عطر
الف سلامه عليكى وعى درسك
بس نصيحة لكل واحدة ناويه تحمل
انا قبل الجواز اصلاروحت لدكنورة اسنان وعملت تعديل شامل وكامل لاسنانى
وقبل حملى التانى ورحت بردو للدكتورة زيادة فى الاطمنان علشانلو فيه اى حاجة تصلحها
والحمد لله موضوع الاسنان دة مريحنى خالص
لان الواحدة بتبقى تعبانه جدا من الحمل وكل مشاكله مش ناقصة وجع سنان كمان
وربنا يتملنا حملنا على خير
اما بالنسبه لتهيئه بنتك على المولود الجديد
دة لاززززززززززززززززززززم جدا لان طبعيى جدا انها تغير وسلزكها يتغير
عن نفسى بكلم بنتى كل شويه عن البيبى الجديد
وخلتها معايا وانا بشترى هدوم البيبى
وكل شويه اقولها ان النونو بيحبك كتير وانتى كمان بتحبيه
هى الحمد لله حاليا متقبله الوضوع
بس اكيد الموضوع هيبقى اصعب بعد الولادة
بس ان شاء الله ربنا يوفقنى فى المرحله الجايه
عموما ربنا يعينك ويوفقك يارب ويتم حملك على خير

عروس النيل
حبيبته قلبى
ما شاء الله على اسلوب تربيتك مع بنتك
من غير ما اسال سبحان الله الاقى بتحطيلى الحل لكل حاجة شغله تفكير ى عن تربيه بنتى
جعله الله فى ميزان حسناتك

طبعا بقيت المجموعة نفر نفر
والله وحشتونى جدا
وخصوصا
مادو
ومدام وائل
وروشانا
ورانيا
وشيمو طبعا

اولا السلام عليكم ورحمة الله
معلش غبت عليكم بس كنت مطحونة في الشغل الاسبوعين اللي فاتوا وزوجي اجازة فمستولي على الكمبيوتر ليل ونهار

طبعا عبال ما اريت كنت نسيت عايزة اقول ايه ولا ايه

ايمان (مدام وائل) عايزة اؤلك حاجة بس متزعليش مني اكيد عروسة اخوكي خايفة ومحدش مئدر خوفها عارفة الحالة اللي بتيجي لاغلب البنات قبل الفرح ايه ده انا هدبس خلاص مع دوشة الفرش والزنئة وشدة الاعصاب انتوا حولوا تتنساوا وتفرحوا باخوكي وكل حاجة هتتزبط بعد الفرح لما الزحمة تخلص

مادو ازيك يا سكرة وحشاني اخبارك ايه (كنت عايزة اؤلك حاجة مهمة بس مش فاكرها اول ما الذاكرة ترجعلي هاجيلك على طول)

رانيا اولا زعلانة منك بس مش مخصماكي ليه مسألتنيش على موضوع المناهج مانتي عارفة اني ممكن اسالك حد من زمايلي عموما هسأل برده وارد عليكي عايزة اولي ابتدائي بس ولا حاجة كمان
وبالنسبة لموضوع الرياضة والحجاب فعلا انا كنت بفكر لملك اني عايزة اشتركلها في الحاجات اللي ينفع تكمل فيها وهي محجبة زي الباسكت والفولي لكن لوقتي وهي صغيرة مشتركالها بالية وجمباز عشان هما اساس المرونة لكل الرياضات بعد كدة بس مش هخليها تكمل فيهم وان شاء الله على الصيف الجاي هشتركلها سباحة برده مش عشان تكمل لا عشان تعرف تعوم بس

روشانا حالنا مش اسود للدرجة دي وبعدين الغلا ده في كل الدنيا وكمان قلة الاخلاق والانفتاح الاخلاقي بئى زيادة في كل الدنيا يعني بردة الاجانب زمان مكانوش لبسهم اوفر ولا طريقة كلامهم زي دلوقتي وطبيعي ان مجتمعنا متأثر بكل ده امال ليه القابض على دينة كالقابض على الجمر

تسلم ايدكم على كل الافكار بتاعة رمضان بس انا مش عارفة ليه مليش في الفرزنة اوي مش عارفة ده كسل ولا عشان اساسا مش بعمل اصناف كتير وبعمل عينات عشان لازم الاكل يكون مش بايت وبستحرم ارمي بس بفكر اجرب السنة دي

زئردة انا برده فكرت في كدة وخايفة لما يلاقوا الملف مواضيعة متعددة يقفلوه عشان كدة عايزاكم تجربوا تيجوا المضيفة واحنا عددنا مش كبير حاليا فنبئ بين هنا وهناك

رواء ازيك يا جميل وحشاني جدا وكل البنات سلام كبير

مساء الخييييييييييير

كل الجداد يا مية مرحبا

فطوم
بتعجبينى لانك بتطمنينا عليكى كل فترة عقبال ما تطمنينا على النونو

مامازوزو
هنستنى التحليل النفسى بتاعنا واتوصى بية شوية ماشى

هايا
والله قلقتينى عليكى بس انا ظبطك مرة فى قسم الطبخ وقلتى انك مشغولة فعلا شوفتى انا مراقباك ازاى

وانا معاك انت وماما زوزو فى الكلام عن مصر
فعلا بلدنا حلوة وناسها احلى
بس هى عايزة تنضف بس من كل حاجة وحشة وهى تبقى زى الفل وعايزه حد يخاف ربنا عشان يرعاها
والناس دماغها بقت عليها غبار عايزة حد ينفضةنفسى امسك مكنسة واشفط العفرة والزباله دى
احنا بنتكلم فى التنظيف والتنظيم اهه
تعرفو اننا كان امنية حياتى اطلع اية؟ محافظ
بجد والله عارفين اطفال الشوارع لما بيكون شكلهم حلو ساعات والله بيبقو عينهم خضرا وشعرهم اصفر وامامير
ببقى نفسى حد يخدهم ويحميهم ويعلمهم وهما يبقو زى الفل
هى مصر بقات كدة