رواء ولولو نانا 2000
شكرا فرحتونى :)
جزانا الله خيرا واياكم ان شاء الله

شيماء
حمدلله على السلامة وحشنا ضحكك بس داليا كانت قايمة بالواجب صح :)

يا رب كلنا دايما متجمعين فى حب الله



عروس
كلامك مظبوط فعلا الدكتور كان دايما ينصحنى بعد تطعيم البنت بميه ونشا عشان ماتورمش


يويو
النشا ما شاء الله هايل للالتهاب
بس الخفيف او المتوسط لكن لو جامد جربى مرهم للحروق اسمه mebo
اكتر من رااااااائع

مادو
لأ ماجربتوش انا جربت المية والنشا للالتهاب لكن البيكربونات انا لسه شايفة فوايده النهاردة الصبح وعلى طول نقلتهالكوا
لكن لسه ماجربتوش فى حاجات كتير
بس جربته مع الكيك ومع البقوليات يعنى بيتاكل مش ضار فاعتقد هايبقى مفيد على الجلد برضه

مادو

يا خبرابيض ربنا ستر الحمد لله كان ممكن تحصل مشكلة كبيرة خدى بالك وربنا يستر

بالنسبة للمكوا
كانت عليا طبعا فى الاول
لكن بعد العيال بقت على المكوجى بقدر الامكان الا الحاجات الخفافى

نانا
حاولى ماتفتحيش الزجاج بقدر الامكان وعلى طول نزلى الستاير تحوش شوية وربنا يكون قى عونك مش ناقصة تراب العملية

عروس
ما شاء الله عليكى ويا ريت كل البنات ميبخلوش علينا بمعلوماتهم
وكل واحد يقول على طريقتة
وكالعادة شوية اسالة كدة على الماشى:)
هو احنا ممكن نسلق البطاطس ونحطها فى الفريزر لاستخدامها لاى غرض وكيف؟لو ينفع
واية حكاية الكفته مع الدقيق دى ظكفته عادية كدة؟
والتسخين على البخار بتقفلى الحلة اصلى عندى حلة ضغط من يوم ما اتجوزت مستخدمتهاش
بخاف او مبعرفش
براحتك باة كل مل تفضى جاوبى حاجة هههههه

بى هابى
ربنا يجازيك كل خير على تعبك
بجد الملفات تحفه ولو انى مليش فى الحلويات بس شكلها يشجع على التجارب
وربنا يجعلة فى ميزان حسناتك