القصة روووووووووووووووووووووووووووووووووووووعة

احكيلكم قصة زواجي
من يوم عرفت نفسي والكل حولي يلمح اني لولد عمتي ومرت السنين وكبرت وصرت في الثانوي تقدم ابن عمتي للخطبه الرسميه وافق ابوي لكن حسيت في نفسي حيييييرة وخووووف تدرون ليييه
اولا لأن عمتي من النوع الآمر الناهي وثانيا لأن ولدها الوحيد بين خمس بنات وما يتحمل امسؤلية وامه شديدة التعلق به المهم انا وكلت امري لله سبحانه وتعالى واستخرته عز وجل ودعوته في مواطن اجابة الدعاء
وفجأة وبدون سابق انذار حدث مالم يتوقعه احد الخطبه التي دامت سنوات طويلة لم تكلل بالزواج !!!!!
اختلف ابي مع عمتي على السكن ابي طالب بمنزل مستقل لي لعلمه بطبيعة عمتي وتلافيا للمشاكل وهي بالطبع رفضت بل وتطاولت على ابي بالكلام وهددته باني سأظل عانسا وان ابنها سيظفر باجمل وافضل مني !!!!1
حسبي الله ونعم الوكيل بعد كل هالسنوات وبعد مانرد الكثير من الخطاب تقول هذا الكلام واللي قهرني اكثر ان ولدها ماقام بأي خطوة ايجابيه ولا فتح فمه كأنه راضي عن كلامها
المهم انتشر الخبر بين الأهل وبين مصدق ومكذب جاء الفرج من عند الله عز وجل بعد شهر واحد
تقدم لي شاب معلم ملتزم وامام مسجد على خلق ودين ووافق على كل شروط ابي ووفر لي المنزل المستقل ومر على زواجي الآن خمس سنوات لم ار منه الا كل خير اسأل الله ان يديم المحبة بيننا وان يرزقنا والجميع من واسع فضله
وباذكر لكم شيء يشهد الله انها ليست شماته والعياذ بالله ولكن ليعلم الجميع اني ظلمت من قبلهم والظلم ظلمات
ابن عمتي الى الآن لم يستقر مع زوجه فالأولى تركت له المنزل بعد اقل من سنه وطالبت بالخلع وردت له المهر وتزوجت بآخر والثانيه لم يسعد معها ويريد ان يتزوج عليها بالرغم من انها لم تكمل العام معه وهو مصر على الزواج من ثالثه بالرغم من معارضة اهله اسأل الله ان يهديه ويصلح حاله ويقر عين عمتي به فهو ولدها الوحيد ادعوا له بالهدايه
والسلام ختام

بسم الرحمن الرحيم

السلام عليكن اخواتي

والله والله الموضوع رووووووووووعه يذكرنا بالايام الي مضت

ماراح اطول عليكن راح اقول لكن قصتي

انا والله كنت احب ابن عمتي من حين وانا بالابتدائيه كان عمري وقتها ثمان سنين بيس تعرفوا كن لعب عيال وكنت داءما اروح انام عندهم بالذات انامعه في الغرفه في سرير واحد حتى كنا نلعب عروس وعروسه لكن.........................
فرقت بنا الايام وسافرت انا والاهل مدة سنتين خارج البلاد ونسيت الموضوع لكن لما كانت عمتي تتصل تسأل عننا كنت احس بالفرحه لانها طبعا من طرف(زوجي العزيز) ولما انتهت السنتين رجعنا للارض الوطن ولكن عشنا مدة ثلاث سنين في مدينه تبعد عنهم مدة ثلاث سنين وبعد الخمس السنين جاء اليوم الموعود كنت صف ثالث اعدادي جاء زارنا في الصيف واول وحده استقبلته كانت انا ....................ولما رايته لم اصدق انه كان نفس الشخص الي كنت احبه من الصغر المهم هو حبني ايضا حب لكن كان كل واحد ما يبين لثاني تعرفوا تعليقات الاهل طبعا الوالده واخواتي وعماتي علرفات اني احبه غير امه ووالدي العزيز.................مرت الايام وكان يجي لزيارتنا مرتين في السنه :32:
لين دخلت امتحانات الثانويه وصار الخطاب يهلوا على البيت بيس بيني وبينكم كنت متردده اوافق او لا لاني ماكنت متاكده انه يريد الزواج مني .......وجت عائله تطلبني للابنهم وكنت جايه من طرف اخته الكبرى وزعل منها قوه واعترف للعائله كلهم لحبه لي وحلف يمين ما يدخل امتحان الثانويه العامه الا لما يتصل زوج عمتي بالوالد ويفاتحه بالموضوع والحمدلله بعد الامتحانات وبالصيف تمت الخطوبه لكن......................
سافر خطيبي للدراسه بامريكا لمدة ثلاث سنين بعدين جاء واتزوجنا وسافرت معه والان الحمدلله اعيش احلى حياه في عمري وادعوا الله ان يتم سعادتنا ولا يفرقنا طول العمر ويكمل سعادتنا بالذريه الصالحه .

هذه حكايتي عارفه اني طولت بيس انتوا والله ذكرتوني

اختكم baheir
:27: :27: :27:
hgsbl ugd;l

عفوا المسافه الي تبعد بننا وبينهم خمس ساعات مو ثلاث سنين الله يثبت العقل ان شاء الله
baheir
:27:

انا عجبني موضوعكم وايييييييييييييييييييييييييييد
انا بقولكم قصه زواجي
كنت في ثاني متوسط وامه مدرسه تدرس في نفس المدرسه الي انا فيها كانت تدرسني انجليزي
كنت انا احب الانجليزي لكن مااحب المدرسه
ويقلون لي البنات ابله فلانه بتخطبك حق ولدها يبون يحرون قلبي (لانهم يعرفون اني ما احبها)
هي الله يذكرها بالخير تحبني لاني بدون مدح حلوة وشقرة وعيون رمادى (على فكرة امي امريكيه الحمد لله مسلمه )
وكنت لهلوبه معاها ومع غيرها
جاتني يوم وقالت عطيني رقم تلفونكم انا خفت تعرفون مدرسه وتطلب رقم تلفون بدون قصد قلت لها ما عندنا تلفون
تدرون شنو ردت علي هههههههههههههههههههههههههههههههههههه ما عندكم تلفون الناس وصلوا القمر وانتو ماعندكم تلفون
قلت انا من الخوف ابوي عنده جوال ماتت علي من الضحك
وبعدين طلعت رقمنا مادري من وين
هي اتصلت فينا وقالت لي انتي فلانه قلت نعم قالت تقولين ماعندكم تلفون سككككككككككككككات من الخوف قالت وين امك قلت امي مو هنا (امي مسكينه في البيت بس انا خفت تقولها عني شي في المدرسه )
رحت ثاني يوم المدرسه وقلت للبنات ان ابله فلانه اتصلت فينا وقاموا البنات تعرفون الي تقول بتشتكي عليك لانك ماتحبينها والي تقول الله يعينكم عليها
بس راحت الايام وفي اخر يوم في الامتحانات ثاني متوسط جات وقالت لي انتوا متى بتسافرون قلت انا مادري قالت قولي لامك اني بجيكم بعد اسبوع هنا طاح قلبي خففففففففففففففففففت مو علشان شي لا تعرفون هيبه المدرسه
جات وقالت لامي نبقي نخطب بنتكم حق ولدنا (ترة المرة تخطط علي وانا مادري)
يوم قالت امي لي قعدت ابكي لان اقول ابروحي مااستسيقها واصير مرت ولدها
قام ابوي سال عنهم وعن الولد طلع اخلاقه عاليه جدا وعريس لقطه على قولت عمتي اذا ماوفقتوا عليه بتتحسفون
ابوي قال البنت صغيرة على الزواج (واالله ابوي صاج ما اعرف ولا شي لاطبخ ولا تنظيف يعني الشئون المنزليه زيرو
وسبحان الله هذيك الابله الكريهه على قلبي استوت احلى من العسل على (حق الريل صارت حلوه)
صارت الخطبه بس قال ابوي بعد ثلاث سنوات عشان البنت تكبر شوي والولد يكمل الماجستير
والحمد لله والحين انا متزوجه وعندي ولد وام زوجي ابله الانجليزي احسن ام زوج في العالم (صج الي يقول الي مايعرفك ما يثمنك) هي الي ساعدتني اني اكمل الدراسه وانا الحين سنه رابعه رياضيات 0الله يخليها يارب
صحيح انا طولت عليكم بس احب اشرح اتعلم من الحين اذا حصلت لي وظيفه اذا تخرجت
اسفه مرة اخرى على الاطاله وهذي لام زوجي الحبيبه :26: وهذي لاي اي وحده تقرا:26: