روشانا
استقري على المسك الاسود للطهاره و انت بس روحي اسالي في عبد الصمد القرشي و هيقولولك هو ده

و بالنسبه للفونت معلش مش هعرف اصغره بس اوعدك اكتب بعد كدا بفونت اصغر



مادو
بصي يا حبيبتي في فكره غلط عن كريم الاساس انه بيبيض
و ده اللي اكدتلكوا عليه انه لازم يكون نفسلون البشره لمجرد ابداء البشره بلون موحد

و طبعا البودره المائيه مرهقه اوي للبشره و ابعدي عنها

و بالنسبه للبيت ممكن تستخدمي بودره نفس لون البشره و عليها بلاشر

و بالنسبه للكريم فهو كريم عادي بس للنهار وهو بيكون اخف من كريم اليل
و ممكن تستعملي اللي عندك لحد ما يخلص و بعدين جيبي كريم نهاري متخصص


ام البنات


حبيبتي ممكن تعملي نفس الخطوات بس من غير كريم الاساس

يعني ممكن تكتفي بالبودره

و ممكن تكتفي بكريم الوجه و عليه البلاشر و ماكياج العين و الروج عادي


ايمان
معلش يا قمر و فعلا عليكي بالدعاء و التسبيح
و ربنا يعوضنا خير ان شاء الله و يرزقنا الحج جميعا السنه الجايه


عروس
بصي انا سمعت حلقه امينه شلبايه و هي جايبه خبيره التجميل صاحبه الوصفه
بس نبهت ان الوصفه دي مدتها اسبوع و لازم يكون في التلاجه
فخدي بالك متعمليش كميه كبيره عشان ميبوظش منك

نانا
من عنيا يا حبيبتي هوصفلك طريقه السشوار تفصيلا
النهارده ان شاء الله


لمياء
سيبك يا حبيبتي من جوزك هو الخسران في الاخر هههههه
اعملي اللي نفسك فيه وهو الل هتلاقيه موهوم بيكي يا قمر

مدام وائل .. ربنا مايحرمكيش الاجر ان شاء الله والمهم تكثري من الدعاء وسماع القران .. وكل سنة وانت بالف خير .
لميا .. الشال والجوب شيك قوى قوى مبروكين يارب عليها .
ام البنات .. ممكن تشرحيلي يا حبيبتى بتعملى الفراخ بالفريك ازاى .. اصل لينا قرايب من الصعيد دايما يبعتولنا فريك ومش باعرف اعمل بيه ايه .

السلام عليكم ورحمة الله وبركاته
ازيكم يا بنات وحشينى خاااااااااالص انا الحمد لله لحقت اصوم الخمسه الباقيين من ذو الحجه ولله الفضل وفعلا الواحد مش قادر يوصف حلاوة الصوم فى الايام دى الواحد مش حاسس ابدا بيهم وربنا يتقبل منا اجمعين
يوميات امبارح بالنسبه ليا انا امبارح عملت خطوه جريئه وقصيت شعرى يا بنات ايوه رحت للكوافيره وعملت نيو لوك وفعلا الواحد بعد التغيير حس بفرق جامد وكان عندى غدا فى البيت روحت عملت قراقيش بعجوه وكانت تحفه وبالليل جرجت وجيبت هدوم العيد للاولاد
مش عايزه اقولكم الشوارع زحمه ازاى بس الحمد لله خلصت من الموضوع ده على خير اما النهارده فعملت حمام زيت لشعرى ونضفيت البيت ورتبته ورتبت الفريزر والتلاجه وطبخت كنا صايمين والحمد لله كان يوم سهل وعدى بسرعه
مدام ايمان ربنا كرمك وان شاء الله لكى اجر الصائم لان دى حجه مش بارادتك وربنا ينقى قلبك ويثبتك باذن الله
لميا حلو او شغلك وانا من زمان نفسى اتعلم حاجه من الاشغال اليدويه دى هى الرغبه موجوده بس للاسف الوقت مش موجود يا ريت تقوليلى لو حبيت فى الاجازه اتعلم حاجه ازاى ابداء افيدنى يا لملومه
عطر ياريت تقوليلى على استعمال الاستشوار ده اللى مجنينى بجد اصل انا عندى بس للاسف مش بعرف اتحكم فيه كويس مش زى اللى عند الكوافيرات يا ريت يا عطر تقولينا على استعماله بطريقه بسيطه وسريعه فى البيت مع العلم ان شعرى خفيف ومش بيستحمل استشوار بس بعد موضوع الزيوت ده فرقت معايا خالص وقل فعلاسقوط الشعر عندى يالا مستنينك يا عطر و على فكره انا عندى استشور عادى ولا انتى تنصحى بحاجه تانيه كمان انا نفسى استخدم حمام كريم لتقوية شعرى وتغذيته ممكن تقوليلى على احسن نوع حمام كريم للشعر انا مره جربت ليزا بخلاصة الجرجير بس ما عجبنيش اما البشره فانا بخاف احط حاجه على بشرتى يا دوب مكياج بسيط جدا وكريم ترطيب لكن بودره وكريمات اساس لا والف لا وربنا ما يحوجنا للحاجات دى مفيش احلى من الطبيعى والماسكات ما ليش فيها كمان فى حاجه تانيه انا بستخدم حاجه اسمها بودرة المسك كمزيل للعرق ريحتها فعلا تحفه يا بنات حد جربها ؟؟؟؟ ياريت يا بنات نفيد بعض فى الموضوع ده لان الواحد فعلا بينسى نفسه فى زحمة الشغل والبيت والاولاد وربنا معانا ويتقبل منا صالح الاعمال ويحقق لكل واحده اللى بتتمناه يا رب

يالا يا عطر انا اعده اهو مستنياكى يالا قبل ما انعس وانام احسن اختك مش بتقدر تقاوم كتير وبتنام بدرى
امال فين باقى البنات ؟؟؟؟ يعنى اليوم اللى ابقى فيه معاكم سهرانه (قال يعنى ) انتم ترحو تناموا يالا تعالو بقى

اماني معلش اتاخرت عليكي بس انا مش بعرف اكتب حاجه الا لما ابني ينام عشان اخلص من الزن


طريقه السشوار:::::::::


اولا ::::لازم نسيب الشعر ينشف شويه لان السشورا تاثيره وحش اوي على الشعر المبلول


ثانيا::::ننشف الشعر بفوطه و يا اما نسيب الشعر لما ينشف لواحده يا اما ننشفه بالهواء البارد اللي في السشوار


ثالثا:::::ندهن الشعر بفازلين خفيف (للي معندوش سبراي الحراره )عشان نحمي الشعر


رابعا :::::نقسم الشعر على ثمان خصل و اللي شعرها تقيل ممكن اكتر و نمسكهم بكليبسات


خامسا:::::انا بستخدم السشوار اللي فيه فرش بتتركب فيه ونوعه باناسونيك0 100 وات )

هنمسك اول خصله ونبدا نعملها (الاول نفردها و بعد كدا نبدا نلف الخصله على الفرشه في اتجاه لفوق و لتحت )
و نعيد في السشورا لحد ما تحسي انها بقت تمام

سادسا::::::نلفها اي كلام بالكليبس لحد ما نخلص كل الشعر


سابعا:::::بعد ما نعمل كل الخطوات السابقه على باقي الشعر نفكهم من الكليبسات و نسرح شعرنا بهدوء (طبعا ممكن يكون فيه شعرات لسه مش مظبوطه)


ثامنا::::::نمسك فرشه السشوار و نسرح بيها الشعر كله وهو شغال في كل الاتجاها يعني نجيبه كلهعلى جنب و بعدين كله ادام و بعدين كله ورا


تاسعا ::::::اللف 1-

1-اللف للكيرلي يا اما على سوسيس يا اما على رولو رفيع يا اما نبرم كل خصله على صوابعنا و نمسك بكليبسات

2-اللف الليس بيكون على رولو واسع و كبير


عاشرا ::::::نفكالخصلات و لو كان كيرلي يبقى نسرح الشعر بالراحه بصوابعنا
انما لوليس يبقى يتسرح بمشط سنانه واسعه

و لو محتاج تدهنيه باي كريم متعوده عليه يبقى دهنه خفيفه

(طبعا الوقت بيعتمد على غزاره الشعر يعني لوالشعر تقيل بياخد نص ساعه ولو الشعر خفيف ياخد ربع ساعه)

(بالنسبه للي شعرهم مش بيتحمل يبقى نخلي السشوار على اخف حراره )


(في كمان يا بنات الفير الجديده اللي بتبقى سيراميك اللي اسمها بيبي ليس حلوه اوييييييي بس بتاخد وقت لان حرارتها ضعيفه)

و نظامها بيكون الشعر بيتعمل سشوار خفيف و بعدين تتقسم الخصلات و تتعمل بالبيبي ليس


بس يا حلوات لو اي استفسار ابعتولي