السلام عليكم
وأنا مأساتي يوم كنا في صلاله يوم شرب الكلوركس ولدي عمره ثلاث سنين كنا ياسين في الصاله وفجاه يتني الخادمه تصرخ وتقولي شرب الكلوركس صرخت شو وأركض وشوف الولدلايعه جبده وأركض وأحط صبعي في حلجه اباه يزوع يرجعه ماش فايده تم يعضني يسكر ضروسه ما يبه ويصيح وسمعوني اصرخوتي جدته وقالت شوفيه وقلتلها وتصرخ هي بعد وأكثر وشلت الولد وهي تصرخ بويا ولديا وتربع في الشارعوطاحت الشيله وهي ما بحاسه وأحط الشيه في راسه ويركض عمه والحمدلله عندي مفتاح السياره أبوهوكان أبوه ساير مكان عند ولد عمه يتكشتون وريوس بسياره الحمدلله ما دعمني وركبت يدته عنده وسارت عمته توعي عمته وريلها وركض وراهم وسار بسبارته
وفجأه انفجرت بالصياحوتهديني عمته تقولي ماشي شر بي بخير وسهاله وسرعت عند الخدامه شو الي صار أثاري حاطه الكلوركس في علبه ماء وهو نفس الماء وتحراه الولد ماي وعطشان وشربه واسميني هزبتهن ويويلهنن حطنه فيغرشه الماي اي شي والحمدلله رجع بخير وسلامه وهو فديته يضحك وقالو ما شرب يمكن الواد شربه ومزه وقالو عطوه حليب بس والحمدلله على سلامته.

يحليلج ياام الغاليين عاد كله ولا الكلوركس ياربي الله الحمد لله سلمه
ذكرتيني بنفس قصة بنتي إحححححححححححم وايد عندي قصص مآسي عيالي بس مب نفسها هاي الشيطونه هاي العودة الله يسلمها وهي عمرها 4سنوات كنا في رحله والخدامات حاطات البتول حق الشوي في غرشة ميرندا ولون البترول برتقالي مثل الميرندا وافديتها تناولته وحطته على بوزها مادري بس اعتقد انها ماشربت يعني مثل ولدج ولكن نقلناها المستشفي والله يعين على الصياح والصريخ ماله حد ، عاد اختج تحب البنات وايد غاليات عندي بشكل ، تحيز عنصري خخخخخخخخخخخ والمهم تميت ويايها 3ايام او يومين تحت الملاحظه والحمد لله ماصابها شي :24:

حبيت بس اقول حمد لله على سلامة عيالكم

ومايشوفون شر:26: :26:

يابوج الحمدلله على سلامتهم والنعم أنهم يسوون الدنيا ومافيهاوالله يصبرنا على تربيتهم :26:

الله يعينا والله همهم كبير أختي أم مريم أنا صارلبنتي نفس بنتك تقريبا كان عندها لوز وحراره ووديتها العياده العصر وعلى المغرب ما نزلت حرارتها عطيتها شراب الحراره وما فيه فايده وحطيت لها تحميله وبعد ما نزلت المهم حسيت فيها نفس الدايخه وعطول اتصلت بأبوها وخذناها على المستشفى ومن اللخمه ما شفنا الأصنصير دكبنا الدرج واحنا تونا في الدور الأول والعياده في الدور الثالث الا وزوجي وهو حاملنها يقولي البنت تيبست صارت خشبه وهي على ايده ركضنا أنا وياه ووصلنا كيف ما دري وزوجي من الدرج وهو ينادي على الطبيب وما وصلنا الا وبعدوني وعطوها حقنه سمعت الطبيبه تقول للمرضه فاليوم وهو اسم الابره والحمد لله مثل ما قالت أم مريم صارت كأنها عجينه وظلت 3 أيام تحت لمراقبه والحمد لله..........

وقصه ثانيه لنفس البنت ما عليه بطول عليكم شوي........ كان عمرها سنتين ونص وانا جالسه مع عمتها بالحوش وابوها مسافر وجتني تركض وهي شايله زجاجة عصير وقبل لا توصلني الا وألقاها طايحه والزجاجه في ايدها ما فكتها من ايدها وشوي أشوف الدم يطلع من ايدها كأنه يغلي من جهة الشرايين الداخليه.......ما عرفت كيف اتصرف خذها عمها ووداها والحمد لله ......الله سلمها...