رانيا ياقمر لا الحرارات مش حراقه دي خلطة توابل تحفففففففه اساسيه في اكلهم غير الشطه خالص

بس طريقتك شكلها لذيذه لكن فيها شوية اختلافات يا رنون

عروس شكرا يا قمر ربنا يكرمك

وكلكم ان شاء الله ارجع لكم تاني بس انا كنت داخله سريع وهاخرج اسرع ههههه

ايمان .....ايه الجمال ده قائمة السحور تحفةوسجلتها عندى

ازيكم يا احلا بنات فى مصر كلها

بصى يا ايمان انتى عايزه الشوربه
شوربة الخضار
تشكيلة خضار على حسب الموجود عندك تسلقيه فى شوربه
وتضربيه فى الخلاط وتشوحى بصله على نار هاديه تتبدل
بسلونها ما يتغيرش وتضيقيها على الشوربه وتحطى ملح وفلفل
شوربة الحريره
نشوح بصله وسط وفص توم فى الزبده ثم عصير طماطم
ثم الشوربه وشبت او كسبره خضرا مقطعه ثم الحمص المسلوق حمص الشام
واى مكرونه صغيره وشعيريه محمره وعدس بجبه
وقطع فراخ مسلوقه ومقطعه شرائح رفيعه وملح وفلفل
شوربة الشوفان
نشوح بصله وفص توم وطماطم معصوره و4 ملاعق شوفان
ثم الحليب والشوربه وملح وفلفل والسماكه حسب الرغبه
شوربة الفريك
نشوح البصل والتوم ثم الفريك ويكون منقوع ساعهويشوح ثم الطماطم
والشوربه وتتبل وممكن استبدال الفريك بالقمح

شوربة البرغل
نشوح بصله ثم كرنب او قرنبيط او بروكلى مقطع صغير جدا
ثم مكعبات البطاطس ثم الشوربه تغلى ثم يضاف البرغل وملح وفلفل
وانا ضيفت عليها شبت وطماطم مقطعه صغيرجدا

شيماااااااااااء
اختى الحبيبة البنات كلهم تقريبا شافو التوقيع وعلقو علية
لكن للاسف مش طالع عندى

مدام وائل

استغربت اوى لما بتقولى لحبيبة انها نفس مشكلتك
لان مشكلة حبيبة والتوت الاحمر وبنسبة اقل انا وسما على ما اعتقدمسالة ثقة فى النفس
لكن الموضوع بتاعك دة كفاية انه يديكى ثقة بنفسك
وكل توجيهاتك بتدل انك شخصية قوية
لكن الله اعلم
فتة الملوخية
نفس الفتة العادية بس بتسقيها ملوخية بدل الشوربة ومفيش دقة الخل والتوم كمان كلة ملوخية
وعلى فكرة انا قرات ان الملوخية بها نسبة كالسيوم اكتر من الموجودة باللبن يعنى مفيدة للاطفال
على فكرة جوزى كمان ممكن ياكل العدس بالرز والمسقعه بالرز والسمك المشوى لو كلة بيبقى بالرز
انا باكل دة كلة بالعيش فقط والسمك المشوى بعتبرة فطار مش غدا
يظهر ان انا اللى غريبه هههههه
وجارى تنفيذ الملوخية والقرع وربنا يستر
وبالنسبة لموضوع الشغل بجد هو لا يعنينى اى شىء وانا فرحانة بقرار وجودى فى البيت برغم تعب السنيييييييييين كلها
بس انا جالى عقدة من اسلوب التربية والتعامل مع الناس فى كل المجالات حتى القرايب
وربنا يعينا على تربية ابنانا ومحدش عارف بكرة فية اية