السلام عليكم
اهلا بالجميع
انا ابي اقول لكم كيف تمت خطبة اخوي وزوجتة
نبدأ بسم الله الرحمن الرحيم
في اول سنة لي بالتدريس كنت ماسكة مادة الرياضيات للصفوف رابع وخامس وسادس وكنت ما احب اصحح ولا احضر بالمدرسة واخذ شغلي للبيت وكان اخوي بصف اول متوسط وهو ما شاء الله علية ممتاز وكان يساعدني بالتصحيح وفي الامتحانات الشهرية يساعدني بعد بالتصحيح ورصد الدرجات والمراجعة وكل شئ بحيث اذا رحت للمدرسة ما يكون عندي شغل واساعد المديرة والمساعدة بالاعمال الادارية لانه المدرسة الي كنت فيها ما فيها اداريات المهم مرة من المرات وهو يصحح معي الامتحانات ونرصد الدرجات وحدة منهن كانت اخذة درجة مو زينه وقال لي حرام عليك عطيها درجه على الترتيب على الاقل لانها ورقتها مرة مرتبة ونظيفة ولا تعبتنا مثل غيرها من البنات قلت له وش اسمها قال لي فلانه قلت له والله ودي بس هذا ما ينفع لانها بنت تعتمد على الحفظ اكثر ومطلعة عيني بكثرة السواليف وبكرهها لمادة الرياضيات قال لي بس والله ورقتها تشرح الصدر قلت له خلاص اجل ابي ازوجك اياها وافتك منك ومنها وخلها تشرح صدرك (تخيلو كلمة قيلت من غير قصد ولكنها عند الله كتبت )
المهم مرت السنوات واخوي صار بالكلية وانا هنا بامريكا الا امي تكلمني وتقول اننا خطبنا بنت فلان لاخوك فلان طبعا مو هو لا لاخوي الي اكبر من الي اكبر منه وانا صار الموضوع عندي عادي المهم امي بعد فترة كلمتني وقالت انهم رفضو لانها توها صغيرة يعني كانت بثالث ثانوي الا اذا صبرنا للسنة الجاية المهم بعد فترة اخوي الكبيرتزوج بنفس السنة لانه كان مو راضي ينتظر الى السنة الي بعدها
المهم بنفس السنة بعد ما تزوج اخوي اتصلت امها وقالت ارجعو ثانيه وممكن اننا نزوجها هالسنة فقالت امي خلاص الولد الحمد لله زواجه بعد اسبوعين والله يوفق بنتكم بغيرة فقالت امها اننا راغبين بنسبكم واعرف ان عندك عيال غيره ليه ما تشوفين اذا هم ودهم لاننا ما ودنا نفرط بنسبكم (شفتو الناس اذا لقو من يرضون به فلازم يزوجونه ومو عيب الواحد يخطب لبنته ) المهم امي قالت اشوف وارد عليك
وبعد ما تزوج اخوي الكبير امي قالت لاخوي الي اصغر منه فقال مالي نية اتزوج الان فقالت لاخوي الي اصغر منه الي كنت قايلة له من زمان اني ابزوجك ايها وافتك منك ومنها تخيلو
فقال خلاص انا موافق وابيها وتمت الخطوبة لمدة سنة وبعدين تم الزواج وعايش معاها بسعادة الله يوفقهم ويجمع ما بينهم ولا يكدر صوفهم
قولو آمين يا بنات
المهم انه كل هذا تم وانا ما كنت ادري عن الاحداث الاخيرة فيوم قالت لي امي عن الخطبة قلت لها الحمد لله والله اني اذكر اني قايلة لاخوي اني ابي ازوجك اياها فقلت لاخوي قال اذكر السالفة الي بيني وبينك بس ما اذكر اسم البنت ولا اسم عائلتها
هاه وش رايكم بالقصة
سلام

سبحان الله يالصدف

بقعد اليوم اذكر كل مواقف طفولتي واشوف مع اي واحد يمكن تجمعني الصدفة....

مع اللي عضيته ولا اللي لعبت معاه ولا اللي حبيته....خخخخخخخخ

ايه حبيت في صغري ماتم احد حلو في اولاد منطقتنا غير وحبيته حتى اللي بسن ابوي

:D

لكن ان شاء الله بخبركم...لما يصير نصيب

=====================================

طيب هيه كيف تتعامل معاج وانتي كنتي مدرستها قبل:)??????

ما شاء الله يا بنات قصصكم جميلة

ربنا يبارك لكم في ازواجكم واولادكم

كان نفسي احكي لكم عن قصة ارتباطي

بس للاسف خطابي كثيرين لكن لا يوجد منهم صاحب الدين اللي اتمناه

ادعولي

السلام عليكم
اهلا يا دموع القمر
ان شاء الله نسمع عن قريب قصة خطبتك انت قولي آمين والا من غير ما لزم بتقولين آمين:33:
بالنسبة لسؤالك كيف اتعامل معها فانا ما شفتها الا مرتين او ثلاث بعد الزواج لانه انا هنا بامريكا ومازرت السعودية الا مرة وحدة بعد زواجهم وكان وقتي بين اهلي واهل زوجي فقليل ما اشوفها لان اخواني ما يسكنون مع امي وابوي بالبيت هذا شرط الوالد والوالدة الله يطول لنا بعمرهم ويزقهم الجنة ووالديهم وايانا وجميع المسلمين يبون كل واحد يأخذ راحتة مع زوجته
وهي ما تذكرني الا بالخير مع انها ما تحب المواد العلمية وكنت اقول لها انت بس تقولين كذا لاني الان ابي اصير عمة عيالك وقالت لي لا ابدا والله ما اقول الا الصدق ولا صدقتها الا يوم جابت لي الكروت والاشياء الي كنت اوزعها على طالباتي اذا تحسن مسواتهم او جابو درجات زينة بالاختبارت وقالت لي هذا الدليل على اني ما اكذب عليك بمشاعري تجاهك لاني محتفظة فيهن الى الان
والحمد لله على كل شئ المهم الله يوفقهم ويجمع مابينهم ويوفقني لما يحبة ويرضاه ويرزق الجميع الازواج الصالحين والسعادة الدائمة انه على ذلك لقدير
والسلام عليكم

آمين ياربي على كل دعوة قلتيها مش بس دعاء اني انخطب

تسلمين صدى الصمت :)