الله يعين على هالاطفال يعنى الواحد تروح روحه وترد عليهم بس المشكله انه ليش عندنا سؤ كياسه يعنى ليش رده فعلنا دايما صراخ وبكاء ولامانقدر نتحرك خاصه انا احس اني اشل لمايصير موقف مخيف مثل كذا يعني الخوف الشديد يمكن هو اللي يزيد الطين بله الله يستر على عيالنا ويحميهم انشاء الله والله لايفجعنا فيهم
المواقف اللي صارت لي مع اولادي كثيره بس الله يلطف اكثر قصه مخيفه هي قبل 3سنوات كنا في الخارج وكان اخر يومين لنا في امريكا وكان اولادي واحد 3 سنوات والثاني 4سنوات وكان رمضان عاد انا منظفه البيت على بالي بالكلوركس والفلاش وهاالسوالف بعد ماانهد حيلي رحت اتروش عاد ابوهم كان نايم في الصاله وتعرفون البيوت في امريكا المطبخ مفتوح على الصاله واثر العيال راحو المطبخ وشوي وانا طالعه ولااسمع صوت كحه قويه واركض المطبخ والا الكبير كاب علبه كلوركس كبيره على اخوه عاد الولد جته دوخه انا انهبلت واصارخ في ابوهم وقام عند الولد وراح الحمام وكب عليه مويه اللي خرعني انه توقعت انه شرب العلبه عاد الولد قام يغمض عيونه وشوي شوي بدا يغمي عليه اثاريه من ريحه الكلوركس عاد انا اصارخ في ابوه وده المستشفى مات الولد والمشكله انه قد شحن سيارته ويروح ركض عند جارنا السعودي يبعد بيته حوالي 6دقايق وانا اركض وراه والله بالجلابيه وزي المجانيين حتى الولد الثاني رحت وخليته عاد رحنا نطق عليه الباب ولا زوجته تقول راح الموول والمشكله انه ماعندنا لاحنا ولاهم تلفون عاد ابوه زي المجنون في لشارع عاد رجعت البيت وقعدت اطق باب امريكان بجنبنا واصارخ ابي التلفون بسرعه عاد يابردهم طلعوه وهم يناظرون ببلاده واللي في البيت اللي قدامنا طالع يناظر من البلكونه والله احنا فينا نخوه ودم المهم اقوم ادق على 911 ماادري وش ها الذكا اللي طب عليه واصرخ ماي سن هيلب بليز عاد والله العظيم اهي تسالني وش فيه وانا بس اقول كلوركس كلوركس عاد هي تقول وشو كلوركس اثاريهم مايسمونه كلوركس عاد ماامدى 2 دقايق ولا المطافي و2 اسعاف وسياره شرطه كلها عند الباب واللا يرجع زوجي من بعديد يقول انتي وش سويتى عاد ويمسكون الولد ويسعفونه لانه كان عنده اختناق والحمدلله الف مره جت سليمه عاد ركبت سياره الاسعاف والاثواني واحنا في المستشفى مع انه بعيد مره عاد انا حافيه وولدي الكبير بالبجامه وزوجي حالته حاله عاد تصدقون انهم جايبين طبيبه اطفال في الاسعاف ......... صراحه الانقاذ عندهم انقاذ مومثلنا يموت الواحد ولسا الاسعاف ماطلع من المستشفى والا الناس في الشوارع بدل مايوسعون للاسعاف مثل هنا ويحاولون يصفطون على جنب اذا شافوه احنا لا يحادونه ويساقطونه بعد ويتجمهرون عنده ....... يالله لنا حسنات ولهم سيئات والعكس بالعكس

:(:(:06:
حادثتي مع اولادي مالها مثيل كانت قبل 4 سنين كنا لسه جايين من امريكا واستاجرت لنا ام زوجي شقة صغيرة وفرشتها تمشية حال لأنه شقتنا الملك كان باقي لها شهر وتخلص واشترت لنا ثلاجة صغيرة وبوتجاز بفرن صغير من النوع الخفيف مرة
وفي يوم جاء خالي زيارة عندي وكانت عندي الوالدة وقعدوا يتكلموا ويسولفوا عند باب المطبخ وانا اطبخ ولسه حطيت الرز يغلي فوق البوتجاز وفتحت باب الفرن وادرت وجهي وقعدت اكمل تبهير الدجاجة علشان ادخلها الفرن وفي هذي اللحظة وبلمح البصر دخلوا اولادي الأثنين واحد سنة ونص والثاني 3 سنين وهذا ما شاء الله عليه حركي وخفيف وشقاوة الله يهديه وتخيلوا المنظر دعس على باب الفرن ومن خفة البوتجاز مال كله على ولدي وانكب عليه قدر الرز اللي يغلي واتحرق واستدرت واصرخ هذيك الصرخة ولدي يبكي من الحرق وانا اصرخ اخذته على طول الحمام وانا خارجة من باب المطبخ والا اشوف ولدي الصغير تحت الفرن واصرخ طبعاً خالي على طول قفل الأنبوبة وبعدها شال ولدي الصغير الحمدلله وسبحان الله سليم معافى ولدي الثاني اخذته الحمام وانا ابكي واصرخ وفتحت الدش عليه اتحرق في ظهره وبعدها وديناه المستشفى وقاعدنا نعالجه يمكن شهر اما انا قعدت اسبوع ما انام زي الناس وابكي والاالآن ابكي كل ما تذكرت الموقف الرهيب اللي مريت فيه والحمدلله اللي حفظ لي اولادي وما ماتوا والله يبعدنا ويبعدكم عن كل شر .

اختي ريح المسك وسي يس وأم الثلاثه
مشكورين على المرور
سي يس والله قصتج رهيبه مررره
الله يحفظ عيالكم وعيالنا:26: :26: :26:

:27:

القصة الثانية كنا جالسين في الحوش والحوش عندنا كبير وجعدنة نتهو هذا الكلام بليل المهم بنتي كان عمرة تقريبن سنتين ونصف المهم كان هناك حوض سباحة بلستيكي والبنت تصرح ابي ابح ابي ابح وانا اقولة قومي من هناك العقرب بتطلع وتلدغك والله ما خلصت كلمي الا والبنت تصرخ وزوجي يركض علية ويشوف عقرب كبر كف الايد :22 لدغت البنت في الرجل والمصيبة كنا عاملين على البوابة اسمنت يعني ما نقدر نطلع السيارة الاسمنت طازج لسة ما نشف ويش الحل ونتصل في ولد اخت زوجي ودينها المركز الصحي وعطوة ابرة وهي تصرخ من الالم والحمدلله وكل يوم والثاني نشوف العقارب مرة على السرير ومرة على العباية في الشماعة ومرة فغرفة الاولد يعني مانوين يسيبونة في حالنة والحمد لله الذي عافانى من ما ابتل بهي اناس كثيرين .: