حبيتي لا تيأسن من رحمة الله ..وعليك بالدعاء في منتصف الليل ,وكل شي قسمه ونصيب

وانت توك صغيره والشكل ماهو شي مهم... عيشي حياتك لا تقضينها بالهموم واشغلي نفسك بطاعة الله .

والله يوفقك ان شاء الله ويحقق لك كل ما تتمنين.

أولا : ليش تشيلين فكرة الزواج نهائي ؟ طبيعي الوحدة في عمرك تفكر فالزواج بس اللي مو طبيعي أنها تحطه همها الوحيد

ثانيا: مو كل المتزوجات مبسوطات في حياتهم (بعضهم يبينون للناس انهم مبسوطات وهم مو كذا , عشان ما أحد يتشمت فيها أو عشان ما تجحد العشرة ) والبنت في بيت أهلها أفضل مما لو كانت مع زوج ما يستحقها , وبالنسبة لي كنت قبل أتزوج مبسوطة على الأخير , ومن تزوجت بدا التعب (ما أقول حياتي كلها سيئة عشان ماأصير جاحدة ,بس الوحدة فبيت أهلها شيخة نفسها وبعد الزواج تفقد كل الحرية)

ثالثا: أنتي لسه صغيرة على أنك تفقدين الأمل , بالعكس هذا أفضل لأن الشاب اللي يبي بنت صغيرة مو فاهم الحياة ولا يدري المشاكل اللي بتواجهه معها . والعاقل أكيد يبي وحدة تفهمه ويفهمها مو يربيها.

رابعا: الجمال مو دائما نعمة بالعكس أحيانا يكون نقمة , أنا يعتبروني الناس جميلة وكنت أخاف أتزوج واحد يدور عن وحدة جميلة و بالفعل طحت في واحد ما يهمه غير الجمال واللي مثل كذا ماترضيهم ولا تملا عينهم أي وحدة ,حتى ملكات الجمال.ومن ملاحظتي أن البنات العاديات حظهم أكبر من الجميلات (يكفي انها تاخذ واحد قنوع)

خامسا: انك تقعدين تبكين وتحطين خدك على كفك هذا أسوأ شئ تسوينه . المفروض أنك تسوي شي , ماأقول روحي اخطبي لنفسك , لكن خلي الناس ينتبهولك , اهتمي بشكلك و أسلوبك . كوني اجتماعية ومبتسمة دائما (خصوصا للحريم الكبار) روحي المناسبات والزواجات والعزايم. كوني صداقات . خذي دورات تشغلين نفسك فيها وتتعرفين على ناس أكثر وتطورين من نفسك .

سادسا: أدعي لنفسك بالخير دائما ولا تيأسي فما خاب من وكل الله في أمره . وفيه دعاء حلو مرة كاتبته وحدة في اامنتدى بس ما حفظته قوليه دائما . وقولي للي تحبين يدعيلك بالزوج الصالح ولا تخجلين من ذلك فربما تحركت احداهن وذكرتك عند من يستحقك

أخيرا : أدعو الله لك ولفتيات المسلمين بالزوج الصالح الذي يسعدك وتسعدينه

من راي انسب سن للزواج هو الثلاثين

الحمدلله اللي ماتزوجت وانا عمري21 او بالعشرينات

لاني الحين انضج واعقل

وبعدين الجمال ماله دخل بالزواج
هي ارزاق يقسمها ربنا لكل مخلوق
انصحك استغلي العزوبية بالعبادة
هذا احسن شي تسوينه
يوم تشوفي عمرك فاضية سبحي الله
نحنا العازبات في نعمة المتزوجات يحسدوننا عليها
اللي هي وقت الفراغ
عندنا وقت نقرا لنا ورد يومي من القران الكريم
عندنا وقت نقرا الكتب اللي نحبها
عندنا وقت نمارس فيه الشي اللي نحبه بدون تنغيص
مدري انا حياتي كذا
شاغلة عمري بقراءة الكتب المفيدة (قصص ،احاديث،اي شي )
وزيارة الاقارب وفيها اجر طبعا
ازور صديقاتي..اسولف معهن خصوصا المتزوجات..لانهن قد يكنن سبب في الزواج
ادخل المطبخ اسوي لي اي شي من وصفات البنات
شو بعد...
اذا عندي فلوس اتبضع اللي ناقصني
والله اننا بنعمة وواجب نشكر الله عليها

هذا اللي عندي عزيزتي:)
كن جميلا ترا الوجود جميلا

واذا بتقولي كل يوم اشوف فلانة بتعرس
سوي مثلي..اقول ياحليلها رايحة للهم برجولها

اذا افكاري فيهن شي مو حلو ..منكم السموحة

في امان الله

لختي اللي رزق هالبناااااات مين؟؟؟؟

اكيد بتقووولين الله ....

ok

وماداام انك متيقنة بان الله الرازق تووووووكلي ولا يهمك احد ولا تهزك ريح
ولازم تلجئين الى الله .....

بالدعاء
والصدقة
والصلااة

عفوا مشاركة بالخطا واتمنى من المشرفات حذفها لاني ما اقدر احذفها