بما انها بفترة مراهقه فشي طبيعي
بس يحتاج للسيطره عشان ماتتعود على اسلوبها
لما تقولك اوووف ياماما او تعصب او تصرخ روحي لها واحضنيها وقولي لها انا ما اطفشك انا ابغى مصلحتك وبكرا ننزل انا وانتي السوق
الاكل نفس الطريقه قولي لها انا ابغاكي تتغدي معانا انبسط وانتي على السفره
ادخلي الغرفه عليها لو شفتيها تذاكر ادعي لها وبوسيها
لما تكون فاضيه ناديها قولي لها ابغى اخذ رأيك في موضوع مثلا تبغى تغيري ديكور في البيت حتى لو تشيلي كنبه اساليها حسسيها باهتمام في البيت
بالنسبه للمذاكره اذا هيا شاطره لاتكلميها لاني انا كنت معرف اذاكر الا الفجر او الصباح بدري اما العصر مستحيل الين اليوم انا في الكليه وبرضو كذا
وفي حاجه تانيه انا اركز في المحاضره اجي البيت بس اراجع ويوم الاختبار مااعرف اذاكر تلاقيني اقلب الكتاب كاني العب
لما كنت اولى ثانوي ماما كانت تخاصمني على الدراسه وقدر الله ومات اخوي وانا ثاني ثانوي يوم الجمعه والسبت اختباراتي الترم التاني نهائي
وفي العزا كلهم يخاصموني ويقولولي اطلعي فوق ادرسي وكنت ابكي نفسيتي اصلا تعبانه كيف بذاكر سارت ماما تقول خلوها براحتها وجبت اعلا درجات والكل فرح الحمدلله
من بعدها ماما عرفت اني لو مسكت الكتاب وجلست اذاكر مااحل ابدا لكن لما تخليني براحتي اذاكر
هذا عندك انا مثال
اجلسي معاها لو حكتك على صحبتها شي غلط لاتخاصميها قولي لها انتي ايش رايك بس انا احسه غلط ناقشيها خليها هيا تجي وتقولك ماما تعالي ابغاكي في موضوع
ابوها لاتقولي له في وجهها فلانه ماتذاكر ويخاصمها قولي له وانتو لحالكم وخليه يدخل الغرفه ويشوفها ويخاصمها وانتي اتفقي معاه انك حتدافعي عنها مثلا تقولي له خلاص يافلان هيا قالت لي بترتاح شوي وترجع تكمل دروسها واغمزي لبنتك ولما يروح ابوها قولي لها اجلسي شوي وارجعي ادرسي عشان لايخاصمك
الغدا نفس الطريقه والله افتكر بابا الله يرحمه الغدا غصبا عننا نجلس على السفره حتى لو ماابغى اكل العشى مو دايما بس ربوع وخميس عشان نكون فاضين
اذا تبغى شي تاني راسليني ياقلبي اتمنى اكون افدتك ولو بشي بسيط
بما انها بفترة مراهقه فشي طبيعي
بس يحتاج للسيطره عشان ماتتعود على اسلوبها
لما تقولك اوووف...
انا ما اقدر اقول لكم عن تجربه او شي
بس الي اقدر اساعدكم فيه نظرا لاني مراهقة
حاولوا تكونو مع بناتكم صديقات مو امهات
يعني اكسبوا ثقة بناتكن
خليهن يحاكونكن بكل شي
طبعا مو بالغصب
انا راح احاول اعطيكن افكار كيف
مثلا
انه يوم تسوي شي غلط لا توبخينها
بس حسسيها انها غلطت
يعني مثلا رجعت من المدرسة و جلست بمريولها و هيك
قولي لها يعني تشوفينها حلوه انك تجلسين بمريولك
يعني وش راح يضرك اذا نزعتيه و حطيتيه في غرفتك
بس كلميها بهداوة و من غير صراخ
و اهم شي حسسيها انك ما عم تامرينها
و كمان اذا ما انتظرت الغذاء
قولي لها
حبيبتي ليه ما تستنين بس كم دقيقة و الغذاء راح يجهز و ناكل سوى احسن مو ؟
و اذا رفضت او شي قولي لها براحتك حبيبتي
و خليها
و مع الايام اذا ما عاندتيها او شي هي بنفسها راح تتغير
و دايما حسسيها انها مهمة
يعني مثلا بغيتي تطلعين خذي رأيها بملابسك
او مثلا اذا كنتي راح تشترين شي اسأليها يعني انتي تشوفين هذا احسن و لا هذا
يعني خذي رايها و حسسيها انها مهمة
و اذا تخاصمت مع اخوانها الي اصغر منها لا تهاوشينها انتي فكي الهواش بين الاخوان بالهداوة و بعدين
اجلسي معها لحالك و احكيها ليه حبيبتي انتي تسوين هيك ؟
تراهم اخوانك اصغر منك ؟
و انا احبكم كلكم
و انتي الكبيرة يعني العاقلة فيهم و الي تفهم المفروض لا تعاندينهم لانهم صغار و ما يفهمون
او شي مثل هيك
و اذا في يوم كلمتك و كانت تحكي لك مثلا عن شي صار معها بالمدرسة او شي في خاطرها حتى لو كان شي تااااااااااااااااااااااااااافه
استمعي لها
و سوي نفسك مهتمة و مندمجة معها
و كمان كلام الاخت عيون الفهد صحيح و موافقتها *_*
حبيبتي اذا فيه شي ثاني راسليني على الخاص لانو ما راح اعرف القى الموضوع تاني خخخخخخ
و الله يخلي لكم اولادكم و بناتكم يا رب آمين
*_*