ازيكوا يا حلويييييييييييين

معلش مشغوله اليومين دول شويه
بس باقرا كل الللي بتكتبوه

وحشتوووووووووووووووووووووووووووووووووني

متابعاكم

آه صحيح مافيش حد علق ع التوقيع الجديد اللي اضفته
انا حاطاه مخصوص علشانكم
دعاء جميل اوي و رقيق اوي
الله يجزاها عني ام عزيزان خير
ايه رايكم نحطه كلنا

ROSHANA

ايوة يا ستى الملوخية الناشفة انا برضو كنت قلقانة منها

بس لقيتها جميلة

وعلى فكرة قريب هتلاقيها فى سوق الخضار بتكون مع الناس اللى بتبيع البقدونس والشبت اسألى بس

لكن البسلة النشفة سمعت عليها مش جربتها

لكن اكيد زيها ذى اللوبيا الناشفة والفاصوليا والحاجات دى


حبيبه اوسو


والله العظيم كنت لسة هارد عليكى والله النهاردة لانى امبارح خرجت مع اختى ورجعنا متأخر اوى فيدوب رديت فى السريع والكلام معاكى كلن محتاج تركيز كثير


يمكن لانى حاليا بمر بنفس ظروفك بالكلمة لا فى حاجة انى خدت القرار فى موضوع الماجتسير وانتهيت ساعات بحن بس خالص بقى

فاستنيت والله ردود البنات عليكى قلت لسة قالولك انا بروضو كدا

اصلى حاسة انى بقيت كأيبة اوى الايام دى وحتى فى ردودى

حقك عليا يا حبيبة

ومستنية برضو ايميلك علشان اقفدر اوصل الكل يا بنات

ona_ezz

ربنا يبارك فيكى

وضحكتينى بموضوع البيبى دة

بيبى اية يا بنتى امل انا ابقى اية لسة متولدتش بقى

دا انا اللى باتعلم منه


وبعدين بلاش سيرة البيبهات دى بخاف من مجرد السيرة والله
ههههههههههههههههههههههههههه


spanishflower

كلامك كلة سكر

اشكرك على اية ولا اية

اولا موضوع تربية الاوللد عجبنى رأيك جدااا

وانا برضو عامله ذيك كدا

ومنزلة كتب من النت كمل شهر او اتنين اطبع واحد واخلصة

وهتقولوا بتقرأ امتى حطاه جنب التليفون فى المطبخ على ما اخلص حاجة اقرأ شوية وساعات لما بودى ينزل مع باباه عند جدو

وبتقلاينى خلصتة

وكمان برضو اسلام اون لاين

فعلا كلنا مش مولودين بنعرف نربى ولا ولادنا الجيل اللى هيتولد ويتربى كدا لوحدة ذى زمان

ربنا يعننا

مسألة الحفظ انا برضو ذيك يا رانيا يا دوب وانا بارتب البيت واو بانظف بالليل بس الحق حطالة كمان نصف ساعة زيادة قبل النوم وطبعا فرق كثير لما باسمع الصفحة اللى باحفظها لمدة بس 10 دقايق متواصلة

وفى المطبخ لو دخلت دقيقة اشغل فى الكاسيت السورة اللى باحفظ فيها حتى لو مش نفس الجزء اللى انا فية اكيد هتفرق لما اجى احفظها

اما التجويد دا فيلم معايا

جوزى كل لما يلاقى وقت يعلمنى حكم وافضل اتعلم فية بس بصراحة ببطىء رهيب

ربنا يعننا يارب

الشكر الفظيع بقى

على الشوربات

انا باعمل الطماطم والبصل

الجديدة شوربة اللبيبة بس شكلها تحفة وهاجربها بأذن الله قبل رمضان وهاكتب كل الطرق دى لرمضان

بأذن الله

لو تتكرمى بس يا رونى شوربة الذرة والبركلى

ولو عندك طريقة مجرباها للحريرة كمان اكون شاكرة جدااااااااااااا


Mama zozo

كلامك دايما فى الصميم

ماشاء الله عليكى


مادو


اولا اية موضوع فتة الملوخية

انا عارفه فتة العدس بس الملوخية لا

ومن برضو طريقة اكلنا اننا بأكل شوربة العدس نعمل معاها فتة ورز ابيض

اما جوزى مكنش يعرف الفتة ولا بيرضى ابدا يأكل معاها رز

شفتى يا روشانا مازلت بحاول فى الموضوع دا بقى
ههههههههههههههههههههههههههه


بصى يا يتى الملوخية بتتغلى عادى بس اهم حاجة اهم حاجة متغطيش عليها ابداااااااااااااااااااااااااااااااااااااااا

دا بيخليها تتكلكع وتنزل تحت

وجربى الملوخية على ضمانتى

بصى التخزين فى الثلاجة

لازم تفردى كل حاجة حتى اللحوم طبعا مع عدا الفراخ

ولما اروح هاصورلك حاجات من الفريزر

على فكرة انا تلاجتى خنفة جداااااااااااااااا لانها 14 كمان بس بحاول اتصرف

ومتخفيش من القرع العسلى والله العظيم تحفة

انا لسة معملتوش السنة دى

وبما انى ملكة الفريزر كالعادة

القرعه بعد لما يستوى مع السكر ممكن تخزينة فى اكياس وعلى الفريزر



انا برضو سبت شغلى لنفس السبب مبدأيا بس مش بقيت احب اتعلم فى اللى كان بيحصل فى الشغل مع ان المفروش ميحصلش كدا على الاقل من فئة اساتذة الجامعة بس دى بقت الحياة اصلا

يا بنات فين شيمااااااااااااااااااااااااااااااااااااااااااء

فينها متخفية

نانا

انا بتعلك على الخاص

اتمنى تكونى شفتية

sama_sehab


انتى وحشتنى جداااااااااااااااااااااااا

فينك يا بنتى وامتى بتدخلى الماسنجر

اكيد طريقة الملوخية المعتمدة المنصورة قريبة شوية فى طرق الاكل معانا



عطر

طبعا انا سألت عليها وعرفت انها مسافرة وهترجع لنا الجمعه بأذن الله

فطوم وايجيبتى

كل دا من الحمل

والله وحشتونى جداااااااااااااااااااااااااااااااااااااا

لازم تطمننا عليكم

عروس النيل

والله العظيم انتى سكر

وبجد انتى ومادو ورانيا تقريبا تواجدكم شبة يومى بيخلينى مطمنة على القعدة الحلوة دى
هههههههههههههههههههههههه

لا بجد والله كلامك كل مفيد جدااااااااااااااااااااااااا


وحلة اوى فكرة لسان العصفور

احفظة فى الثلاجة ولا الفريزر

طيب ما تقوليينا اللبن المطبووخ


انا عايزة بجد كل الشوربات دى
كلها مش واحدة والسلام


اصلى ناوية اهلى وائل شوربة فى رمضان

هو بيقول عايز رمضان كلة مكرونة وحاجات خفيفة وشوربة

ياسلالالالالالالالالالالالالالالام عز الطلب

يبقى ذيك كدا طبق رئيسى وسمبوسك او قطايف حادقة وشوربة

وسلطة

تمام كدا


بحبكم كلكم اوى اوى اوى فى الله

واللى مكتبتش اسمها متزعلش

والله بحب الكل

شيمو

وحشتينى

انا حطيت التوقيع فى توقيعى

بجد حلو اوى


على فكرة يا بنوتات

ساعات بكتب الرد من فترة يعنى كتبت الرد دا من 4 او 5 ساعات بس بتكون النت فصلة فمتستغربوش هارجع ارد تانى


قال يعنى مقعه الرد !!!!!!!!!!!!!!!!!!!!!!!!


وحشتونى

مدام وائل
انا بكون سعيده جدا بوجودك
لسان العصفور وممكن كمان الشعيريه نعملها بنفس الطريقه ونحفظها فى التلاجه
وبما اننا ناويين نعتمد الشوربه فى انواع كتيره محتاجه خبز محمص
ممكن اننا نحمص خبز بزبده فى الفرن ونحتفظ بيه فى التلاجه
للفته والشوربه هى حاجات بسيطه لكن حا توفر وقت لرمضان
بالنسبه لطرية اللبن السورى
بحط كوب زبادى كبير وعليع كوب ماء وبيضه وملعقة اكل دقيق وخل للزفره
وكله على البارد ويلف ونقلبه على النار حتى يلف ويكون سمكه وسط
وبعد السوى ملح وفلفل ونعناع ناشف
واللبن ده بيستخدم لحاجات كتير
ممكن نحط فيه الكبه
بعمل كوسه مقليه ومحشيه لحمه واسويها ثم نضيف اللبن عليها اسمها شيخ المحشى
ممكن نحط فيها لحمه معصجه
يعنى تقريبا ممكن تحطيه على اى حاجه تعجبك بطاطس مقليه وباذنجان مكعبات
وتعملى تقليه بتومه وكسبره خضرا وتحطيه عليها فعلا طعمه حلو وخفيف جدا
لو عجبتكو طريقتو اجمع لكو كل حاجه ينفع تتحط عليه
شيماء انتى نسيتى انا علقت على التوقيع عجبنى جدا وان شاء الله حا انزله