*~*قناة الترفيهية..من عالم حواء تحييكم*~*تقديم ((بنوته البنوتات))*~*

هلااااااا وغلاااااا بكل بنات في الترفيهية
انا بأصير مراسلة المنتدى وبألطش لكم الأخبار من منتديات عدة:32:>>>>>حلوة عدة خخخخخخخ
بنبدأ التصوير..

5........4.....3......2.......1 أكشن>>>>>>حشا فيلم خخخخخخخ

بنوته:قناة الترفيهية في عالم حواء تحييكم وتقدم لكم الترفيهية

نص اليوم..العناوين الرئيسية..الفيضانات تحوق اوروبا حوقا..وزير

عراقي يكرش المفتشين ويعيي عليهم يجون يفتشون:32:..بابا الفاتيكان

يقول للفسطينيين واليهود .. اها عاد اعقلوا..زيديين جو يسوون لهم

عبوة ناسفة وقبعت فيهم .. أمريكا ودها تمسط بحكومة ايران بعد ..

والآن الى التفاصيل..

الخبر الأول في نشرتنا:32:

الفيضانات تحوق أوروبا حوقا

ومعناهاذا التقرير من مراسلتنا في اوروبا..وضحى جون
ضاعت طاسة بعض الدول الأوربية وانخرشوا بسبة سيل صلَف ٍ جاهم
وسبب لهم موجة فيضانات ٍ حاقتهم حوق ولعبت في حسبتهم
والدول اللي تضررت من هالسيول هي
التشيك والنمسا وروسيا والمانيا ( أحسن .. خلهم يهزموننا مرة ٍ ثانية )
<<= يلعن أم ابليس الحقد
ومن طرف التشيك فهم اندمروا دمار وقالت الحكومة لسكان العاصمة
اظهروا لايجيكم زود وطلع في التلفزيون سليمان العيسى
حقهم وروّعهم وقال ياويلكم ويلاه انحاشوا من دوركم ترى مابعد شفتوش بس اشوى ماقال
طفوا اللمبات :) ثم قال وترى اللي مايظهر بالطيب نبي نظهره بالغصب
وحطوا رجليهم أكثر من اربعين الف واحد " الله من الذراق " قبلنا نسيل ولانحنب نخالف
ويقولون نهقى ان نهر فلتافا يبي يفيض مرةٍ أخرى ونخاف يغرِدز جسر تشارلز التاريخي
( الله أكبر ياجسر لبن المعلق يوم تخافون عليه )

مخرج 13 حق النمسا
وفتحت السلطات ملاجىء وقباوة في المدارس عشان يسكّنون اللي نحاشوا من العاصمه
وبعض أهل العاصمه زبنوا في القرى اللي عند عيال عمه والا عنده عيال خاله واللي عند أنسباه والا عند أرحامه
واللي تلزّق له في أقاربٍ ماشافهم من 10 سنين ( الله يذكر أيام الازمه بالخير )

نمساويين بمواصفات " زيدية " يصبون خلطة
وطلع كرانيّهم في التلفزيون وقال انتبهوا الحروة انه يبي يجي زود مطر وعجاج
وعواصيف وقال ان ظاهرة هالفياضانات جت في غير موسمها لأنها بالعادة ماتجي الا اذا قضن
الشبط وطلع سهيل ، أما هالمرة جت في الوسم ، ثم عاد قال أما درجة الحرارة الكبرى
في براغ فهي طلاطه وطلاطين ، و شكراً لكم على حسن المتابعة والاصغاء
مع أحلى الاماني
ومن طرف النمسا ففطس فيها سبعة أوادم وثلاث غنم ودجاجتين
كان مراسلتنا صادزه لأنها قبلها تهلّس

ياسفاب الكرسي الدوّار حق ذا المكتب شكله غردز
وفي المانيا أعلنوا حالة طوارىء وأجلوا الآلاف من السكان عن مدينة درسدن وميونخ
وانقلب شرطي على التنده ومات ، ومات واحد من السواقين ماندري وش جاه
أكيد انه اما دخل له تحت تريله والا شمّع في صبّه وفيه عجيّز ٍ المانية بعد يقولون انها تطلبكم
الحلّ ماتت روعة مدري غردزت في دارها المراد انها فنكشت وبس ،

حتى بزارينهم يحبّون البربسة:32:
وفي روسيا فطس حول 58 واحد ( أبرك والله وأسعد ) وأما في رومانيا فمات ثلاثة
طاح دارهم عليهم ولا بغوا الا هي وشكل اللي صابن ميدتهم زيدي والا بالله فيه بيت يطيح من المطر الله المستعان <<= ذكر سنة الغرقة

ويالله انك تحفظنا وتحفظ جميع المسلمين وتكفينا كل شرّ واحمدوا ربكم انكم منتمب اوربيين .. الشهابة ولا الفطسة


ابقوا معنا سنعود بعد الفاصل>>>>حاطتن ذا اللون عشان تبقون معنا خابرتكم تحبووووونه!!