مادو انا منتظراكى انتى ال تشجعينى على الحفظ
وكان فى الرابط ال مى نزلته وصفه طبيعيه لكريم النهار
عجبتنى جدا وناويه اجربها اربع ملاعق فازلين تدوبيها فى حمام
ماء ساخن وتضيفى عليها ملعقتين زيت زيتون وعصير نصف ليمونه
انا حاسه انها ان شاء الله حا تكون حلوه لان الفازلين بيرطب جدا البشره
ايمان انا حاسه بيكى لان كان فى سنه ما صمتش فيها عرفات
وكنت حزينه جدا لكن الحمد لله شعرت بحلاوه غريبه فى الدعاء فى هذا اليوم
وخشوع غريب والحمد لله حجيت السنه ال بعدها على طول
فحسيت انها بركة الدعاء فى هذا اليوم العظيم لكى اجر الصيام ان شاء الله
واكثرى من الدعاء وان شاء الله حا تحسى بلذه وخشوع جميل لانه يوم عظيم
كل البنات بسلم سريعا لان المطبخ منتظرنى سلام

انا قلت تشوفو الموضوع ده قبل ما يترحل على الصفحه التانيه
يالا دلعى نفسك وزوجك
http://forum.hawaaworld.com/showthread.php?t=1441195

مساء الخير عليكوا يا بنات

انا خايفه افطر بكره احسن شكل الحلوه هتشرف و بجد مرعووووبه لاحسن يوم عرفه يضيع عليا

ربنا يستر

انا كمان فاطره شوفتى يا ايمان
كان نفسى اصوم يوم عرفه
ذلك فضل الله يؤتيه من يشاء

بنات لو سمحتو ازاى اتبل البفتيك وينفع يتبل بعد ما يطلع من الفريزر ولا ايه واسويه ازاى

حبيبة اوسو .. طبعا ينفع تتبليه يا حبيبتى بعد ما يفك من التلج .. ابشري البصل ناعم او افرميه فى الكبة وضيفى عليه الملح والفلفل والبهارات وممكن عصير ليمون لو حبيتى .. طبعا بتسيبيه ساعتين عالاقل .. لما تيجى تسويه ما تكونش الزيت مغلي قوى يعنى بعد ما يغلى تهدى النار شوية وتكونى دقيتى الشرايح عشان تستوى كويس .. الاول تغطيها بالدقيق والخطوة دي مهمة جدا عشان بعد كده البيض والبقسماط يمسك فيه .. يعنى الاول الدقيق وبعدين البيض المضاف ليه ملح وفلفل وبعدين السميط ويكون ناعم وتضغطى عاللحم كويس بايدك من الناحيتين وتحمريه وبالف هنااااا .