بدر البدوور
•
الحمد لله على السلامة والله يحفظهم ويهديهم .
الموضوع رووعة صراحة ومافي اكثر من مواقف الاولاد خصوصا اذا كانوا اشقياء الله يحفظهم..
المهم طبعا انا مثل الامهات صار معاي موقفين لاممكن انساهم واحد حصل لابني الكبير وواحد لبنتي..
الموقف الي حصل مع ابني في يوم لما كان عمره تقريبا 8 شهور كنت اغير له الحفاظ الله يكرمكم وكان ابوه جالس معي ولما جيت البسه الغيار ابوه صار يطالع في عضوة التناسلي وتغير لون وجهه وقال لي ليش لون عضوة مزرق كأنه مسموم انا ماادري عن شي وقلت له انا توني منتبهه له ..
هنا زوجي على طووول بدل ملابسه وطيران على المستشفى انا معاه والسبب يقول ان لون عضوة يدل على انه متسمم او فيه مرض لاسمح الله يتسبب في بتر العضو الله لايقولها
انتوا عاد تخيلوا حالتي كنت راح اموووت من الخوف
المهم وديناه على المركز الصحي الي في منطقتنا وعاينته الدكتورة واعطتنا تحويل فوري على المستشفى العاام..
انا هنا خلاااااص انهرت طول الطريق وانا ابكي خلاص انتهى مستقبل ابني وزوجي مو عارف يهديني او يهدي نفسه .. وانا اطالع فيه ياعمري نايم مثل الملاك مايدري عن شي وقلبي متقطع عليه..
اول ماوصلنا المستشفى المركزي اعطيناهم التحويلة وعلى طووول دخلونا على الدكتور الجراح وجلس يعاين فيه وبعدها الحمدلله طمنا ان هذا اللون هو طبيعي وكثير من الاطفال يكون عندهم نفس اللون ..
ماتصدقون كيف مر علي هذا اليوم كأنه سنة وللان اتذكره وكأنه توه صاير وابني الله يخليه عمره الان تسع سنوات ,,
الموقف الثاني صار كمان مع بنتي كان توها الله يسلمها عمرها ثلاث شهور
كانت هي نايمة بالصالة وحاطتها في النوامة الخاصة بالاطفال واخوها كان صغير لسا ماكمل سنتين ..
المهم انا كنت بالمطبخ اخلص اشغالي الا وصوت البنت تبكي بقوووة انا طاح قلبي وركض على الصالة واشوف الولد الشقي ماسك بيده لعبة من العيار الثقيل وظارب فيها عين اخته
ولما شلتها شفت سائل يطلع من عينها مثل الجلي انا خلاص قلت اكيد راحت عين البنت
ووقتها كنت بمووووت من البكى والخوف لان العين شي حساس جدا
رحت على ابوها وانا ابكي ولبسنا على عجل ووديناها المستشفى وجلسنا تقريبا يووم كامل على فحوصا وماادري ايش وفي النهاية الحمدلله طلعت عينها سليمة..
وماادري ليش دايم مسكينة تتلقى ضربات في عينها من اخوها بعد هذي الحادثة مرتين مرة طلعت سليمة وماوديناها المستشفى والمرة الثانية من اقل من سنة
ضربها اخوها على عينها وانجرحت ووديناها المستشفى ومن مكان لمكان حتى تشافت
واحسها الان مسكينة ماتشوف زين نضرها ضعيف بس انا متكاسلة اوديها مستشفى العيووون..
ربي يخليهم لنا ويحفضهم من كل سوء يااارب
المهم طبعا انا مثل الامهات صار معاي موقفين لاممكن انساهم واحد حصل لابني الكبير وواحد لبنتي..
الموقف الي حصل مع ابني في يوم لما كان عمره تقريبا 8 شهور كنت اغير له الحفاظ الله يكرمكم وكان ابوه جالس معي ولما جيت البسه الغيار ابوه صار يطالع في عضوة التناسلي وتغير لون وجهه وقال لي ليش لون عضوة مزرق كأنه مسموم انا ماادري عن شي وقلت له انا توني منتبهه له ..
هنا زوجي على طووول بدل ملابسه وطيران على المستشفى انا معاه والسبب يقول ان لون عضوة يدل على انه متسمم او فيه مرض لاسمح الله يتسبب في بتر العضو الله لايقولها
انتوا عاد تخيلوا حالتي كنت راح اموووت من الخوف
المهم وديناه على المركز الصحي الي في منطقتنا وعاينته الدكتورة واعطتنا تحويل فوري على المستشفى العاام..
انا هنا خلاااااص انهرت طول الطريق وانا ابكي خلاص انتهى مستقبل ابني وزوجي مو عارف يهديني او يهدي نفسه .. وانا اطالع فيه ياعمري نايم مثل الملاك مايدري عن شي وقلبي متقطع عليه..
اول ماوصلنا المستشفى المركزي اعطيناهم التحويلة وعلى طووول دخلونا على الدكتور الجراح وجلس يعاين فيه وبعدها الحمدلله طمنا ان هذا اللون هو طبيعي وكثير من الاطفال يكون عندهم نفس اللون ..
ماتصدقون كيف مر علي هذا اليوم كأنه سنة وللان اتذكره وكأنه توه صاير وابني الله يخليه عمره الان تسع سنوات ,,
الموقف الثاني صار كمان مع بنتي كان توها الله يسلمها عمرها ثلاث شهور
كانت هي نايمة بالصالة وحاطتها في النوامة الخاصة بالاطفال واخوها كان صغير لسا ماكمل سنتين ..
المهم انا كنت بالمطبخ اخلص اشغالي الا وصوت البنت تبكي بقوووة انا طاح قلبي وركض على الصالة واشوف الولد الشقي ماسك بيده لعبة من العيار الثقيل وظارب فيها عين اخته
ولما شلتها شفت سائل يطلع من عينها مثل الجلي انا خلاص قلت اكيد راحت عين البنت
ووقتها كنت بمووووت من البكى والخوف لان العين شي حساس جدا
رحت على ابوها وانا ابكي ولبسنا على عجل ووديناها المستشفى وجلسنا تقريبا يووم كامل على فحوصا وماادري ايش وفي النهاية الحمدلله طلعت عينها سليمة..
وماادري ليش دايم مسكينة تتلقى ضربات في عينها من اخوها بعد هذي الحادثة مرتين مرة طلعت سليمة وماوديناها المستشفى والمرة الثانية من اقل من سنة
ضربها اخوها على عينها وانجرحت ووديناها المستشفى ومن مكان لمكان حتى تشافت
واحسها الان مسكينة ماتشوف زين نضرها ضعيف بس انا متكاسلة اوديها مستشفى العيووون..
ربي يخليهم لنا ويحفضهم من كل سوء يااارب
هقاوي77
•
بصراحه موضوعكم وايد حلو... ومفيد عشان ما نكرر اخطاء بعض... لوما ان مرات الوحده منا تحب تنسى هالاشياء حتى ما بأنبها ضميرها على تقصيرها الغير متعمد..
في موقف في بالي الحين ولو تذكرت غيره باكتبلكم انشالله..
كان ولدي الله يحفظه عمره 4 سنوات وياه الجدري المائي .. المهم عطاني الدكتور دوا يهدي الحكه وسائل ابيض وحاطلي الصيدلاني على الغرشتين خطين.. وبما اني ما عندي اي خبره طبيه او مع التعامل مع اليهال.. فهمتهم انهم شراب مرتين في اليوم... وسألت الصيدلاني اقوله بعد الاكل قالي بعد الاكل...
رحت وشربت ولدي دوا الحساسية والدوا الثاني الي هو لفرك الجلد!
بعدين دخلت علي اختي الكبيره تقولي فركتي جسمه اقولها لا ما عطاني الدكتور فروك! قالتلي غريبه خليني اشوفه.. طبعاً هي عندها خمس اولاد الله يخليهم لها ومار عليهم الجدري قبل..
قالتلي مكتوب عليه بالخط الاحمر: للاستعمال الخارجي فقط!!!
المهم ما بقولكم شو حالتي بس الحمدلله دكتور الطواريء قالي وهو يضحك انه ما يضر وما يحتاج غسيل فديته.. الحمدلله مرات اليهال صدق مثل ما تقول الوالده"حافظنهم ملك"
الله يحفظ الكم عيالكم..
في موقف في بالي الحين ولو تذكرت غيره باكتبلكم انشالله..
كان ولدي الله يحفظه عمره 4 سنوات وياه الجدري المائي .. المهم عطاني الدكتور دوا يهدي الحكه وسائل ابيض وحاطلي الصيدلاني على الغرشتين خطين.. وبما اني ما عندي اي خبره طبيه او مع التعامل مع اليهال.. فهمتهم انهم شراب مرتين في اليوم... وسألت الصيدلاني اقوله بعد الاكل قالي بعد الاكل...
رحت وشربت ولدي دوا الحساسية والدوا الثاني الي هو لفرك الجلد!
بعدين دخلت علي اختي الكبيره تقولي فركتي جسمه اقولها لا ما عطاني الدكتور فروك! قالتلي غريبه خليني اشوفه.. طبعاً هي عندها خمس اولاد الله يخليهم لها ومار عليهم الجدري قبل..
قالتلي مكتوب عليه بالخط الاحمر: للاستعمال الخارجي فقط!!!
المهم ما بقولكم شو حالتي بس الحمدلله دكتور الطواريء قالي وهو يضحك انه ما يضر وما يحتاج غسيل فديته.. الحمدلله مرات اليهال صدق مثل ما تقول الوالده"حافظنهم ملك"
الله يحفظ الكم عيالكم..
الصفحة الأخيرة