كنت حلوة وبعدين......

والله يا بنات اكتبلكم وقلبي مكسوووووووووووور

احكيلكم الحكاية: من ثلاث او اربع سنين يعني لما كان عمري 17 سنة تقريبا كان جسمي روعة ووزني مثالي وكانت دايما خدودي حمرا وبشرتي ناعمة وصافية وفاتحة

اما دلوقتي :44: اااااااااااااااااه يا عيني عليه
بقى لوني شاحب وبشرتي غريبة كأن عليها طبقة كده , وباهتة واسمريت كمان!
وانا كنت تخنت شوية فلما رجعت خسيت, ظهر على وشي زيادة
يعني اصلحها من هنا تبوظ من هناك :44:

انا يا بنات مخطوبة , وكنت الاول بشوف في عيون خطيبي نظرة اختفت دلوقتي , كأن قلبه كان بيتخطف لما بيشوفني :hearts: , اما دلوقتي خلاص , وبصراحة معاه حق!!! :(

حتى اصحابي وقرايبي بعد ماكانوا كل مايشوفوني يعلقوا على طعامتي خلاص بقوا شايفيني وحشة

نفسي حد يقولي الغلط فين , عملت تحليل دم وطلعت كويسة , عملت تقشير بكريم فيه نفس اساس الريتن ا عند دكتورة ولا تغيير , استعملت خلطات ووصفات , ومافيش حاجة رجعتلي حمار خدودي , كأن بشرتي ماتت

والبهتان والسمار ده حله ايه كمان

والله انا راضية بقدر ربنا بس نفسي اسعد قلب زوج المستقبل واستعيد ثقتي بنفسي , عندي 21 سنة وحاسة اني فوق الخمسين
انا امي حلوة شوية ووالله يابنات عارفة مش هاتصدقوا بس ده اللي بيحصل, كل شوية تحسسني انها احلى مني!! :29:

مش عارفة انا بس حسيت قلبي وجعني فقلت افضفض عن نفسي معاكوا ويمكن الاقي عندكم حل
وامانة عليكم يا اطيب بنات في الدنيا تدعولي ارجع حلوة زي الاول وربنا يجبر كسرة قلبي :(