الله يجمعك به قريبا

يمكن ابوك شايف شي انتي ماشفتيه عموما اذا انه شاب كويس دينا واخلاقا ولافيه عيب غير بعد السكن

حاولي تتكلمي مع ابوك برواقه واذا رفض لاخيرت الاماختاره الله
يمكن ابوك يحبك ماودك تروحين عنهم

مرحبا ..

يمكن كلامي مايعيبج، مشكلتنا احنا البنات إذا حبينا خلاص مانشوف عيوب الشخص اللي نحبه ساعات نشوفها بس نتجاهل ونقول فلان صح عيوبه كذا وكذا وكذا بس عل وعسى يتغير عقب الزواج انا مابقولج اقنعي ابوج، بس بعطيج حل وايد بيفيدج، اولا انتي الشخص هذا تشوفينه مناسب ومقتنعه فيه نهائيا بس انا في رايي انج تستخيرين لانه الاستخاره فيها مشاورة رب العالمين إذا الريال هذا من نصيبج بتاخذيه بتحصلين ابوج متسخر لهذا الريال وبيوافق في تزويجج له لكن إذا الله كاتب لج واحد احسن منه، قلبج بينصرف عنه على طول لو حتى كنتي تحبينه... وبعدين يا اختي ليش تقولين عن نفسج عانس او عنستي خلاص هالمصطلح ماينقال حتى لوحده عدت الثلاثينات لانه سن الزواج صار سنه عن سنه يتأخر. عاملي ابوج بالحسنا واتجنبي تصارخين في ويهه. لانه الأبو يحس بألم كبير يوم البنت تصارخ على ابوها عشان واحد تبغي تتزوجه يحس انه ربى وكبر وعلم وصرف دم قلبه ومن تكبر بنته راحت ادافع عن واحد ثاني ويحس انها تحبه اكثر من ما تحب ابوها طبعا هذا احساس خاطىء بس مثل ما بعض الامهات مايتقبلون زوجات اولادهم حتى الأبو نفس الشي بالرغم من انه يبغي يزوج بنته بس يحس بألم يوم تتبتعد عنه وتتحول مسؤوليتها من ابوها لزوجها.

صلي استخاااااااره

ما فهمت الحب العفيف شو هو كيف استوى هالحب بينكم انتي شدراج ان حلف يمين ما ياخذ غيرج اكيد شي علاقه مبينكم و العلاقه الي تكووون بدون زواج غير شرعيه و محرمه يوم الشي بيبتدي بالحرام و الغلط ما توقع بتوفجيييين فييييييه وحب النظيف الشريف يكون فقط عقب الزواج
المهم ربي يوفقققققج

حبيبتي انا مرت قدام عيني قصه زي قصتك بالزبط وكنت حاضره لاحداثها قصة حب دامت لاكثر من 4 سنوات ولم يتم الامر بسبب عناد الاب وتحطمت الفتاة والفتى وحلفوا مايتزوجوا وانقلبت الدنا وانت تريد وهو يريد والله يفعل مايريد
تقدم لخطبة الفتاه شاب لم تكن حتى تحلم به وفتح الله قلبها وانساها الام الماضي وتم الزواج وهي الان سعيده الله يهنيها كمان وكمان
العبره انه عسى ان تحبوا شيئا وهو شر لكم
عيشي يومك لاتعذبي نفسك بشئ ليس لك يد في تغيره
لو اراد الله ان يتم سيتم رضي من رضي وسخط من سخط
لاتتدخلي في القدر ودعي الغيب لعالم الغيب وثقي بان الله لن يتركك
وسيعوض عليك مع من تحبين او مع غيره
ولاتنسي انه القلوب بين اصبعين من اصابع الله يقلبها حيث يشاء
يعني اللي تحبي اليوم يمكن يكون عدوك غدا والعكس
فهوني عليكي اختاه
والله اني حاسه فيكي الله ييسرلك الخير ويرزقك من نعيمه

خليه يجيب اهله يمكن امك ساعتها تقدر تقنع ابوكي واستخيري وان شاء الله يسهل لك الموضوع لو كان فيه خير لك الله يرزقك بس اهم شي لاتفقدي الامل واذا الشاب زين خليه يطلب اكثر من مره