الملكة الرومانسية :

شكرا روشانا على النصايح لكن البطاطس لو نقعتها في مية وملح من الساعة 6 الصبح لحد الساعة 5 تقريبا ميبقاش كتير؟ ولا عادي؟ فيه حاجات كده باخاف أعملها من بالليل أو الصبح قبل ما انزل الشغل لأني باحس انها ممكن تبوظ عقبال ما اروح وابدأ اعملها لو انا غلطانة في كده صححي معلوماتي

شكرا روشانا على النصايح لكن البطاطس لو نقعتها في مية وملح من الساعة 6 الصبح لحد الساعة 5 تقريبا...

ROSHANA :

لأ مفيش حاجة انا ساعات بحطها ف مية وملح فى التلاجة لتانى يوم احمرها شوفى الصبح على الاقل خالص لو قايمة متأخر ومفيش وقت اول ما اصحى احط مية الرز على النار واروح الحمام اغسل وشى واتوضى ارجع على المطبخ تكون المية غلية احط الرز والملح والزيت اقف جنبها اجهز الساندوتشات واول ما تغلى احطها على الشياطة وارجع البس واجهز البنات يعنى عايزة اقولك ان الرز كله على بعضه هو نص ساعة مسافة ماتجهزى انتى وجوزك والخضار لو فيه خضار بطبخة فى الغالب من باليل او ساعات للسهولة برضه ببقى مجهزة خضار مقطع مشكل(بطاطس كوسة جزر بوكلى قرنبيط بصلة فصين توم طماطماية مقطعة) فى كيس فرن من باليل ورشة ملح ورشة فلفل وبهارات وتحطى عليى معلقة صغيرة سمن بلدى وفراخ متبله زى شيمو او قطع فيلية فراخ او لحمة متبلة من قبل العدد اللى تحبية وكوب مية واقفلى الكيس وعلى الفرن الكيس ببقى مجزاه من باليل الصبح احط الرز على النار والكيس اطلعة واحطلة اللحمة او الفراخ وكوب المية وعلى الفرن على اعلى حاجة هى نص ساعة على ماتجهزى تطفى علي الرز وعلى الفرن وممكن تعملية ببطاطس وبصل بس بصى الافكار كتير المهم زى البنات ما قالولك التنظيم فى التفكير والتجهيز مش تصحى الصبح عايزة اعمل الرز واقشر الخضار واطلع لسه اللحمة تفك وووووو ماهو طبعا مش هاينفع وهاتلاقى مفيش وقت تعملى حاجة فكرى وجهزى ونظمى ومعلش تعالى على نفسك و استحملى الست اللى بتيجى تنضف انا زيك غيرت كتير وزهقت منهم وحاليا قاعدة من غير حد يجيلى بس مش نافع بصراحة لازم حد يجى

لأ مفيش حاجة انا ساعات بحطها ف مية وملح فى التلاجة لتانى يوم احمرها شوفى الصبح على الاقل خالص...