صباح الفل علي القمرات
ازيكم يا بناتيت النهارده
اولااااااااااااااااا
عروس
ا حبيبتي ربنا يكرمك يارب انا عماله اعمل كوبي و بيست لكلامك علشان اعمله في فايل مع الحاجات اللي عندي

انا معاكي في كل حاجه فعلااا بتقوليها لبنتك بس يمكن انا اللي عندي فزع انساني من موضوع المؤثرات الخارجيه

بس فعلا احنا بنعمل اللي علينا و الباقي ربنا الحافظ

انا هاقولك انا باعمل ايه حاليا تقريبا ماشيه علي اللي انتي بتقوليه
يعني هما عندهم لبس للصلاه فعلا و بنتي الكبيره بتحب تصلي معايا لانها بقت تعرف كزا سوره و لااااااازم الصلاه باللبس ده و شكله سكر اصلا

ثانيا اللبس هنا للاطفال الحمد لله طبيعته طفولي خالص يعني كنت لسه باقول لرواء امبارح ان هنا المايوهات حتي مفييش منها البيكيني الفظيع للاطفال و اللبس كله مفيهوش العاري اوي ده

و لو هنلبس فستان او سكيرت يبقي تحتها شورت صعنون حدااا مش بيبان اصلا من اللبس بس علشان تلعب براحتها

و انا الحمد لله مصاحباهم اوي يعني بنرسم مع بعض و ميتفرجوش حتي علي الكرتون الا و احنا سوا الحمد لله و حتي جوزي راءيه ان عنده 3 عيال ما علينا:42:

و بيقلدوني فعلا زي موضوع المكياج ساعات اخطلهم معايا بس اقولهم اننا زي ماما مش بنحط مكياح بره البيت و اتعودوا علي كده و لت لندي اني هاجيلها من المكياح بتاع البنات الصغيرين لما ان شاء الله تبقي 8 سنين بس برضه في البيت بس او في اي حفله نعملها جوه البيت لاصخابنا

انا بس اللي خايفه منه ان فعلا البلوغ لو بدري مثلا علي 10 سنين و لا حاجه وتلبس الحجاب و تشوق باقي البنات مثلا لسه او تغيير لن انتي عارفه السن ده صغير

انتي بس قوليلي علي موضوع ان الحجاب قمه الحريه علشان هو دا اللي قالقني و ازاي بنتك بترد علي التعليقات خاصه لو من جوه العيله اه يا اني:(

يعني احنا ممكن نرد و انا كنت بارد في الجامعه بس في سن اعدادي ده مش عارفه؟

جازاكي الله خيراااااااااااااااااا


لولو عكاشه هااااااااااااااااااانم:42:

انتي يا بنتي انا ورشا خاطينا اللينك ده هناااااااااااااك من 12 سنه كده و لا حاجه:42: انتوا بس اللي بتمشوا جوه الجزمه الاول:42:
ما علينا

انا الصور مش ظاهره عندي يا جميل ممكن تحطيها تاني بس مش في المرفقات لان المنتدي شكله في حاجه

فطوووووم

يا ستو انا ناسينك ايه س و الله صوتنا اتنبح من الندااااااااااااااااااا
ربنا يقومك بالسلامه يارب

رشاا

كلامك طمني شويه علي موضوع الرياضه انتي و هايا و صحيح يا هايا و الله انا اتكسفت اقولك لاني تعبتك معايا قبل كده في منهج الكي جي
ميرسي يا قمر

مادو
صباح الفل علشان انتي عارفه المعزه بتاعتك عندي
ممكن تنطحني و لا حاجه:42:

انتي و داليا و ايمان و زءرده و نانا و عطر و ماما زوزو و ان و حبيبه ورواءو ايجبتي و نوشا و ام طبيبه و كل البناااااااااااااااااااات علشان ايدي وجعتني:42:

صباح الفل عليكم
انا كمان يا بنات رايي من راي هيا وماما زوزو .. مافيش احسن من بلدنا وسط اهلنا وناسنا .. كل مكان فى الدنيا له مميزاته وعيوبه .. يعنى مثلا انا وهشام كان قدامنا فرصة للهجرة للنمسا او سويسرا وانتم عارفين قد ايه البلاد دى راقية ومتحضرة لكن انامش عايزة احمد يطلع متربى على عادات غير عاداتنا .. بره عندهم طبعا شغل بجد ومستويات معيشية مرتفعه لكن الشغل ده بياخد من مشاعرهم وبيختصر احاسيسهم .. مافيش هناك شهامة وجدعنة شباب مصر والجيرة والصحبة واللمه .. مافيش احلى من بلدنا والله مش كلام **** بس احنا اللي بنعمل فيها كده .. صدقونى الامل فينا وفاولادنا امال احنا ليه بنحاول نربيهم صح ونغرس فيهم كل القيم الحلوة مش عشان يكونو نافعين لبلدهم .
تخيلو المخرج العالمى يوسف شاهين قبل ما يموت وصى انه يتعمله بعد وفاته القداس الصبح فى الكنيسه وباليل العزا فى مسجد عمر مكرم .. عاوز يقول انه صحيح مسيحي لكنه مصري دايب في بلده .. بلدنا كلنا مصهورين فيها مافيش فرق بين مسيحى ومسلم فى الوقت اللي امريكا سيدة العالم كله بتفرق بين اولاد نفس العيله لمجرد انهم مختلفين فى لون البشره .. طبعا انا مش باقول ان الدنيا وردي والحياه سهله .. بس على فكرة دى طبيعة العصر فى العالم كله .. الانسان صنع التكنولوجيا بايديه عشان يتعس نفسه وينشر الامراض وتقوم الحروب ويزيد الغلا .. تخيلو اعلى نسبه للفقر فى العالم برضه فى امريكا .. بس فقر مع انحلال خلقى ودينى متهيالي صعب قوى .. مش كده ؟؟

السلام عليكم
يا جماعه انا مكنتش عايزه ارد علي كل كلامكم علي موضوع السفر و العيشه بره مصر
انا كنت اول واخده باقول زيك يا نانا و يا ماما زوزو
و دا مش معناها اني مش باحب مصر و لا مش عايزه ارجع نهاءي لاؤ
بس لما جيت هنا لقيت الدنيا مختلفه
احنا علشان كنا فيها و مش مجربيين غيرها كنا متعايشيين و راضيين باي حاجه
لكن محدش يقولي ان بره علشان في انحلال خلقي يبقي ولادي هيبقوا كده
اسفه جداااااااااااااا انا بره سهل اوي انك تقوليلهم علشان هما مش مسلميين بيعملوا كده و دا مش من فارع دا عن تجربه
لكن انتي في مصر دلوءتي لو شافت اي خد بيرمي حاجه في الشارع و لا بيعاكس بنت و لا اللبس في الشارع و لا عدم الحجاب و لا الرقص و الافلام
كل ده اقولها ايه عليه ماحنا خلاص هنا عند المسلميين؟
و الله ما كلام جرايد و لا شعارات اللي باقوله
انا كنت باشتغل في مصر و عارفه الحاله ايه و عمري ما هانسي حادثتين مروا عليا و انا في الامتياز حادثه قطر و عربيه و الناس كلها ماتت من البطءئ في النقل و مفييش امكانيات مع اني كنت في مستشفي جامعي
بس هنا حكايه ان الشغل بياخدهم من اهلهم دي معلش مش صحيحه
يمكن تكون ليهم الاجانب لكن و احنا مالنا ما انتي اللي بتحددي حياتك و سهل اوي انك تنزلي اجازات و كفايه انك لما بتشتغلي بتلاقي اللي يقدر شغلك مفييش كوسه
اما عن الاطفال حدثو لا حرج
ل هنا انا بالاقي بارك كل ما ادور وشي
الاقي بيسين مجاني في البارك و مفيهوش ورقه مرميه و لا عليه حارس
الاقي ان التعليم مفيهوش النسييب و لا حرقه الدم اللي في مصر
انا مش باقول اننا نهاجر
لكن نبعد علي اد ما نقدر علشان ولادنا يكبروا صح و يعيشوا حياتهم صح و بعد كده نرحع ان شاء الله يكون شخصيتهم اتكونت و صعي تعيرها
انا باتكلم عن تجربه و الله و مش عن فراغ
و ياريت يا رواء تدهلي تتكلمي في الموضوع ده كمان
انا مش هاتكلم تاني فيه لانه واجعنيييييييييييييييي اوي و محدش بيحس بالحكايه دي غير اللي اتغرب
الله المستعان

عروس
انا عايزه طريقه الكشك لو سمحتي
انا كنت فاكره انه عادي باللبن و الدقيق و الشوربه و البصل المتحمر مش كده؟
اصل في واخده هنا من المنيا بتقول ان الكشك ده بيقي كور كده بتتعمل من القمح و بتطبخه مع البيض و شكله ملوش اي دعوه بالكشك بتاعي اللي فوق ده

السلام عليكم
انا معاكي يا رانيا طبعا في كل اللي قلتيه على العيشة برة مصر
و فعلا اللي سافر و جرب عيشة تانية بيحس بالفرق الفظيع بين الاتنين
و انا كمان جربت اني ارجع و اعيش تاني بعد السفر و لقيت اد ايه ان الموضوع بقى شبه مستحيل
ولادي ابتدوا يكتسبوا عادات و اخلاق انا رافضاها تماما و ابني الكبير ابتدى يكذب و تتغير حاجات كتير من صفاته
ده غير ان الاخلاقيات في مصر ما عادتش موجودة
و لا الشهامة اللي انتم بتقولوا عنها بقت موجودة
يعني انا لما رجعت مصر السنة اللي فاتت ما عادش فيه حد بيساعد حد زي زمان و بالعكس كل واحد ملهي في حياته
ده غير تدخلات الاهل في كل كبيرة و صغيرة في حياتك
بالنسبة لاخلاقيات الغرب بالعكس انا شايفة انها بقت احسن من اخلاقيات المصريين بصفة خاصة و العرب بصفة عامة
انا هنا مش باتكلم عن اللبس المتحرر و اللي بقى فيه زيه كتير في مصر
انا باتكلم عن الاخلاق العامة
عن الصدق و الامانة و الاتقان في العمل و عدم التعدي على حقوق الغير و احترام الناس لبعض
و ان انت شغلك مقدر و تعبك مقدر
ايوة فيه سلبيات مش باقول ان كله ايجابيات لكن مميزات هنا اكتر كتير من مميزات مصر
يعني احنا لما رجعنا قعدنا في مصر 6 شهور و بعدها جوزي قالي انا رجعت هنا علشان ولادي يتربوا على الاخلاقيات اللي انا اتربيت عليها و للاسف انا ده مش لاقيه فانا مش هاكمل في مصر
و فعلا رجعنا تانيو انا باحمد ربنا اني رجعت
مش معنى كدة زي ما رانيا قالت ان احنا بنكره مصر
لا انا حزينة على وضعها لكن مش حابة ان ولادي يتربوا فيها
انا هنا بربيهم بالطريقة اللي انا عايزاها من غير تدخل اي انسان تاني فيها
بيتعلموا تعليم كويس و بيتعلموا اخلاق ممتازة
بيتعلموا ازاي يعتمد على نفسه و يكون عنده ثقة في نفسة مش يطلع ثقته مهزوزة
بيتعلم ازاي يكون عضو نافع في المجتمع و ازاي يكون انسان ايجابي في حياته مش انسان سلبي
و معلش عكس كل اللي قلته ده الاولاد بيتعلموه في مصر
انا طولت في الكلام بس حبيت اكتب تجربتي فيموضوع العيشة في مصر و برة مصر