الـبراءة :

رفع

رفع

ضيم السنين. :

بغض النظر عن الكتب والتحفيزات وتطوير الذات والمواقع وكلام الدكتور الفلاني والاخصائي العلاني سؤال اسئليه عمرتس ليش انا م اكون واثقه من نفسي مثلي مثل غيري ؟ وش فيهم زود الناس عني عشان هم يكونون اشخاص واثقين وانا اكون شخص غير واثق تماماً ؟ ليش انتي تحسين ه الاحساس ؟ انوه م تملكين من الثقه ب النفس ولا 1% ب ما انتس قلتي ميح ومعدومه ؟ ليش دائماً ه التفكير يسيطر عليتس ؟ لين م صار هالتفكير احساس تتعاملين فيه ؟ وش الفرق بينتس وبين الشخص الواثق ؟ يعني وش الاسباب اللي تخليني اقول انا ي ضيم م عندي ثقه ف نفسي ؟ ابد ولاشيء م في شيء ف الدنيا يخليني افقد ثقتي ب نفسي سوء كنت محرومه من شيء او سوء من تعليق من شخص مثلو مثلي او من موقف مر علي او من سالفه صارت لي يستحيل ان هالاشياء تخلي ثقتي تهتز واصير عديمة الثقه انتي م انتي بشر ف مجتمع ملائكي عشان تقولين والله هذوليك ملائكه وانا الوحيده بينهم بشر وتقعدين تسوين لهم حساب وتحاسبين عمرتس وتجلدين ذاتس اني اخاف من الناس وكلام الناس واطق لهم خبر ولا اشيل همهم ولا افكر بحكيهم ه الشيء شيليه من بالتس ب يروح العمر ويقضي وانتي عزالله م خلصتي من الناس خلي منطقتس انا ليش م اكون واثقه مهو عشان ( وش ناقصني انا ؟) كل انسان ناقص ب ما ان الكمال لله وحده بس من باب انا ليش اهاب الناس انا عندي اللي يهاب الناس ويخاف منهم ويشيل همهم ويفكر ب كلامهم هو اللي يعاني من نقص الثقه ومن التوتر ومن الخوف ومن القلق ومن الحزن ومن الكآبه tz ف العالم والناس اللي ب يخاف يخاف من الله ومن الموت ومن الحساب ومن العقاب ومن الاخره اللي ب يخاف يخاف من المصايب والامراض والبلاوي هذي صدق اللي تخلي الواحد يخاف ويدرس الامور مهو اخاف من المواجهه واخاف من الكلام واخاف من النظرات واخاف واخاف الشيء اللي تخافين منوه سويه وبعدين ل تعودتي تقولين صدق اني مخفه م في شي اسهل منه ليش من اول اهابوه؟ او اتجنبوه؟ او م اسويه؟ او اتردد ؟ هي اسئله ل سئلتيها عمرتس ب تلقين الجواب صريح وسهل ومباشر ب المنطق والعقل واذا تشوفين هالشيء صعب خشي ع مواقع التطوير وف اليوتيوب واجد كلام دكاتره واكاديمين وتجارب وقصص وهكا بعدين متى يكون الشخص واثق من نفسه؟ ل صار مطلع قاريء جيد يدري ب اللي حوله يغذي عقليتوه ب القراءة يقرا تجارب البشر م يسولف ب الشيء الا اذا صار ملم فيه ومطلع عليه عشان يتجنب الاحراج ف شيء هو م يعرفه ويتفلسف فيه اقري كثير تثقفي استفيدي فرفري ب النت شاركي ب السوالف

بغض النظر عن الكتب والتحفيزات وتطوير الذات والمواقع وكلام الدكتور الفلاني والاخصائي العلاني...