بس على فكرة فى اول استخدامه ممكن يبقى فيها عفرة سيبيها ثوانى والهوا ينضف
ومعلومة قص الشعر انا كمان قراتهافعلا
وقرات كمان ان مع اكتمال القمر بيكون الحالة المزاجية للنساء سيئه وانا لاحظتها فيبنا كلنا على فكرة

على فكرة يا بنات انا جربت الشبة فترة لازالة العرق والفازلين
ويظهر انهم غلط والله اعلم لانهم بيقللو نسبة خروج العرق الطبيعية
انا هستخدم مزيلات رائحة العرق فقط لان الجسم بيعرق براحتة
لكن اى حاجة تقلل خروج العرق لا
حاسة ان فيها تورم وصهد من بعد شهر من التجارب دى
انا قلت اقول لكم وبس وللمعلومة
النوع الخطير يكون مكتوب عليه

Unti-perspiration

أي مضاد للتعرق


أما النوع الذي لا ضرر فيه يكون مكتوب عليه

Deodorant

صباح الخير وحشتوني مش عارفه ارد على ايه ولا ايه

اول حاجه عروس شكرا جدااااااااا على وصفاتك على فكره انا عمري ما عملت وصفة شعر او بشره نفسي اجرب بس

دايما عندي احباط واحساس بانه مش هتفرق وده هينقلني لنقطة الثقه بالنفس

انا طول عمري خجوله لدرجة الصمت التام وطبعا كل حد فسرها على هواه في اللي بيقول سوسه وفي اللي بيقول

مش بتحب حد وفي اللي بيقول كئيبه ههههههه يعني وده كان بيتقال في وشي فكان خجلي وانطوائي بيزيد انا طويله 169

وكنت رفيعه اوي انا متزوجه 49 كيلو عمري ما كان عندي ثقه في اي حاجه باعملها وده ضيعني كتير جداااااا يعني مثلا انا من قبل ما

تبدا ثانويه عامه ومن يوم ما ظهرت نتيجة الدفعه اللي قبلي وانا كنت منهاره وباعيط وبابا شافني مقطعه نفسي عياط في اوضتي

وقال لي هو انتي اساسا لسه شفتي الكتب ويعني كلمني شويه بس المشكله هي حاجه مترسخه في جذوري اني مهما عملت

مش هاقدر احقق حلمي وقد كان فعلا مع العلم انا كنت متفوقه جداااااااااا لكن وقت الامتحان كان بيحصل لي حاجات غريبه اقرا

الاسئله كلها الاقيني عارفاها ولكن احس الاجابات بتهرب فتلاقيني مش مركزه طيب ابدا بايه الاول وتعرفوا في اوقات اسئله ما كنتش

باشوفها في الورقه اساسا مع انها كانت بتكون اسهل اسئله اخرج اقول ده ما كانش مكتوب في الورقه اساسا

وده بيتكرر معايا حاليا يعني مثلا اعمل اكله كويسه واجي اعملها علشان عزومه ابوظها او اجي اعملها عند ماما او حماتي برده ابوظها

مع اني باكون عاملاها 100 مره ومقاديرها واحده

كمان اللبس عارفه انه اي حاجه باشتريها مش هتكون حلوه عليا لحد دلوقتي معاناتي الكبر هي اني باقول اني ام فاشله ومهما عملت

هاكون مقصره يعني الثقه منعدمه تماما ومش عارفه اعمل ايه بصراحه

بالنسبه لايمان انا واختي مرينا بالتجربه دي مع زوجات اخواتي يعني خبره ههههه لانهم ساكنين برده في بيت بابا وكل حد تقريبا في

حاله وفي شقته وخلاص وربنا يهدي الجميع

نانا ربنا يبارك لك في احمد وعقبال اول يوم في الجامعه ان شاء الله

مادو انا فعلا سمعت عن موضوع القشطه والنخاع للشعر بس صراحه عمري ما جربت حاجه خالص انا اسمع بس هههههه

عطر انتي فين ان شاء الله يكون خير

الرمال الناعمه لا مش كل المكانس فيها نفخ في شفط بس

ام الطبيبه اهلا بيكي وبكل اهل السودان انا بامووووووووت في السودان على فكره بسبب قصه قرتها وانا صغيره كان اسمها ذات

القلب الذهبي هههههه

نوشا ربنا يوفقك دايما لما يحب ويرضى
وكل البنات صباح الخير

فيه منتج زمان كنت بستخده اسمه فيبكس كان بيبقى على هيئة كريم وده فعلا بيمنع رائحة العرق بس بيكون فيه عرق
وانا كنت سمعت انه دكتور عادل قال عن الشبه مع قرنفل واستخمتها ومرتحة عليها الحمد لله
وقريت من فترة اننا نجيب قشر الرمان بعد ما تجففيه وتطحنيه وتستخدميه لمدة اربع ايام بيمنع رائحة العرق لمدة شهر بس بصراحة مجربتهاش لسه

مشكورة على الرد