الكيكة ياليت من ياكلك بس خليك بالبرتقال !!
الله يهديك صارت عيوني :07: وماقدرت اقرا اللي كتبتيه

الحين اجيكم بالسؤال الثاني
هل عندكم طريقه تخلي الطفل يطول نومه في الليل او حتى يواصل نومه
انا تعبت بفترة الاربعين مير كان يصحى كل ساعه الى ساعتين و اذا وصل ساعتين فهو مررره ممتاز و الحين اهون شوي بس برضه يصحى كثير وش السواة

السؤال الثالث
وش تسوون اذا صار عند طفلك مغص ؟ ايش افضل شي للمغص

السؤال الرابع
هل طفلك يقدر يمسك الرضعه زين ... يعني طفلي يطلع صوت قوي وهو يرضع كانه ما يقدر يمسك رضعته زين كانه تنفلت من فمه و فيه ناس قالو لي ان هذا يدل على انه لثته نازله و انك المفروض انك رافعتها اول ما انولد ... للمعلوميه هذا نفس المشكله صارت مع بنتي ... هي الحمد لله ما ضره بس انا كنت ما احب ارضعه عند الناس من الصوت الي يطلع منه
:26:

أختي الهندية أنا أطفالي مابدؤا يطولوا بالنوم إلا لما أنيمهم على بطنهم ...وأحسهم يرتاحوا إذا عندهم مغص كمان بس ما أدري إذا هو مضر ولا لا ...إيش رأيكم


أما بالنسبة لسؤال الأطفال عن الولادة أنا قلت لولدي إنه شقي بطني بالسكين وخرجوا أخوانك ..لأني قيصرية والحمد لله هو اقتنع وأنا أرتحت ..

السلام عليكم..

بالنسبه لسؤالك اختي الهنديه..نعم الكالسيوم ياثر الحين لنه الرحم بعده مفتوح ومو راد مكانه فيبقى الكالسيوم فيه..و حتى فيه برنامج غذائي حق الي يبون بنات يعتمد عالى الكالسيوم والمغنيسيوم و الي يبون صبيان يعتمد على الصوديوم والبوتاسيوم..وهذا مثبت علميا وعندي رابط الموقع..بس ما ادري اذا عادي احط الرابط ولا لأ...
اختب امل الروح..لا لا تنومينهم على بطنهم مو زين..انا ساكنة بامريكا ومني دايما يحذرون من هالشي لانه يرفع من نسبة موت الاطفال المفاجي..الله يحفظلج عيالج..وهذا شي يصير لليهال الصغار...
بالنسبة لسؤال الاطفال عن الولادة..انا للحين بنتي صغيره و ما واجهت عالسؤال..بس مره كنت قاريه انه اذا ولدج سألج هالسؤال روحي راويه الديايه لما تبيض وقوليله انه انت نفس الطريقه طلعت ( بس طبعا مو ببيضه:21: )
بنات..انا الحين صارلي ثلاثة اشهر من ولت و شعري مره وحده قام يطيح وايد والله اخاف اصير قرعه..ودي لو القة عندكم الحل..
في امان الله

أختي zbon_draz
أنا كمان زيك ساكنة بأمريكا وقالولي نفس الشيء ..وأنا أول كنت حذرة بس دحين عمرهم 4شهور وقلت إن شاء الله إنهم تحت نظري وخطر الكتمة يقل

وبعدين هناك عندهم في المستشفى (لأنهم قعدوا في الحضانة شهر) كانوا يحطوهم على بطنهم أغلب الأوقات ويقولوا عشان إحنا تحت الأجهزة فنعرف إذا صرلهم شيء ..صراحة ما أقنعني كلامهم عشان كدة صرت أنيمهم على بطنهم