كيف أضع نظام روتيني صحي؟

السلام عليكم و رحمة الله و بركاته ..

صباح/مساء الخير حوائياتي الرشيقات =)

بدون مقدمات و لف و دوران زي ما هو واضح في العنوان أنا حابة انكم تساعدوني في وضع روتين صحي لحياتي ..

أنا إنسانة وزني زايد فوق الوزن المثالي اللي المفترض أكون عليه ..

و سمنتي متركزة بشكل أساااسي في الفخوذ و الأرداف و السيقان ( جسم كمثرى)..

كنت في الإجازة ماشية على نظام غذائي يعتمد على تقليل النشويات ..

و اللي حولي يقولو نحفتي ، بس أنا مو حاسة اني نحفت ..

هي خدودي فقط اللي نحفت و الباقي كما هو ..

نفس السمنة و الترهل و السليوليت ما تغير شي !

و أنا حابة أبدأ تخفيف بشكل جدي للحصول على ساقين أكثر أنوثة و نعومة ..

طبعًا بعد انتهاء الإجازة و العودة للدوامات شي طبيعي ان النظام يحتاس حبتين ..

خصوصًا ان دوامي طويييل (من 8 صباحًا لـ 5 مساءًا )..

أرجع مهدووودة مافي حيل ..

يا دوبك أخلص مستلزمات الدوام و أنام ..

و بالتالي ما عندي وقت للرياضة و للغذاء الصحي ..

في دوامي ما عندنا مطاعم أو كفتريات كويسة ..

يعني اتخيلو أحيانًا يمرّ يوم كامل بدون ما آكل !

لاني غالبًا أكون مشغولة أو ان الكفتريات زحمة ، و أساسًا ما يبيعو غير معجنات ..

و تصير النتيجة اني أرجع البيت و آكل بشراهة فظيييعة اي شي قدامي ..

صحي أو غير صحي ..

طبعًا الوضع مو عاجبني أبدًا أبدًا ..

و أبغاكم تساعدوني في تحسينه بالإجابة ع الأسئلة التالية :

-كيف أنظم روتيني اليومي ( غذائي ، رياضي ) بحيث ما يأثر و لا يتأثر بدوامي أو بنومي؟

-ما هي الرياضات المقترحة اللي ممكن تساعد على تخفيف سمنة الأرداف و تنسيق جسمي الكمثري ؟

-ما هو أنسب و أفضل وقت للرياضة ؟ يعني عادي أسوي رياضة مساءًا و لا ماينفع ؟

-عندكم أفكار لوجبات خفيفة صحية (سناكس) ؟ أفكر أجيبها من البيت للدوام

-أفكار للوجبات الغذائية الرئيسية ؟

- أي أي أي نصيحة ممكن تفيدني من واقع خبراتكم و تجاربكم ؟



أنتظركم يا صحيّات..

"سبحان الله و بحمده ، سبحان الله العظيم "