السلام عليكم و رحمة الله
كل عام و انتم بخير
مشمش حمد للة علي السلامة
انا موفقة اننا ندخل علي النت في رمضان و قت قصير للأستفادة او الاستشارة و يكون الكلام قليل و الهدف يكون شد الازر علي العبادة من قراة القران و الصلاة و خلافة ..............
و ربنا دايما يجمعنا علي خير

السلام عليكم

كل سنه وانتم جميعا طيبين وبخير وصحه وستر يا رب

نيرفانا معلش يا قمر هى عاده بايخه فعلا ان اول يوم اجبارى كده عندهم
بس لازم اجبارى برده تعوضيها تانى يوم عند مامتك
عطر بجد مامتك صعبانه عليا واسلوب غريب فعلا منهم ولو قلتى ان جوزك ليه اخوات تانيين هيفطرو عند مامته برده
هتغاظ اكتر
بس اقول اية؟ يمكن ازواجكم اكبر اخواتهم فبيبقى ليهم وضع خاص
اصل انا وجوزى بشوف مين اللى قاعد لوحده ونروح نفطر معاه لدرجه السنه دى انا هفطر عند مامتى وهو هيفطر عند مامته
شوفتو الهنا اللى انا فيه ههههههههه

المهم ايه الاطباق الحلوة دى كلها تسلم الايادى
هقول لكم على المنيو بتاعى لو متعزمناش اولا عزمنا ههههههودة مستحيل طبعا

محشى باذنجان وكوسه وملوخيه ولحمه وشوربه وصلطه خضرا
رز معمر وصينيه بطاطس بالفراخ وصلطه ولمون معصفر لازم وبابا غنوج
برام عكاوى بلسان العصفور ورز معمر وصلطه خضرا وبريانى
على فكرة يا عطر طعم الرز المعمر اللى ماسك فى بعضة ده احلى من المفرفر وممكن تعلى النار جدا فى الاول
ومتنسيش تشغلى الفرن لوحدة فترة وهو يفرفر معاكى
ملوخيه ورز بالشعريه وفراخ وصلطة
لازانيا وشربه الفطر وصلطه طرنششات
اكيد ان ان شاء الله هيكون فى يوم لوبيا ورز ولحمه وبحب جنبها الصلطه تكون كلها جرجير وخضرا
ويوم فاصوليا وعلى فكرة ابرمه الفاوليا فى الفرن بتبقى طعمها حلو
ويوم كانيلونى وشربه لسان عصفور كان نفسى اجرب الشربات بتاعه رانيا وعروس قبل رمضان عشان مجربش فى رمضان
معرفش كسلت ليه؟
وطبعا طبعا ايام فى مكرونه واى حاجه بقة كفته بفتيك اى مشاوى
ولازم لازم يوم فول بالتقليه وصلطه الزبادى
وممكن مسقعه باللحمه المفرومه ولاز صلطه الزبادى

كان نفسى توضحو بتعملو صلطه الزبادى والصلطه الخضرا وباباغنوج جنب ايه من الاصناف؟ ليكو مزاج فى التراكيب دى ولا عادى مع اى حاجه
عندى سمك فيليه مش عارفه هعملو ايه صراحه وعندى مزاج يكون جنب السمك صلطه طحينه
لو حد يقولى السمك البانيه ازاى يبقى كتر خيرة اخر سؤال قبل رمضان
كفايه كده ولا اكمل انا بقول كفايه
كل سنه وانت طيبين يا رب ونكون كلنا مع بعض فى رمضان السنه الجايه ربنا يدينا كلنا الصحه يا رب
شيمااء من حق شكرا جدا جدا على التوضيح يا ذوووق
سلام

دعاء أول رمضان
كان النبي - صلى الله عليه وسلم - إذا رأى الهلال في رمضان وفي غيره يقول: «اللهم أهلّه علينا باليمن والإيمان، والسلامة والإسلام هلال خير ورشد ربي وربك الله».

كما كان يقول: «الله أكبر اللهم أهلّه علينا بالأمن والإيمان، والسلامة والإسلام ربي وربك الله»

السلام عليكم
كل سنة وانتو طيبين ويعود علينا كلنا بالخير ان شاء الله
علىالسريع بسلم عليكو واحد واحد
الحمد لله ربنا وفقنى فى شغل البيت ولازلت بكمل
سلام وبكرة ان شاء الله نتقابل على خير

السلام عليكم ورحمة الله وبركاته
كل عام والجميع بخير وصحه وعافيه
رمضان السنه دى غير لانى معاكم فحاسه فيه بطعم جديد
يارب يكون تجمعنا فى ميزان حسناتنا جميعا
ما حدش يزعل مين حا يفطر مع مين اول يوم
وال بقى له سنين ما فطرش مع اهله يعمل ايه
خدو الموضوع ببساطه وان شاء الله تعوضوها تانى يوم
وتفطروا مع ماما وبابا ربنا يديهم الصحه جميعا بلاش نخلى الشيطان
يضيع روحانيات رمضان الجميله وكلها امور بسيطه وتتعوض
ان شاء الله صلاة التراويح حا تبدا من اليوم بعد صلاة العشا
مش من بكره قلت افكركوا
شيماء مش حا اطول بس اقول لمادو على السمك البانيه
الاول الشوربات ما تخافيش كل ال كتبتها انا مجرباها وحلوه جدا
وايضا السلطات كلها مجربهفتوكلى على الله وجربى
انا بنتبل السمك ثوم وملح وليمون كمون وبهارات
واحطه فى كيس وعليه دقيق ويرج جيدا ويقلى
ولو حابه بالبيض حطى فى البيض ثم فى الدقيق مع بقسماط فى كيس
ورجى جيدا
سلطة الزبادى بحبها مع محشى ورق العنب وبابا غنوج مع اى اكله بيكون حلو
وخصوصا لو اسماك