سلام
انا عايشة نفس الحالة تقريبا خطيبي يبيني انحف و انا بعد ابي انحف وكنت امشي تقريبا كل يوم ساعة و زود بس الحر وقفني و احاول ادور على خلطة سريعة تنحفني ما كو فايدة مو براضي بحبوب و لا خرابيط يقول لي الرياضة احسن و انتي يا اختي اذا خطيبك يبيك تنحفين قولي له يشتري جهاز رياضي علشان تمارسين عليه الرياضة :30: ما كو شي ببلاش على العموم الرياضة مفيدة للجسم و الصحة و يصير ويا الوقت جسمك متعود على هالأسلوب و ان شاء الله ما يزيد وزنك و المفروض ان خطيبك يكون مصدر تشجيع لك مو مثل ما هو صاير مصدر احباط كلميه عن مشاعرك اذا قعد يحبط فيش و فهميه ان كلامه يجرحك و يحبطك و حلاتها اذا طاحت من عينك دمعتين بس بجد بجد المفروض يشجعك و شنو نانسي هذي؟؟؟؟؟ انت احسن منها بألف مرة الناس مو بأجسام و بس على الأقل انتي صاينة نفسك المهم يا أختي لا تجوعي حالك و لا تسكتين عنه ترى يزودها في اشياء اكبر و لا ترضي انه يقارنك بغيرك انتي غير و العالم كله غير و صراحة انتي اهون من غيرك الف مرة واذا ما قبلتي نصايحي :27: تقبلي تحياتي :26:

Hawajs
تسلمين حبيبتي
اختك
ليووووونه

مجهولة الهوية
هلا حبيبتي مشكووووووووره على ردك
مشكلتي اني ضااعفه بس مترهل شووي جسمي ومخليني اسمن
الحين انا ماطب بفمي شي غير حبت توونه صغيره بخبزه ومويااا وعنب 3حباات بس والحين والله ميته جووع بس اتذكر كلامه وتنسد نفسيتي
ودعوااتك حبيبتي
اختك
ليووووونه:27:

يا بنت الحلا ل لا تجوعي حالك و لا تقعدي مكتئبة و الله السالفة ما تسوى و اذا تبين الصراحة خلي الركادة و اكلي اكثر بس تحركي العبي رياضة انسي كلامه خلي الدافع للرشاقة و الجسم المشدود يجي من داخلك احسن يعني مو انتي تبين جسمك ينشد ؟؟؟ يا الله كلي لك شوية كربوهيدرات تعطيك الطاقة و تخليكي تتحركي علشان تحرقي هالكربوهيدرات و قدها 4 مرات تدرين ان اللي مضيعنك قعدتك جذي و لا اقول لك امشي على ريجيم الأخت jordan611 بس في نفس الوقت لازم رياضة لأن مشكلتك مو بدانة مشكلتك جسم مترهل و الله يقطع كل النانسيات و الهيفاوات واشكالهم من دمى الفضائيات

حبيبتي ليان .. اسلوبك في الغذاء وايد غلط لانك ما تنتبهين على الاكل الصحي و يهمك ان اكلك يكون شوي و بس ..
يعني مثلا انتي تقولين اليوم ما اكلت غير شوية تونة بخبز و 3 حبات عنب ..
طيب لو كنت اكلت صحن سلطة متوسط عليه نص علبة تونة كان احسن لك من التونة و الخبز و كنت شبعت اكثر
و 3 حبات عنب لو اكلت تفاحة كاملة احسن لك لانها تساوي 3 حبات عنب و تشبع اكثر ..

حبيبتي اذا كنت تريدين تخففين على حسب رغبتك الشخصية لازم يكون عندك معلومات كافية عن بدائل الغذاء الصحية
و هالشئ الواحدة تعرفه بكثرة الاطلاع و الخبرة مع الريجيمات يعني مش سهلة ..
نصيحتي لك انك تتبعين رجيم معين من المنتدى عشان تضمنين انك تاخذين الغذاء الصحي
و لا تختارين رجييم قاسي لان الضعف ما بيفيدك اذا شعرك تساقط و وجهك صار اصفر .. :11:

شوفي حبيبتي عندك رجييم الكربوهيدرات وايد حلو و مريح
و البنات وايد يمدحونه و في رجييم بنت الكويت 40 كيلو في 3 شهور رجييم يجنن و ما تجوعين فيه ابدا اتبعيه لين توصلين للوزن اللي تبينه بعدين وقفي ..
و بعدين حبيبتي انتي ما تحتاجين وايد يعني وزنك اذا وصل 60 ك بيكون روعة

لكن نجي الحين لخطيبك الصراحة كلمته ابدا مش حلوة .. شو انا رجال امتن عادي اما انتي حرمة لازم تضعفين ؟؟؟؟؟؟؟؟
هذا اللي ناقص حتى في هذي صار في رجال و حرمة ..
نصيحتي لك سوي رجييم و اضعفي بس عشان نفسك مو عشان حد ثاني
و خطيبك لا تبينيله انك تسوين رجييم قوليله انك تعبتي و ان انتي راضيه عن نفسك و هذا المهم
و اذا كان يحبك فهو لازم يحبك عشان شخصيتك اما الجمال الخارجي فهو يا حبيبتي زائل لا محالة
انتي وراك حمل و ولادة و غصب عنك يزيد وزنك مهما كنت محافظة خاصة اذا كنت من النوع اللي يسمن بسرعة و حتى لو تميت محافظة على وزنك وجهك مع السنين ما بيكبر و بيتجعد شو بتسوين بتمين تراكضين و تسوين عمليات شد لانك حرمة و لازم تكونين رشيقة و حلوة و تنافسين مذيعات التلفزيون ؟!!!!!!!!!!


خلي زوجك يفهم انك رافضة هالمبدا و انه غلط
و انك ما فيك اي عيب عشان يعايرك فيه و اذا قالك انتي دبة قوليله يا كثرهم الضعاف اللي تشوفهم في التلفزيون و يا شين اخلاقهم انا صحيح دبة بس ما فيه وحدة تحبك مثلي

و الرجال حبيبتي لو يشوف الحرمة مستميتة في تلبية رغباته يركب فوق راسها
احنا علينا الطاعة و الاحترام مب اموت نفسي من الجوع علشان خاطر يحبني

حتى لو كان عندك استعداد تسوين اي شئ عشانه اثقلي عليه حبيبتي و صدقيني خطيبك 100 % يحبك و هذي كلها حركات لان الحب اعمى و عمره ما كان بوزن الوحدة و جسمها

سامحيني ادري طولت عليك بس وايد كسرت خاطري و انقهرت من خطيبك