فى طريقه كنت بعملها مع ولادى وقت ما كانو صغيرين
اللعب اسيب جزء بسيط منها والباقى اخفيه تماما
وكل يوم اطلع منها لعبه واخفى غيرها بيكون سعيد جدا
لانه نسيها ومشتاق انه يلعب بيها وفى نفس الوقت البيت بيكون منظم
وما بيكسرش اللعبه لان مل منها
كمان الحلويات كنت بشترى ال بيحبوه واخفيه
ولما بيعملو حاجه صح ادى لهم منها كنوع من التشجيع
وفى نفس الوقت الحلويات لما كلها بتكون اماما الطفل
بياكل بلا هدف وبيزهدها ويفتح ويرمى
لكن بالطريقه دى بيكون سعيد جدا وحاسس انها حافز انه يسمع الكلام
جربو وطمنونى على النتيجه

مادو
لو عايزه ريجيم سهل اكتب لك
انا حا اقول لك تجربتى والحمد لله وزنى نزل عليها
كلمة ريجيم بتعصبنى وتحسسنى بالحرمان دايما
لكن انا خليته نظام للحياه
منعت السكر فى الشاى او اى مشروب بشربه
ولو احتجت حلو باخد عسل او تمر
قللت الدهون فى اكلى جدا
القلى ممكن مره فى الاسبوع فقط
السلطه مهمه جدا ابدا بيها الاكل
واكل البيت عادى لكن قللت النشويات تماما
وجبة العشا يفضل بدون نشويات
حتى لو حا تاكلى فول كليه بدون خبز
مع الخضار مره سلطه مره مقطع شرائح
ونوعى فى السلطات والشوربات لانها
بتعطى احساس بالشبع سريعا
وكمان لازم نقوم من على الطعام واحنا لسه
بنشتهيه يعنى قبل ما تشبعى جربى النظام ده
ان شاء الله حا تخسى ووزنك مش حا يزيد

عروس
ازيك يا جميل
والله انبارح كنت فى حرب مع نفسى عشان مدخلش
لانى ادمنتكم بجد
وحاسة ان شيماء طفشت من كتر الكلام ههههههههه
بصى هستشيرك فى شوية حاجات عملتها النهاردة
اناحطيت بضع نقاط من الكلور مع الفيرى لغسل الصحون وماء كتير للتطهير بجدالنتيجة حلوة وبشطف جامد بس خايفة بردة
ومسحت الشقه بداك بتاع الحمام هو بالصنوبر بس رحتة تحفة ولمعان السيراميك يهبل وفى بالبخور يجنن وبردة خايف لان مكتوب علية
لا يوضع على اى سطح غير الحمام
الحاجة الوحيدة اللى حاسة انها صح شوية سفنجة غسل الاطباق انا بغيرها كل شوية وبستخصر ارميها صراحة
جففتهم فى الشمس وخليت واحدة لمسح الاحذية قبل التلميع
وواحدة على البوتاجاز عشان امسح بيها اول باول وواحدة جنب المنشر عشان امسحة
عندك افكار تانية؟
سلام

عروس
كلامك على اللعب صح فعلا وملحوظ والاطفال على قكرة بتبقى زاكرتهم ضعيفة
وممكن يشوفو لعبة يحسو انهم بيشفوها لاول مرة
وبيغيرو طريقة لعبهم بيها كمان
النظام الغذائى انا فعلا بحاول اعمل كدة انى امشى على نظام اقدر استمر علية علطول
عشان مزدش بسرعة لو بطلت

صباح الفل والورد والياسمين عليكى يا مادو وا عروس النيل
ولكل بنات التجمع
عروس النيل رجيمك جميل ومتهيألى ما نقولش عليه رجيم لانك ما بتحرميش نفسك من حاجة وده الكويس فيه

مادو حلو قوى انك تستفيدى من السفنجة القديمة بس مش عارفة متهيألى حكاية انك بتحطى كلور مع سائل المواعين دى مابرتحلهاش علشان الكلور فياريت حد يكون عنده معلومة اكيدة فى الموضع ده لانى بيبقى نفسى اعملها بس بخاف