كنت مطلقة وعندي بنت وتزوجت وانا في عذاب

الأسرة والمجتمع

صباح الخير
اخواتي انا مطلقة من عشر سنوات وعندي بنت وكنت ارفض الخطاب لين تكبر
وتقدم لي دكتور جامعي
ووافق ع بنتي
وهو يسكن بمدينة غير مدينتي
ولان عنده اعمال بالمدينة اللي اسكنها انا يبغى زوجة فخطبني
واشترطت بيت شرعي وبنتي معاي،وااافق
وتزوجت
وببداية الزواج حصلت مشكلة بيننا بسبب اني اكتشفت انه ببطاقة العايلة عنده غير زوجته وانكر وانه مطلقها
وانا ماهمني،لكن يكون واضح ويقول كم طلق
وانتهت هالمشكلة
غلطي اني طلعت معاه قبل مايجيب لي،البيت
وانا للان صارلي 7شهور،متزوجة ولاجاااب
وكل جيه له يوعدني ولاينفذ
واحيانا يقولي لما ارفض اطلع معاه بشقة مفروشه ليه تساوميني
وانا المسئول وباجيب لك البييت متى،ماقررت واحنى باقي مشاكلنا كثيره
يجي كل اسبوعين يومين ويسافر
وقال ايام الملكه انه اسبوعيا يجي
طبعا هو مقتدر جدا ويقدر يامن لي بيت
وزوجته تعرف بزواجه وعادي ماعارضت
المهم انا مليت جدا
وقلتله مااستمر بهالحياة
وكنت كل شوي اطلب الطلاق
وكان يتضايق ويقول انتي بسهوله تبيعين الحياة
قلتله لا بالعكس انا متمسكه لكن تعبت اقابلك بالفنادق
وبعد مشاده قال ابشري بطلقك وطلق طلقه
وندم ورجعني
وللان ماجاب بيت وغير انه مايجي عندي الا كل اسبوعين اذا عنده شغل
وانا مااقدر انقل للمدينة اللي هو ساكنها عشان بنتي وهو اصلا مايبغى
تسرررعت بالزواج وانا في عذااب واخاف الطلاق للمره الثانية
عمري 38سنة
وهو 49 سنة
بصراحة كرهت هالبيت من كثر ماطلبته واحس نفسي عفته
وذليت نفسي كل مره بس ياخذني ويرجعني منودون حقوق لي
والمشكلة يقول انا احبك ومدري ايه
وزواجي منه معلن واهله وزوجته وعياله يعرفون
اش رايكم اطلب الانفصال
انا اخذ،مانع حمل ماحملت
وهو رافض احد يتدخل بيننا وابوي كبير سن
حسيت بالذل حياتي بالشكل هذا معاه
شوروا علي
واللي عاشت مثل وضعي،تقولي اش سوت
واللي سمعت عن حالات مثل حالتي
انا في عذاااب نفسي رهيب
شكرا اخواتي ان فضفضت لكم..
107
29K

يلزم عليك تسجيل الدخول أولًا لكتابة تعليق.

تسجيل دخول

فرج الاستغفار
فرج الاستغفار
ماادري وش اقول ياخيه. لكن هذاشكله. راعي خرابيط. امسكي لك بيت. وضفي نفسك والا الله الغني عن هالزيجه
**طفله حنونه**
**طفله حنونه**
غلطتك تزوجتيه قبل ينفذ شرط وجود سكن واستقرار لك ولبنتك
عموما اذا يهمك الاستقرار والبيت لاعاد تطلعين معاه الين ينفذ الشرط
بيت وأثاث كاااااااااامل


وقولي له ما تطلبني الين تنفذ شرطي والمسلمون على شروطهم
وسكري جوالك الين فعلا يحقق مطلبك
اذا يحبك بعطيك الي تبينه وإذا بايع فهي جت منه


اختي لا ترخصي عمرك وتوكلي على الله ولا تتضايقين امرك كله في خير
واللي يكتبه الله ارضي فيه سواء نفذ طلبك او ما نفذه وطلق


اسأل الله لك الفرج
أخت عاصم
أخت عاصم
أشكركم اخواتي
انا اعرف اني غلطااانه لما وثقت فيه وطلعت معاه قبل يأمن لي بيت
والله ماعاد،احس بالامان معاه
أخت عاصم
أخت عاصم
اااب
mona raja
mona raja
دوري حلول غير الطلاق وضعة مناسب لك وانتي مناسبة له لاتتسرعين بالطلاق الدعاء لا تستهنين فيه احنا باايام فضيلة مستجاب فيها الدعاء الله يرفع عنك ويعينك