انا متاكدة ان كل وحد فيكم شافت (نقاش حاد بالداخل) شالت اقرب شي له (زنوبة - ساطور - يد الهاون - مطرقة - مسطرة ...الخ) ودخلت مدرعمة جاهزة للهواش .. خخخخ ياحبيلكم يا حريم تموتون على المشاكل وشد الشعر :024:
طيب رح ابدأ بالموضوع
السلام عليكم ورحمة الله وبركاته
صباحكم رجيم ودايت ورشاقة :27:
جايه اسولف معكم شوي تحملوني اوتسي :35:
يا جماعة الخير انا وزني زايد مره ووالده من 6 شهور وما ارضع طبيعي فقررت اني انحف وبقوووة قلت دام اني ما ارضع وما مني فايدة خليني اتلحلح وانحف بس القرار هذا تحول لإدمان يعني كل ما امسك اللاب توب وانا ماغير اقرأ عن الرجيمات وتجارب البنات ومسنترة بالمنتدى على هالقسم وحتى لمن اجي بنام اهلوس بالرجيمات يعني جتني شراهة على الرجيم << فكوها عاد :42:
وقمت اتخبط لي اسبوعين تقريبا من رجيم لرجيم والرياضة عندي رقص نص ساعه بس قررت ابشتري سير كهربائي الرقص حسيته خلاني رخيصه هع
المهمز << لطشته من وحده هنا بالمنتدى تقوله وعجبني
المهمز نرجع لادمان الرجيم وعمايله طلعت بعد اسبوعين ناقصه 4 كيلو الحمدلله
طبعا لا تحسبوني اتدلع واقولكم اني سمينه وانا وزني 60 زي بعض البنات يحرقون اعصابي اذا شفت مواضيعهم يا بنات انا وزني 58 وطولي 160 وابغى انحف بليز ساعدوني اقول لها مع نفسك اجل لو مثلي فوق 100 ايش كنتي بتسوين تكلمين 911 يجون يساعدونك يطلعونك من الباب بسطحه !!
بس من جد انقهر على الأقل يراعون مشاعرنا احنا صاحبات الأوزان الثقيلة :icon33:
نرجع لموضوعنا الأساسي ألا وهو الرجيم << ابسألك انتي متى تكلمتي بالموضوع الأساسي اصلا عشان ترجعين له :mad:
يا اخواتي السمينات الملظلظات انا مشكلتي اني كل ما ابدأ برجيم اطفش منه بعد 3 ايام طبعي ملوله وما اقدر استمر على شي معين اكثر من 3 ايام يعني حدي التزم بالرجيم التزام جااااد 3 ايام وبعدين اطفش منه وابغى اغيره فبعد ما فكرت وقلبتها براسي وتثقفت بموضوع الرجيمات والسعرات الحرارية ورجيم الصنف الواحد ... وعلى ضوء ما سبق قررت الآتي :
اني علشان اتفادى الطفش وترك الرجيم والتراجع عن مشروع النحف لا سمح الله اني كل 3 ايام اسوي رجيم وحتى لو أألف الرجيم من مخي احسب السعرات الحرارية لهرجيم استناداً لجدول السعرات الحرارية بحيث مايزيد عن 800 سعرة حرارية باليوم وما يقل عن 500 سعرة حرارية
شووو رايكم يا صباياااا << صاحبة هذه المعرف تعاني من تعدد الشخصيات
ويوم بحثت بالنت لقيت رجيمات بالهبلللللل
بنات اذا تبغو الرجيمات قولو لي وانا انزلها لكم بس بعد 10 ايام لأني مسافرة الحين
يلا باي
خخخخخخخخخخخخخ
هااا يلا كل وحده تقول لي وش الدعوة اللي دعتها علي :icon31:
بجد الوحدة تعملها الف حساب قبل ماتنزل لكم موضوع
يمقن تشنقر يمقن تنشل
آآآآآآآآآه احس نفسي تعبت بس لا تخافون بكمل اهم شي لا تدعون علي تراني ام وماابغى عيالي يتيتمون :44: <<< قلبتها فيلم هندي
المهمز نرجع للرجيم
هذي مجموعة من الرجيمات اللي لقيتها خلال بحثي بالنت واغلبها معروفة ومجربة..طبعا لا تنسو كل رجيم نطبقه 3 ايام ونغيره لرجيم ثاني..
1. رجيم التمر واللبن :21 تمرة + 3 كاسات لبن او حليب قليل الدسم موزعه على 3 وجبات باليوم .
2.رجيم الرز والزبادي:3 كاسات رز مسلوق بدون (زيت ولا ملح ولا ماجي) ممكن مع شطة + زبادي قليل الدسم موزعه على 3 او 4 وجبات باليوم بشرط بين كل وجبة والثانية 4 ساعات.
3.رجيم الكورن فيلكس:4 كاسات كورن فيلكس + 4 كاسات حليب خالي الدسم بدون سكر موزعه على 4 وجبات باليوم.
4.رجيم البطاطس:4 حبات بطاطس مشوي او مسلوق متوسط الحجم (مو تجيبون بطاطسه قد راسكم) بدون زيت او ملح ممكن شوية بهارات او ليمون او شطة بس بكميات قليلة لأن البهارات والشطة تحبس السوائل بالجسم. <<< يمديكم على الثقافة
5.رجيم الشابورة البر: طول اليوم تاكلين شابورة بر + 3 كاسات حليب خالي الدسم.
6.رجيم الخيار والزبادي: سوي سلطة زبادي وخيار وكل ماتجوعي كولي منها.
7.رجيم البروتينات:مثال فطور:بيض مسلوق او جبنه قليلة دسم او مرتديل والغدا لحوم مشوية او مسلوقه بدون دهون او تونا مصفاة من الزيت والعشا نفس الشي.
8.رجيم الكتكااات...ايه والله كتكااات...لااا تطاالعوووون كذا..كتكاات عااااااااادي الاحمررر ما غيررره..بسس اللي حلووو فيه ما تحسسين بخمووول ابدا... تااكلين بسس ثلاااث حباات كتكاات لااا غييييييييير طوول اليووم...وكل حبة يكون فيهاا ثلاااث اصاابع يعني حجم عاادي...مع نسكاافيه وسكر لااايت وحليب قليل الدسم...<< منقول مدري برايكم ينحف؟؟
9.رجيم السوائل: عصيرات برتقال تفاح موز كيوي ليمون اي شي.
10.رجيم الجرجير مع التوست البرر وجبن الشراايح والليمووون...يمممممممممممي... صراااحه هذا بععد حلووو مرررررررررة... الكمياات مفتوووحة وهو عبااارة عن توست اسمرر وجرجير وعصررة ليموون وجبن شررايح خاليه من الدسسم..<< منقول
11.رجيم الموز والبرتقال والزبادي: ف/موز وبرتقال وزبادي .. غ/موز وبرتقال وزبادي .. ع/موز وبرتقال وزبادي.
12.رجيم السلطة الحارة: تقريبا تسوين دقوس طماطم وكزبرة وفلفل حار وليمون مع شووووية ملح لا تكثرو الملح ابدا وتفرمينهم بالخلاط وتصير عندك سلطة دقوس حارة وتكلين منها طوال اليوم كل ماجعتي مع خبز بر 3 حبات = 390 سعرة حرارية
13.رجيم نص كيلو باليوم:
الفطور: بيضه مسلوقه+خيار+كاس عصير برتقال
الغدا: صحن شوربة خضار او الشوربة الحارقة + كاس عصير برتقال
العشا: كاس حليب قليل الدسم او زبادي قليل الدسم
14.رجيم 500 سعرة حرارية:
الفطور:
*ملعقتين جبنة قريش+ربع خبز بر+حلقات طماطم وخيار.
*3شرائح شابورة+قهوة أوشاي بدون سكر أو حليب.
*شريحه جبنة كرفت(قليلة الدسم)+ربع خبز بر+حلقات
طماطم أو خيار.
الغداء:
*ثمن دجاجة مشوية(صدر)+طبق سلطة+ربع خبز بر.
*شريحة لحم مشوية(ويفضل أن يكون لحم ابل)
+طبق سلطة+ربع خبز بر.
*ثمن كيلو سمك أو تونة مصفاة من الزيت+طبق سلطة
+ربع خبز بر.
العشاء:
دائما زبادي(قليل الدسم).
يسمح بشرب القهوة والشاي بدون سكر أو حليب.
الرجيم ماينفع لوحدة لازم رياضة على الأقل نص ساعة
وبالتوفيق
ملاحظة : تعني اختاري اي من واحد فقط مو تاكلينهم
كلهم ترى حذرتكم بنااات
بس هاللي عندي وانتو شغلو مخكم شويه واخترعو لكم رجيمات صنف واحد واستعملو جدول السعرات الحراريه عشان تعرفون كم سعرة بتاكلين باليوم
طبعا كعادة كل الرجيمات الشاي والقهوة مسموحين بدون سكر او سكر دايت
يلا بنات اعطوني اللي عندكم ايش رايكم حلو النظام هذا وهل تتوقعو ينجح بانقاص الوزن ؟
يلا ابغى نقاش حاد ابغى اشوف الملاعق والسكاكين تتطاير بالجو
3..2..1 جووووووووووووووووووووو
سماء2010 @smaaa2010
عضوة فعالة
هذا الموضوع مغلق.
أم خلووووووودي
•
يووووه هذا حيل متعب مافي احسن من التخفيف والمشي والرياضه اهم شي تبعدين عن المقالي والدهون والكبسات والحلويات والخبز الابيض وتمشين وتكثري شرب ماء انا جربت عشر ايام نزلت ثلاث كيلوا بدون مااتبع ريجيم معين وكنت اشرب عصير اناناس وكيوي وليمون واكل بكثررره فجل ابيض وجسمي حيل تغير خاصه الزوائد
حياكم بنات ..
انا مشكلتي مع الرجيم مشاكل :44:
ماااااااااحب الرجيمات :angry:
مااحب امشي ..
ماابغا اخفف
وابغا انحف '
كيف تجي ماادري ؟
توني والدة قيصري من اربع شهور ومشكلتي سمنتي فالجزء السفلي بس :)
وهذي اول مشاركة لي هنا فعالم حوا عسكم تكونون فاااااتحة خير لي واتشجع معاكم وانحف :icon28:
انا مشكلتي مع الرجيم مشاكل :44:
ماااااااااحب الرجيمات :angry:
مااحب امشي ..
ماابغا اخفف
وابغا انحف '
كيف تجي ماادري ؟
توني والدة قيصري من اربع شهور ومشكلتي سمنتي فالجزء السفلي بس :)
وهذي اول مشاركة لي هنا فعالم حوا عسكم تكونون فاااااتحة خير لي واتشجع معاكم وانحف :icon28:
XرهوفهX
•
حياكم بنات .. انا مشكلتي مع الرجيم مشاكل :44: ماااااااااحب الرجيمات :angry: مااحب امشي .. ماابغا اخفف وابغا انحف ' كيف تجي ماادري ؟ توني والدة قيصري من اربع شهور ومشكلتي سمنتي فالجزء السفلي بس :) وهذي اول مشاركة لي هنا فعالم حوا عسكم تكونون فاااااتحة خير لي واتشجع معاكم وانحف :icon28:حياكم بنات .. انا مشكلتي مع الرجيم مشاكل :44: ماااااااااحب الرجيمات :angry: مااحب امشي...
انا صراحة عجبني لاني نفس طبعك وملوله من الرجيم الطويل
اعتبرها فكره ذكيه الله يوفقك ويوفقنا معك...
اعتبرها فكره ذكيه الله يوفقك ويوفقنا معك...
مدري يختي أحس أنه يحوس كيميائية الجسم ..
عاد لا تسأليني وشلون :22: المهم طرأ في بالي هالشيء و قلت يمكن قاريته بمكان , و اللي جابها عقلي الباطن :D
لأنه أحس الجسم لازم يلتزم بنظام معين عشان يستجيب و ينزل وزنه .. لكن إذا كان الرجيمات مخربطه ما أتوقع يجيب نتيجه ..
امممم شوفي هو مجرد رأي أستدعي نظرك فيه .. ممكن يكون كلامي صحيح .. ^_^ الله أعلم ..
موفقه حبيبتي ...
عاد لا تسأليني وشلون :22: المهم طرأ في بالي هالشيء و قلت يمكن قاريته بمكان , و اللي جابها عقلي الباطن :D
لأنه أحس الجسم لازم يلتزم بنظام معين عشان يستجيب و ينزل وزنه .. لكن إذا كان الرجيمات مخربطه ما أتوقع يجيب نتيجه ..
امممم شوفي هو مجرد رأي أستدعي نظرك فيه .. ممكن يكون كلامي صحيح .. ^_^ الله أعلم ..
موفقه حبيبتي ...
والله فكره حلوه ياسما والتخفيف الي اوزانهم اقل من 60 والي فوق 70 طول عمرك وانتي تسوين رجيم سوي رجيم كيمايئ وبعدين ثبتيه بالتخفيف والله التخفيف يثبت الوزن
الصفحة الأخيرة