السلام عليكم ورحمة الله وبركاته
انا كتبت رد لكن النت فصل حا احاول اجمعه باختصار
نانا مبروك لاحمد وعقبال الجامعه
الرما الناعمه الحمد لله ان المواقع مفيده
مادو
صباح الفل
النت مجننى بالنسبه للبطن تمرين الشفط مفيد جدا
حاولى على الاقل طول وقت ما انتى على النت تعملى الشفط
ونتيجه ممتازه مع الوقت
والسمنه ممتازه للشعر
وللتغلب على الريحه حاولى فى الشطفه الاخيره للشعر
ذوبى ملعقة بن فى ماء واشطفى بيها
او ملعقة حنا خففيها بماء وضيفيها للسمنه بتمتص اى رائحه

عطر
انتى فين وحشتينا طمنينا عليكى
سما
لازم تبدأى وتغيرى وتزرعى فى نفسك الثقه
انا مش بحب الاستسلام واننا نقول طبعى كده ما اعرفش اغيره
لا غلط لان الانسان لازم كل يوم يتعلم جديد
بالنسبه للخلطات او يكون لك برنامج للعنايه ده عشان نفسك اولا
لازم يكون جوانا شباب وحيويه على طول انا واثقه ان الشباب مش بالسن
لان فى شباب جواه شيخوخه وفعلا ده بينطبع عليه وبيكون اكبر من سنه
انا لما بنزل للممشى بيكون كله نازل لغرض الرياضه
بشوف جنسيات مختلفه اللبنانيات والاجانب من بعيد
تشوفى شابه جميله قوام ورشاقه وكلها نشاط وحيويه
لما تقرب بتكون المفاجاه انها كبيره جدا فى السن
فى الستين والخمسين لكن كلها حيويه
وهو المطلوب اننا نكون كلنا حيويه وتفاؤل
ونتعلم ونفشل ونجرب تانى ومليون
لان الحياه لو على وتيره واحده اكيد حا نمل
واكبر حاجه بتزرع الثقه القرب من ربنا
انتى بتجتهدى وبتعملى ال عليكى وتتركى باقى الحمول على الله
حتى فى المطبخ استعينى بالله اولا واعملى الحاجه وكلك يقين انها ان شاء الله حا تكون جميله
لازم حا تطلع جميله
انا بحس كمان الاحساس ده فى البيت فى بيوت ادخلها ارتاح نفسيا جدا فيها
وفى بيوت العكس وبفسر ده ان روح اهل البيت منطبعه على المكان سواء
تفاؤل وحيويه او شيخوخه واستسلام
كلنا لازم نشجع بعض
انا حا احب شكلى على حاله
حا اجتهد واجدد دايما فى شكلى وبيتى
لازم ان شاء الله اكون ايجابيه واركز على كل ما هو جميل فى حياتى
والاشياء السلبيه انظر لها بعين مختلفه انها بتثقل ميزان الحسنات
بصبرى
اكيد حياتنا حا تختلف جدا وحا ينعكس على البيت والاولاد جدا
لاننا حا نربيهم على الحاجات الجميله دى

بى هابى
ما شاء الله الرابط جميل جدا وافكاره روعه
منتظرينك دايما وما تتاخريش علينا

السلام عليكم ورحمة الله وبركاته
انا قرأت هذا الموضوع واكثر من رائع
لكنى بعتذر لكم لانه طويل ومحتاج تركيز
اتمنى تقروه بتركيز لما فيه من الخير العظيم
نفعنى الله وياكم لما فيه من الخير

الرابط http://forum.hawaaworld.com/showthread.php?t=1306152

خدنا واستفدنا
روووووووعه ياهابى
مشكوره كتير