لا تطلبي الطلاق بس لا تطلعي معه الا لما يجيب لك بيت استغفر الله احسه بيتسلى معاك وبس الله يهديه يسخره لك

حبيبتي وااااضح جدا الرجال يبيك زوجه مسياااار وباين من تصرفاته اذا انتي لك نيه انك تعيشين معاه مسيار اسكتي علي الوضع وخلاص واذا انتي تبين حقوقك وحالك حال زوجته لا جاك اشرطي عليه يااما تجيب لي بيت او حتي تستاجر لي بيت او شقه مو شرط بيت ملك بس لازم مكان مستقل ويسدد الاجار والا خلاص تنفصلووون واذا هو باقي عليك اقل شي بيسويه مابيمرمطك يااما يخليك تروحين لحال سبيلك اوووو يشوف لك بيت او شقه حالك حال أي زوجه

مستحيل اقبل بمسيار ابدا
زواجي علن وعدل

اختي
الفاس طاح بالراس ومالك حيلة معه
حرمته وداريه واهله ودارين والرجال ودخل عليك خلاص
يعني ماعندك اي شيء تساومينه فيه او تضغطين عليه به
رجلك ماراح يجيب بيت
واذا بغيتي الطلاق بيطلق بكل سهولة لانك بالنسبة له متعه ونالها وماتخسر عليها شيء
الاستقرار والعيال مع الاولى
والحياة مع الاولى
انتي مجرد محطه
انا اقول خليك انسانة عملية
يعني بدون زعل
شكله بيطلق كذا ولا كذا
انتي شوفي نفسك
اذا تبين عيال باللي هو به , يعني حتى لو طلقك
المهم تجيبين ضنا غير بنتك يمكن يطلع ولد ويشيلك لاكبرتي
وبنفس الوقت هو بالنهاية ولد رجل مقتدر ودكتور وشخص محترم وسمعه زينه بغض النظر عن حقارته في موضوع البيت
,وتشوفين ان انتي كبرتي والزم ماعليك العيال
ف احملي منه , جيبي عيال يشيلونك بكرى ويمكن يلين قلبه لاحملتي ويجيب لك البيت , يمكن هالولد يقرب بينكم
ولا تعلمينه انك بتفكين الحبوب ولا تعلمينه بحملك الا لابانت كرشتك عشان خلاص مايمديه يضغط عليك او يساومك
وبنفس الوقت اهلكيه بالصرف , اطلبي واسحبي منه مصروف وغيره
ساوميه على الليالي اللي يحطك فيها بفنادق
اطلبي هدايا وخرابيط واطلعي معه للسوق كل مره وصفري جيوبه
استفيدي منه ذا اللي ماخذك متعه حتى بيت ماحطلك
فإذا درا بحملك ونوى يستقر معك ويحط لك بيت زين على زين
واذا انحاش وطلق تكونين ع الاقل طلعتي بولد وكم قرش

جيتكم ضامية
لا مستحيل اخلف منه ولا تاكدت من جديته
في حال جاب بيت وحسيت بصدقه ممكن
لكن احمل واظل ع اعصابي لا ابدا
ياحياة استقرار يابلاها


وزوجته الا ولى طيبه وع نياتها يعني هي مو سبب ابدا
شخصيته مررره قوية ولا احد يقدر يفرض رايه عليه لازوجة اولى ولا ثانية