رد ولا اجمل ... واضح وصريح قبل ماتحملين وتخلفين .. ترا هم وتعب لو تشيلين طفل بلحالك

ياحبيبتي كل اللي ينصحونك بعدك الانجاب
جالسات في البيت حولينهم عيالهم اللي جايبة 6 واللي 7 واللي 10
انا اكلمك بعقلانية
كم عمرك الحين
38 ؟
طيب تضمنين رجلك يطاوعك بالنهاية ؟ تضمنين اذا انفصلتي يجيك اللي على مزاجك؟
اذا تضمنين اوكي اجلسي صالية سنة وسنتين وخلي عمرك يمشي وبالنهاية يطلق
او اطلبي الطلاق واحتري اللي يتقدم لك على مزاجك
انتي ابخص بوضعك وضروف اهلك
نتمنى لك كل خير ونتمنى يجيك احسن الرجل
لكن لو ماجاء ؟ لو ماحصل؟ تقعدين على هالبنت طول عمرك ؟؟؟
برض حرية شخصية وبكيفك
لكني لاجيتي للواقع
مافي شيء بالدنيا يعوضك عن العيال
بكرى لاكبرتي واجتمعو عندك وشالوك وراحوا معك وجو معك وسافروا فيك حسيتي بطعم الحياة الحقيقي واستعضتي عنهم بأطلق الرجال
على قوله طارق الحبيب استخدمي الرجال وسيلة للتفريخ . وخلي هذا هدفك الاول انتي مو بنت العشرين عشان تحلمين وتتاملين
ومهب نافعتك نصايح خلي يسوي لك ويفعل لك , كل وحده تنصحك وهي منسدحة بسريرها ومتهنية
للحين اتذكر اخت هنا زوجها كان يضرب ويخون ويشرب ومتزوج عليها لكن اهله ناس محترمين ومن حمولة طيب
كانت تجيبة وتتزين له وهي عايفة بس عشان تحمل
وجابت 4 وهي على هالحل وبالاخير قضبته الباب واستغنت
هي مقتدرة وماعليها واكتفت بعيالها ياربي لك الحمد وماشاء الله كبروا وشالوها
فكري بعقلانية وخليك عملية
قدامك 12 سنة تنجبين فيها في احسن الاحوال , هذا اذا ماصار فيه مشاكل بالحمل بسبب كبر السن , تعرفين تضعف احتمالية الحمل ويكثر انجاب اطفال متلازمة داون وغيره
والحمد لله ابوهم دكتور وولد حمولة , لابيتربون بالشارع ولا غيره على قوله وحدة من الاخوات , لو وصلت الامور مواصيلها ماراح يتركهم
وانتي موجودة اذا موظفة وماراح يصير عليهم قاصره
ومثل ماقلت لك انتي ابخص بوضعك اذا امورك زينة من ناحية الخطاب اتركيه ولا تشاورين
واذا لافكري بمنطق

جيتكم ضامية
اشكرك جدا لردك


والله انا عانيت كثير بتربية بنتي لحالي وماتتصورين كيف العذاب والمسئولية من دون اب


انا مااضمن يجيني احد،لو تطلقت
بس الحياة من دون رجل،مثله اشوفها،افضل،لاني اعاني واحس نفسي بس للفراش
وخيرته ياتعيش معاي بكامل حقوقي يابلاها من حياة


قال،تساوميني
بالله اي،عقل عنده
اساومه ع حق لي

حبيبتي وضعك بدون بيت شرعي غير صحيح
لاعاد تطلعين معه الا ببيت
وخلي ابوك يكلمه يقول معليش يالغالي حنا استقبلناك وكرمناك وعطيناك بنتنا وبنتها امانة عندك
بالله ترضى لاختك يصير فيها كذا ؟ تتزوج 7 شهور ويجيها زوجها زي المسيار ياخذها ويرجعها لبيت اهلها !
يمكنها مستكثر يدفع اجار على بيت بيتسكر ولا يندخل الا مرتين في الشهر
ويمكنه فعلا متزوجك مسيار الين يخلص شغلته في الرياض ويرجع ديرته
فانت شوفي وضعك ولازم تفهمينه وسالفة يقولك انا احبك عادي الرجال كلا يحبه اذا له فيه حاجة بس تخلص حاجته يغمض عيونه وينساه

يوم طلقك طلقه كان مارجعتي له الا لما اشترطتي البيت