انا عضوه جديده في المنتدى الاكثر من رائع
حبيباتي انصح كل واحده في الاربعين تاخذ حلبه كل صباح لاني ماخذتها
وندمت بس انشاء الله بحافظ عليها ايام الدوره لانها تخفف الآم الظهر
عندي سؤال:
مرت على ولادتي ثلاث اشهر بس لاسف وزني زاد ثلاثه عشر كيلو والبطن (الكرش) كاني باشهر السادس
وش الحل مع العلم انها اول ولاده

هلا بالهندية
هالسؤال يشغلهم فعلا قلت لولدي طلعه الدكتور من بطني
بس لوقال وين الفتحة :35: ابخليه يشوف سره واقول مثل هذي

المشكلة جاني بكل براءة يقول ماما أنت وبابا مرد يعني متزوجين كان فيه حوار بينه وبين ابوه وتوصلوا لهالكلام
بعدين بسم الله على وليدي قال
طيب اذا كبرت انا وأختي بنصير مرد انهبلت قلت لالالالالالالالالالالالالالالالالالالالا
واحدة ثانية قال بس انت وبابا مرد
ياحبي لوليدي وبراءته طول هالوقت يحسب ان أنا وابوه أخوان ؟؟؟؟؟
الله يستر لايكون قاله للمدرسة والا للطلاب ؟؟؟

السلام عليكم

اول شي الحمد لله على سلامة الوالدات و الله يهون على الحوامل .

الحمد لله انا مو حامل ولا توني والده :17:

بس حبيت افيدكم من تجربتي

و الكلام اللي بقوله هو الصح

احسن شي بالنفاس اللحم ( يقولون اللحم يلحم )

1- ممنوع السمك و الاشياء الزفر لانها اتزفر المرا ( يعني بعدين راح تصير ريحتها زفر فاهمين قصدي )
2- الباميه و الملوخيه و الاشياء المخاطيه ممنوع ( تخلي المرا تفرز على طول وصاخه )
3- ممنوع الماء بالنفاس يعني لازم تقللين منه كثر ما تقدرين لانه يتفخ البطن و يسبب الكرش
4- و ممكن تعوضين جسمج بالسوائل من الشاي و الحليب و الشوربه ( سلقي لحم او دجاج اكليه و اشربي شوربته )
5- البرتقال والليمون و الحوامض مو زينه للارحام
6- طبعا المشروبات الغازيه ممنوووع حتى بالدوره فمابالك بالنفاس لانها تتفخ الرحم
7- ممنوع الرياضه تنزل الرحم ( ممكن بعد شهر من الولاده يعني اخر 10 ايام ممكن ممارسه رياضه المشي )
8- ممنوع الخيار والبطيخ و الرقي لانه يسبب ريح و غازات
9- السبوح يليت مايكون اكثر من مره بالاسبوع علشان حريم قبل يقولون الهوا يدش بالنفسا حتى من اصبع ريلها .. ولازم ادفي عمرها .
10- مثل ما الجوع مضر للوالده .. ايضا الخربطه بالاكل مضره للوالده .. فيجب تنظيم الوجبات واكل المفيد فقط
11- يجب غسل الغرز بمطهر ( متوفر بالصيدليات ) يخلط مع الماء الدافي.

الحين بعلمكم شنو تاكلون من ادويه و اعشاب
طبعا كل يوم (40 يوم ) تاكلين اللهوم 3 مرات باليوم
كل يوم الصبح حسو ( عصيده + دوا )
يفضل يكون العشا خفيف مثلا بيضتين مقليتين مع شاي بحليب ( كل يوم حطي فلفل اسود (ضروري ) عالبيض )
اول 3 ايام شربي منقوع المرّه ( يطلع الهوا و يمنع التهاب الجرح )
اول اسبوع تلهمين رشاد ( سفوف ) ملعقه اكل ث مرات باليوم (ينزل الوصخ والدم و بقايا الحمل اللي بالرحم )
اول اسبوعتشربين على الريج قلاص حلبه لمده اسبوع فقطططططططط ( الحلبه تقوي الظهر لكن كثرتها ترطب الارحام )

و اخر 10 ايام تلهمين رشاد ( ينزل الدم المتبقي او اخت النفاس )انا كنت اكل تمر و الهم رشاد و اروح امشي نص ساعه

والله يا بنات ما اخلص النفاس الا انا مثل العروس الجديده

و بس هذا اللي عندي و اذا تذكرت شي بقوله لكم

عبق الرياحين
حياك الله اختي
الحبله ما تحملتها معدتي في ولادتي الاوولى فا ما استخدمتها بولادتي هذه و الحمد لله احس انه ما فيه فرق كبير فيها او مو دونها .. صح ظهري طول شوي ما خف بس الحمد لله على نهايه الاربعين احس اني بديت اصير طبيعيه ..
اما موضوع زياده الوزن فا عندي و عندك خير .. بس ان شاء الله راح تنحفين .. مع الوقت بعد سنه يثبت الجسم و تحددين اذا انت تحتاجين رجيم و لا لا .. انا يوم بنتي ما ثبت وزني الا بعد سنه و نص بس انا ما كنت احاسب على اكلي و لا سويت رياضه تستاهل .. لكن يمكن اذا نظمتي اكلك و سويتي رياضه خفيفه ترجعين اسرع ..
عموما مشكوره اختي على مرورك

ازاهير اللقاء يشرفني مرورك مره ثانيه
ههههههههههههه سبحان الله الاطفال تفكيرهم واحد تصدقين هذا نفس السؤال الي بنتي اسئلتني تقول انت و بابا متزوجين و انا و اخوي اذا كبرنا بني نتزوج ..
الله يصلحهم بس

الكيكه
ما شاء الله كفيتي ووفيتي
الا اني ضد فكره عدم شرب الماء وقت الاربعين لاني اعرف انه مرررره مهم للرضاعه و للجسم عموما لانه الجسم يفقد سوائل كثير وقت النفاس .. بس تصدقين اول مره اسمع احد يقول كولو رشاد اول الاربعين .. غريبه الي اعرفه انه بالاخير بس
عموما مشكوره اختي على مرورك و شرفني وجودك