السلام عليكم يابنات ياشاطرين

انتم ماشاء الله عليكم هايلين فعلا


روشانا
بجد معلوماتك عن البيكربونات هايلة فعلا انا اول مرة اعرف كل الكم دا من الفوايد ليها تسلم ايديكي

باقي البنات
برافو عليكم والله

عروس
انا بعمل الطريقة دى بس هى زى التومية كدة

طيب انا عندي سؤال
عاوزة اجيب بلح اللي هو بيتنقع في اللبن اجيب نوع ايه عشان بلاقي انواع كتير...

مادو هو فعلا حا يكون زى التوميه
انا بعمل التوميه بطريقه أخف
انا بسلق بططسايهو احط عليها علبة زبادى
وتوم وليمون بتكون خفيفه جدا الدهون قليله
لان غالبا التوميه بعملها مع البانيه فكفايه دهون القلى
انا ان شاء الله حا اعمل قبل رمضان
خلطة الكنافه والقطايف والشيره خفيفه وسميكه
كفتة رز وكبة برغل وحا اعصج اللحمه وعلى الفريزر
وتتبيلة البفيتك والكفته
انا بقلى الكفته بدون بيض كان عملها اسامه السيد
يعد تتبيل الكفته تدحرج فى الدقيق وتقلى بتكون سريعه وخفيفه
حا اعمل تتبيله خل وتوم وليمون وبقدونس وفلفل اخضر وزيت زيتون فى زجاجه فى الثلاجه كله مضروب فى الخلاط
لتتبيلة السلطات
حا اعمل لازانيا العجينه فقط
وكل ما افتكر حاجه حا اكتبها
فى كمان فكره ما حدش اتكلم فيها ان رمضان بيحب الاكل يوم بيوم
وانا شخصيا بقلل عن استهلاكنا العادى فى الاكل لكن كلنا عارفين بركة رمضان
مهما قللنا بيكون فى فائض ايه رايكم نقترح افكار لتدوير باقى الطعام فى رمضان
وده حا يوفر وقت كبير فى المطبخ
اول حاجه جربو التسخين على البخار لفى الاكل بفويل وسخنيه
بيكون طعمه حلو ومش بينشف زى لو سخناه فى الفرن
والطريقه دى تنفع للمحشى والبشاميل والرز والحواوشى
بواقى اللحم نضيف لها بصل وتشوح خفيف مع طماطم وتبقى شاورما

وممكن بعد ما بقت شاورما نعمل لها بشاميل خفيف ونفس الحكايه الدجاج
او نعمل باللحمه كروكيت الدجاج
اى بواقى رز جمعيها فى كيس فى الفريزر ونضيف عليها باقى مكونات الكشرى
او بواقى الرز تفرم فى المفرمه ويضاف لها بطاطس مسلوقه او بقسماط وتحشى لحمه مفرمه
ونقليها ونكون عملنا كبة رز
لو عندى بواقى عدس بعمل شوربة شوفان واحط عليها العدس
اعملى مكرونه بصلصه لكن كترى شويه وتانى يوم اعمليها بالبشاميل
افكار التدوير حا توفر وقت وجهد والبت حا يحسو ان كل يوم فى اكل جديد
خصوصا ال زوجها بيحب الاكل فريش مش حا يحس اطلاقا بالفرق فى الطعم
منتظره باقى الاقتراحات

جارى التحميل يا قمر
وجزاك الله كل خير وانا متاكدة انها هتفيد الكل مش انا وعين بس