مش عارفة الموقع معصلج لية
المهم
مش هفطر معاهم لانى انا واختى زى عطر لازم اول يوم فى بينت عيلة جوزى

اما بالنسبة للمنيو

ورقة اللحم فى الفرن مع طاجل لسان العصفور باللحم المفروم او الكبد
كنالونى
طاجن الارز بالدجاج
لفائف البفتيك بالعصاج والخضار المشكل
كتالان الفاصوليا الناشفة بالبيض

نيرفو___
معلش قدرنا كدا
مع اني مش شايفه اي عيب ان العيلتين يتجمعوا
و نبقى احنا في وسطهم
يعني ليه الدنيا متبقاش ماشيه ببساطه زي زمان
يعني انا والدي متوفي و ماما هتكون لواحدها
ليه بقى حمايا و حماتي ميعذموهاش ؟؟؟؟؟

يعني ليه الناس مكلكعه كدا؟؟؟؟
انا لو مكانهم كان زماني لميت الناس كلها
و كل واحد يجيب حاجه

يلا قدرنا


المهم انا هستلف من المنيو بتاعك الكانيلوني عشان كنت ناسياه

صباح الخير يا بنات كل سنه وانتم طيبين

صباح الخير يا حلويييييييييييييييييييييين
رمضان بكرة ان شاء الله
حلوة الدعوات و حلوة المنيوهات و الافتكاسات

عروس
ميرسي يا فندم على قبول اقتراحي و شكرااااااااااااا
عالدعوة الجميله و ربنا يتقبل يا رب منا جميعا
اللهم اميييييييييين

مادو

اه نسيت اقوللك موضوع الزبادي ع السمنه و هي بتقدح ده لما تقعد
عندك فترة طويلة و طعمها يبتدي يغير انما مش م الاول هي اساسا
ريحتها بتبقى مش محتاجه لو ريحتها غيرت م الركنه و الحر
سخنيها و بعدين حطي الزباي و غطي الحلة كويس هي بتطلع الريحه

عطري

قردتي ههههههههههههه
ماشي يا عطر ح اصوم و لا زي كل سنه ههههههههه
ربنا يجازيكي بس اقول ايه ما اقدرش اقول غير مقبوله يا قرده


نيرفانا و اميرة
انا مش فاكرة بالظبط مين سالت ع الرز ليه وشه ما بيحمرش
ح اقوللكم
انا الاول باحطه تحت الشوايه شويه لحد ما الوش يحمر
و بعدين اكمل سواه عادي جدا
و بكده لازم الوش يحمر لان البوتاجاز عندي مابيحمروش و بينشفه

و برضه مين عطر تقريبا قالت الرز المعمر بيطلع معجن و مش مفرفر
بصي زودي السمنه شويه و ممكن تغلي اللبن و الملح
انا العادي بتاعي بادعك الرز بالقشطة و بعدين اغلي اللبن و السمنه
و اصبهم عليها و مش بادعك البرام السمنه و القشطه بيعملوا لاواجب
و بعدين احطه تحت الشوايه لحد ما يحمر
و بعدين انزله ع الارضيه بتاعه الفرن لحد ما اللبن يتشرب و بعدين اهدي عليه خالص شويه لحد ما يستوي ع الهادي
بس
اي اساله تانيه ف الرز انا تحت امركوا

بالنسبه للعزومات بقى دي مصيبه
يعني صحيح ليه العيلتين ما يتلموش مع بعض
عندك حق يا عطر لو اتعملت كده ح تبقى حلوة اوي
بس تقولي لمين ربنا يهدي الناس كلها
ما هو رمضان اتعمل علشان كده
بس تلاقي اللي يقوللك عايزين نبقى على راحتنا
انا وولادي بس
مع اني اعرف عيلة مسيحيه ماشاء الله
في الاعياد بتاعتهم و هي كتير بيطبقوا الكلام اللي احنا بنتمناه ده
يعني الست بتلم ولادها و اجوازهم و حمواتهم و اخوات اجوازهم و كل واحد يجيب طبق معاه
مش مهم ايه بس بيتفقوا و تلاقيها سعيده و انا باعيد عليها تقوللي البيت مليان والناس كلها معايا
سبحان الله
يا رب نتعلم لمانكبر نعمل كده