ممكن نحاول نبدر في اعطاء الصدقات للمحتاجين و اللي بيعملوا شنط رمضان ممكن يبتدوا من دلوقتي يكون أحسن

هههههههههههههه
تصدق ح تصدق ان شاء الله هههههههههه
باجر شكلك بس حلو الحبر السري دي مش ح تقولي لي اشتريتيه منين؟؟؟؟



يا عيني يا نانا ربنا يعينك ع التراب و الوش طول النهار حاجة فظيعه
بس ح اقوللك زي مادو ما قالت فرزني كويس اكل كتير
و جوه الدواليب و النيش كويس و استني ع التنظيف و غسيل الستاير للاخر
و لو السجاجيد نضيفة لميها و عيشي من غير سجاد بدل ما يتبهدل
و ربنا معاكي

هقول لكم على حاجات تخلو بالكم منها عن تجاربى اليومين دول
الغسالة الاوتوماتيك خلو بالكم جدا من اى دبوس او زرارحتى او اى حاجة معدن او صلبة شوية
انا بسبب دبوس نمنم الغسالة باظت ودفعنا فى صيانتها 400 جنيه انبارح
من حق متعرفوش غسالة ايديال الضمان بتاعها اد اية؟ اصل المهندس بيقول سنة واحدة وانا مش مصدقة

تانى خبرة انا جبت خط موبايل جديد بس فودافون عشان الموبينيل شبكتة واقعه عندى
وسبتة شهر لقيتة مشتغلش
رحت للاجل اللى شارين منه قال معلش لازم تعملى منه مكالمة الاول عشان يشتغل والنمرة متتلغيش ماشى
جبت خط تانى واتكلمت منه واتركن شهر
جيت اشغلة قال تم الفصل
اتعلمو باه
افتكرت كارثة من الكوارث بتاعتى اول الجواز
سبت المكواة شغالة وكانت باناسونيك ب200جنيه
وخرجنا ورجعنا والله مش هتصدقو لقينا حديد المكواة سايح على الترابيزة والنور فاصل
وحاجة كمان كدة على الماشى
المكوجى كان بيجمع لينا الفلوس اللى كان بيلقلها فى الهدوم هههههههه
كان راجل امين والله
بالمناسبة يا بنات انا بابا كان هو دايما اللى بيكوى هدومة لو مودناش الحاجة للمكوجى
لكن جوزى بيقول ان المكواة مش علية؟
انتو عندكم المكواة على مين؟؟
سلام

شيماء جزاك الله خيرا فعلا كلامك صحيح
انا لسه سامعه فى برنامج بيقولو ان رمضان هو الشهر ال الفقير
بيشبع فيه لكن فين باقى شهور سنه
والله يا جماعه الصدقه بتفرق جدا فى البركه اكيد كلنا بنعانى
ان الفلوس ما فيش فيها بركه نهائى عن تجربه جربو الصدقه
لكن تكون بصفه دائمه بتفرق جدا بركه فى المال وربنا بيلطف ويهون
مصائب كثيره فهى تجاره رابحه مع الله واثرها فى الدنيا والاخره
مادو صباح الفل انتى عارفه انك غاليه على قلبى انت وكل البنات
انجى - تصورى كا ن بعيد عن بالى فكرة انى اعمل شيره خفيفه وسميكه
لان فعلا فى حلويات بتحتاج شيره سميكه وجربى لبنتك كمان زيت الزيتون بيقضى
على التهابات الحفاض
نانا ربنا يعينك على التراب
نانو تقومى بالسلامه ان شاء الله وتنورينا
بنات كنت كتبت طريقة المسترده وايمان كتبت الكاتشب
لقيت طريقه جديده لمايونيز بدون بيض لكن للامانه لسه ما جربتش
انا حاسه انه بدون بيض مع مشاكل انفلوانزا الطيور يكون امان
وعندى طريقه بالبيض لو حابين اكتبها
طريقة المايونيز لكل كوب ماء ملعقة طعام نشا وملح يقلب ثم يوضع على النار
حتى يلف ثم يترك يبرد ثم فى الخلاط نضع النشا وعليه ثوم اختيارى وليمون وبمعدل نصف كوب زيت
لكل كوب ماءويضرب النشا فى الخلاط مع اضافة الزيت خيط رفيع مع استمرار الضرب حتى انتهاء الكميه
ان شاء الله اجربها ويبقى كده عملنا الحاجات دى لان كل الولاد بتحبها ومنعنا المواد الحافظه تماما

انجى
وانا كمان كانت بعيدة عن بالى فكرة الشربات التقيل والخفيف
يا ريت يا بنات كلنا نقول عملنا اية فى تفريز رمضان انا عارفة ان فى ملفات لكدة بس انا عايزة نتكلم ببساطة اكتر مع بعض
انا عن نفسى مش غاوية فرزنة وبحب الاكل صابح بس فى حاجات بسيطة ممكن تتعمل
زى البوفتيك بعملة متبل فقط ولما يخرج اكمل الكفتة العادية وكفتة الرز والكفتة البانية
البقول زى اللوبيا والفاصوليا والحمص زى ما عروس قالت لى بس انا بنقعها من بلليل واديهم غلوة الصبح وبعدها واحط فى الفريزر
الشربات وحشوة الكنافة والقطايف وممكن ننوع بين حشوه المكسرات وحشوه السودانى
الدريسينج للصلطة -وصلصة الطماطم طبعا -التوم بس للعزايم
اهم حاجة بالنسبة لى البلح اطلع منه النواه عشان بكرة الحكاية دى وايدى بتوجعنى
وممكن نقطع التمر هندى قطع لانه متعب بردة
دقة التوم عشان تتبيل البذنجان المقل او المخلل وغيرة
واللى يفتكر حاجة يقولها ببساطة كدة