الخضار غلوة يا وزة قبل الشغل لو لحقتي في الساعة دي ترجعي برضه الرز متنقي اصلا و على ما يستوي يكمل سوا باقي الحاجات خلااااااااااااااااااااااااااص العشا بقى انا باعمل خفيف و ممكن في يوم م الاسبوع اعجن كمية بيتزا و في اكياس ع الفريزر كده الاكل خلص و ان شاء الله ما ياخد منك غير نص ساعة بعد ما ترجعي بالنسبة بقى انك بتخافي البطاطس مثلا تتحرق شوفي يا جميلة تعرفي تقفي جنب البوتاجاز و انتي بتعملي حاجة تانيه يعني انا عامله حتة رخامه جنب البوتاجاز باشتغل عليها و عيني ع الاكل اللي ع النار خلاص غساله الاطباق عطر الشموع و ايمان بيشكروا فيها اوي وانا كمان بافكر فيها نيجي بقى للنظافه شوفي يا ستي لو انتي اتبعتي نصايح سجى ح تلاقي الامور سهله ان شاء الله انا باطبق الغسيل متصنف يعني لبس البيت لوحده لبس الخروج ع الشماعات و صفوف بطريقة منظمه في الدولاب وانا باحطه باساوي الصفوف اللي شكلها مش عاجبني اول باول و الحمد لله مش بانظف الدولاب ابدا تنظيف جامد الا في نقل الشتوي ولاصيفي تنظيف الشقة خليه على مراحل يعني النهارده نص ساعة بعد ما ترتاحي بعد الغدا او حسب روتينك قبل ما تنامي تنظفي فيها الاوضه تلميع ازاز و مسح خشب و تغيير ملايات او كده ماشي و يوم في الاسبوع للحمام و المطبخ بس و انا كمان مش باحب الشغالات ابداااااااااااااااااااااااااااااااااااااااااااا ممكن بقى و انتي ماشيه كده في الشقه على ما كوبايه النسكافيه تبرد تمسي فوطه و تلمعي الازاز ع السريع بس لو فيه اي اسئلة تحت امرك انا شرحت كلو كلو اوعي تكوني زهقتي و استعيني بالله في كل الحاجات و حتسبيها صدقه وانتي بتعمليها و لو جه الله تعالى وان شاء اللهر بنا يعينك

صباح الخير يا بنات كل سنه و انتوا طيبين بلو روز الف سلامه على ماما و ربنا يشفيها و يخفف...

ROSHANA :

الملكة الرومانسية حاولى تخلى ساعة الصبح قبل ماتنزلى تجهزى فيها الاكل او تشطبى المطبخ او تروقى الدنيا على الوش يعنى الاكل يا تجهزية من باليل يا قبل ما تنزلى الصبح البريانى ممكن تعملية الصبح قبل ما تنزلى ولما تيجى على التسخين فى الفرن او الميكروويف وبيبقى طازة الكبدة تبلتيها من باليل الصبح اعملى المكرونة بتاعتها لو محمرة او قطعىالسلطة صغير وفى علبة فى التلاجة ولما تيجى حطيلها ملح وليمون (بس لازم تكون مكوناتها ناشفة حتى الطماطم تبقى متماسكة مش طرية ) البطاطس قشرية وقطعية وحطية فى مية وملح وخل من باليل او الصبح ويبقى لما تيجى يا دوب على تحمير الكبدة والبطاطس

الملكة الرومانسية حاولى تخلى ساعة الصبح قبل ماتنزلى تجهزى فيها الاكل او تشطبى المطبخ او تروقى...

be_happy :

لا يمكنك مشاهدة هذا التعليق لانتهاكه شروط الاستخدام.