السلام عليكم
ازيك يا ايمان
و الف مبروك تجمعكم الجديد
ان شاء الله هاحاول اشارك معاكم و معلش ما شاركتش من الاول لان الفترة اللي فاتت كانت ملغبطة عندي
هاقرا من بداية الملف و ارجع لكم ان شاء الله

مادو
فكرة الاسفنجه حلوه جدا
وبالنسبه للكلور انا مش بحبه خالص
لان عرفت انه خطر جدا انه يامس الايد
انا بعمل مع الفيرى ملح ليمون وبيكربونات وكنت بحط شوية ملح
نظافه رائعه ونعومه لليد ممتاز جربى
وبالنسبه للكلور وضعته فى زجاجه فيرى فارغه لضمان انه ما يلمسش الايد
لمسح السيراميك كنت بحط من خلطة الصابون لمعه ونظافه وكمان داك ممتاز
وحاولى تحطى من داك فى بخاخ موفره جدا
كمان علب الصابون الضاغط لغسل الايدى استعملت وحده فارغه
للصابون السايل لغسل الاطباق ممتازه موفره جدا للصابون
لو غير متوفره جربى علبة شامبو فارغه
وضعى منها الصابون مخفف بماء بسيط على الاسفنجه
عندى خلطه جباره للشعر الجاف لو عايزين اكتبها
ورجاء الدفع كاش لانى ماديه جدا

عروس والرمال الناعمة
شكرا لرايكم ولو عندكم افكار لتدوير اشياء فى البيت او استخدامها لاكثر من غرض قولوهاا
اقول انا
فرشة الاحذية ونقطة ورنيش ممكن تلمعى بيها الاساس الخشبى والفرشة بالزات عشان الايم
وفرشة الحلاقة القديمة ممكن لتنضيف الكيبورد او الاجهزة الكهربائية الصغيرة
اقول لكم على حاجة ومتضحكوش ممكن تجيبو حقنة جديده هتبقى نضيفة طبعا وتستخدموها للمايونيز والكاتشب فى تجميل الاطباق والسندوتشات
كفاية كدة والا اقول كمان

ما شاء الله يامادو ايه الحلاوه دى
مخبيه عننا المواهب الحلوه دى
جميله فكرة الحقنه
كمان انا بستعمل فرشة السنان مخصصه واحده لتنظيف السمك
ووحده فى المطبخ للاماكن الصعبه فى تنظيف الخلاط والف عليها
قطعة قماش ورشة فيرى وتنظيف يومى لشفاط المطبخ
عايزه اسالك علب المايونيز والمسترده
تبقى حلوه جدا لرش الزيت على السلطات لكن المشكله انها بلاستيك
وخطر استخدام البلاستيك مره اخرى لانه مصنع للاستخدام مره واحده
فى علب زجاج بنفس الطريقه وكمان عايزه فكره لرش الزيت فى صوانى الكيك
برده ما تكونش بلاستيك

عروس
انا بجيب المايونيز والكاتشب فى علب زجاج وكان نفسى اجيب البلاستيك ومش لقياها
شجعتينى انى مدورش
وعلى فكرة البلاستيك كويس فى الاستخدام لكن الضرر بيبقى فى انك تخزنى فية حاجة حتى الخل
والحقنة بتغسليها وتخليها جنب الزجاجة فى التلاجة
والصلطة مش محتاجة رش حطى وخلاص ههههه
وبالنسبة للصوانى انا بدهنها بالفرشة ولو كنتى غاوية رش
ممكن مثلا تحتفظى ببخاخ فاضى بعلبتة ووقت الاستخدام تحطى البخاخ فى زجاجة الزيت وترجعى تحتفظى بيها فى علبتها تانى
فهمتينى؟