أهلا بكن أخواتي الكريمات تقبل الله منكن صيامكن وقيامكن ,ومرحبا بك أختي مليكه القلم وأشاركك نفس الشعور في كره الروتين فأنا ماأحب أكرر وأحب التنويع بس على خفيف في الاطباق,ولكن الشوربه في الغالب شوفان كويكر وأحيانا حريره ,وأحيان سمبوسه أو فطائر أو مكرونه بالبشاميل أو ورق عنب , والحلا أحيانا لقيمات أو جبنيه أو تشيز كيك والمشروبات أحيانا فمر الدين وأحيانا كوكتيل وعلى فكره كوكتيلي مثل كوكتيل مطعم يامال الشام وأحيانا فيمتو وأحيانا عصير برتقا ل طازج وهكذا وبالنسبه للتزاور نزور بعض قبل الافطار ونضل لحد التراويح ولكن مانتزاور كثير لظروف الدراسه في رمضان .

اختي الكريمة عطورات شرقية

يا اختي الغاليه انا قلت انه انا سبب لي هالشيء حرقان وحموضه لانه القهوة كثير ناس تسبب لهم حرقة وهالشي معروف عند كثير من الناس سواء كانت قهوة تركية او قهوة عربية

اما التلبك فانا ما قصدته من القهوة بل من المقالي وقلت اننا ناكل مقالي مثل سمبوسه لكن حبة حبتين لانه الزيوت ثقيلة على المعدة خاصه انه السمبوسه واللقيمات مهما نشفتيها من الزيت تشرب زيت كثير وعلى الفطور على (معدة خالية) فعلا تكون ثقيلة لانه زيوت ومعجنات وتقدري تسألي اي مختص غذائي بيقولك نفس الكلام :) وطبعا في ناس متعودة وناس مو متعودة وكل واحد معدته شكل واعرف ناس حتى خليجيين وشاميين يتاثرون بالزيوت والمعجنات :) والمعروف انه كثر المعجنات سواء لقيمات او سمبوسه او فطاير من الاشياء اللي تسبب حتى االله يعزكم امساك وهالشيء ثابت علميا

وطبعا مثل ما قلت لكم كل معدة انسان غير عن الثاني وانا ما عممت هالشيء على الكل يا عيوني :)

يعني كل انسان حسب ما تعود وحسب ما معدته تتحمل :)


اختي الغاليه قمر الزمان
تسلمين والله وفعلا تنويعك جميل الله يوفقك يا رب وما في احلى من التنويع في الاكل :)

اليوم فطرنا : برياني ربيان
فريد لحم
سمبوسة محشية بالدجاج والفطر
وطبعاً القهوة واللبن وعصير كوكتيل
بس ماشي شوربة ولا سلطة :( لأني دخلت المطبخ متأخرة ما لحققت ومحد طرشلي أحس فطوري ناقص ما له طعم بدونهم :(
وطرشت لي أمي دونتس



أما باجر فالله أعلم يمكن ما أطبخ لأني عفست المطبخ وبيلس أنظفه بكتفي باللي يطرشولنا إياه الأهل وبسوي لقيمات أو قرص العقيلي
ومرقوقة
ورز بلبن

اليوم فطورنا كالتالي
طبعا انا وزوجي بس

قهوة عربية (لزوجي)
تمر
لقيمات

وبعد صلاة المغرب كنت مجهزة

تبوله
وكبه باللبن (كبة لبنية)

وطبعا عصير فواكه

:)

اتمنى يجي اليوم اللي نفطر فيه فطوووووور خفيف وصحي

عجزت وانا اقول لاهلي بس ما يسمعون الكلام

يقولون انتي ما تبين تتعبين نفسك بالطبخ

اغلب العائله شباب وشابات ولا يبون الا الطبخات الدسمه والمقليات والمعجنات

أفــطــــــــارنــــا الــيــومي

تمر
قشطة الصافي
قهوه نوعين القهوه العاديه + قهوة الشعير ( وهي صحيه )
عصير سن كويك + فيمتو


شورة العدس
سمبوسه باللحم او بالدجاج
مصابيب محشيه وملفوفه ( الحشوه تونه او بيض)
معجنات ( بيتزا أو خليه او فطاير )
لقيمات بالعسل
شورة كويكر باللحم


واحيانا نسوي اصناف جديده ،، على حسب المزاج والوقت



لازم نتعود ونعود اهلنا على الاكل الصحي الخفيف