كارهه شكلي وكارهه الدنيا بسبب خشمي الطوووويل

السلام

باقولكم عن مشكلتي اللي ما اعتقد احصل لها حل ، انا متزوجه وعمري 25 وعندي ولدين ،، انا جميله جدا بشهاده الجميع ، واللي يشبهني بالممثلة الفلانه والمذيعه الفلانيه ، ولكن اللي يخرب علي خشمي فهو طويل ، زوجي عمره ما علق عليه واهو دايما يقولي انتي جميله وجذابه ، بس المشكله ان بعض الناس الأغراب اهم اللي يعلقون على خشمي ، يعني مثلا لما اروح مجمع اكون ماشيه في حالي الا واحد شاب يقولي خشم هالطول؟؟ ما تتصورون الاحراج اللي امر فيه ، من فتره كنت رايحه اسجل بالجامعه لأني للأسف ما واصلت دراستي الجامعيه والحين ناويه ادرس والجامعات في ديرتنا البحرين كلها اختلاط ، لما كنت رايحه اسجل الا كان في شخص سوري او اردني على ما اعتقد والله ما يسوى فلس واللي قهرني انه مو حلو بس ما ادري ليش وانا طايفه يقولي يخرب بيت منخارك ، طيب ليش انا شنو سويت لك انا غاضه بصري وماشيه في حالي يعني ليش لما تكون وحده متبرجه وبدون عبائتها وحجابها وحتى لو كانت قبيحه تشوفون الناس والشباب يمدحونها؟؟ انا ما ابيهم يمدحوني بس ابيهم يخلوني في حالي ، انا ماعلي الا من زوجي وعيالي بس الناس ليش ما تخلي احد في حاله؟؟ في شنو انا ضريتهم ؟ الحين خايفه اروح الجامعه يعني اخاف من تعليقات الشباب ، ليش الشباب يعلقون والبنات مساكين حتى لو يعلقون بس بين بعضهم بعض ما يجرحون احد؟

انا من شهر وانا كارهه الدنيا ما احب اطلع من اني ملتزمه بعبايتي وحجابي ، بس دايما لو اشوف اثنين يضحكون اقول اكيد يعلقون علي ، ما عندي ثقه بنفسي ابدا ، انا ما قلت حق زوجي عن اللي امر فيه لاني خايفه انه يحط في باله اني ما عندي ثقه بنفسي ، يعني ما ابي افتح عينه على طول خشمي ، حتى لو فكرت في عمليات التجميل احنا في البحرين عندنا العمليات العاديه فاشله شلون عن عمليات التجميل اذا؟ وما اقدر اسافر بره وحتى لو قدرت شلون اواجه زوجي او اهلي انا من فتره قلت حق اختي انا افكر اسوي عمليه تجميل قالت لي شفيج انتي جنيتي؟؟

انا قبل كنت افكر بالسالفه بس مو دايما يعني كنت اقول الحمدالله اني جميله ، بس من يوم زادت التعليقات وانا متضايقه حتى انا الحين ما اطلع الا مع زوجي عشان اتجنب احد يعلق علي ، يعني حتى لو زوجي في العمل واحتاجيت اني اطلع لمستشفى او شي ما اروح اخاف احد يعلق على خشمي ،، المشكله اني كنت ناسيه او راضيه بشكلي بس الحين تغيرت ودايما متضايقه

شلون بعض الناس ما يكونون حلوين لكن تكون عندهم ثقه عاليه بالنفس؟؟


ساعدوني الله يخليكم ، المشكله اثرت على زوجي وعيالي وعلى نفسيتي وانا دايما متضايقه وكارهه روحي :( حاسه باكتئاب مو طبيعي حاسه باكتئئاب فظيع رايحه جايه اشوف شكلي في المرآه ، الدنيا سوده بويهي ، شلون اواجه السخريه والاستهزاء مع العلم اني هادئه جدا ومسالمه لأبعد الحدود ، شلون اقدر اتجاهل التعليقات والنظرات

تدرون انا الحين اذا امر على اي احد واقف اعمل نفسي اعدل شيلتي بس عشان اغطي على وجهي وخشمي


سمحولي عشان اوصل لكم الصوره عدل راح احد لكم صوره وحده خشمها مثل خشمي وعطوني رايكم


وعلى فكره انا بس اذا اكون على جنب يبين طول خشمي لكن اذا من الامام يكون عادي

يمنع وضع الصور ( المشرفه )