كيف اتعامل مع زوجي ؟؟ساعدوني ابي آراء

بنات اتمنى الجميع يقول رأيه ما عندي خوات و احد اكبر او افهم استشيره
لي تقريبا سنة متزوجة و علاقتنا تمام لكن انا اعترف حساسه شوي بزياده عرفتو يعني تجي فترات اصير فيها حساسه بزياااده
و زوجي من النوع الي مزحه غبي يعني يقط كلمة ما عجبتني و ازعل و يقوم هو يزعل انه انتي ليه تزعلين و ترا امزح و من هالكلام..

انا مدري أتقبل مزحه و الحركات ذي الي بقولها لكم الحين ولا اسكت و امشي ؟ يا بنات أخاف إذا مشيت الموضوع يصير يستسهلللللللللل المزح الأقوى عرفتو ؟؟؟
زي مثلا من فتره كنت شاكة بشي و بالفتره ذي كنت ادق عليه كثيرررررررر بدوامه عند اهله بكل مكان ادق ادق ادق
لين جا يوم و رد و قال بقتلكككك و ضحك قلت يلا حرب و ضحكت
قام قال اي ودي أتخلص منك الصدق ليه تدقين و كذا
وقتها زعلت مره وش الي بتخلص منك ؟ و قالي امزح و راضاني بس احسها مو طبيعيه ؟ ولا انا اوفر ؟؟
و بعد مره وش هو مغير نغمة جواله و حاط نغمة فيها كلام رياكشن يفشل مره و كل ما دقيت طلعت ذي الرنة ! قلت وع شيلها قام قال ذي حق كل جمالي مقدر اخصصك و قال عاجبتني تونس خليها قمت زعلت و تخيلو استمر الزعل يومين و هو بس يقولي شفيك كذا و مستغرب

زي مثلا بعد مره تلاسننا و قام شغل بالسياره اغنيه كلماتها فراق ر ما فراق و قال اسمعي اهداء لك و يا بنات قمت ابكي ؟؟؟؟ قال شفيك ترا امزح و اغنيه تراها

بعد اممم وش صار مواقف خل اعصر مخي
اي صح شوفو اناا إذا ما عجبني شي اقول وع يعني حتى هو إذا سوا شي غبي اقول وع شفيك او وع ليه كذا سويت
و ما يحب كذا يقولي لا تقولين وع

و فجاة امسسس من بعد سنه زواج اول مره قالي يع شفيك كذا 😂قمت بعد زعلت

ف حرفيا المواقف البسيطة هذي انا هل فعلا أكبرها ولا لا لازم اخذها بعين الاعتبار ؟ و إذا اي اناا حساسه بزياده كيف اخفف ذا الشي ؟ لاني احس انه قاعد يصير بيننا فجوة صرت احسه يخاف و يحسب الف حساب قبل يتكلم و بالتالي ما يتكلم و ما يسولف على طبيعته و ذا الشي يضايقه لانه قاعد يكتم شي طبع فيه و يضايقني بسبب الفجوة الي قاعده تصير من كثر الزعل على المواقف هذي