موظوع روعه لي عوده

عدناااا
مسحت ردي وبكتب رد بالتفصييل الممل نفسج :)

اول شي اجهز ملابسي الداخليه اللي بلبسها

ارش على ملابسي الداخليه بخاخ ماي ورد ومسك

ادش الحمام

اول شي اخذ قطنه واحط محلول اسكينول وافرك رقبتي واباطي وبين فخوذي ورجولي وبين الصدر رهيب تشوفين بلاوي مع انه انا يوميا اتحمم وهم اشوف هالبلاوي :22: من جونا ماشالله

بعدين اغسل المنطقه الحساسه بغسول سيتال الخاص

بعدين اغسل شعري بشامبو بانتين

وارش على جسميي ماي حااااااااااااااااااااااااار اقدر اتحمله واكون منقعه ليفتي المصريه تجنن منقعتها بماي
عاد افركها بصابونة بابايا وافرك جسمييي عدل نظااافه

بعدين اغسل الليفه من الصابون وارد احط عليها غسول فير اند لفلي للوجه انا مخليته لجسمي
افرك جسمي فيه عدل

بعدين اخذ السنفره عاد على حسب مرات اسويلي سنفرا ومرات من الموجود يالوريال الخضرا او المشمش او كاب
ومرات اسويلي صابون مغربي وشكر احطه على جسمي وافركه بليفه مغربيه روعه افرك من رقبتي الي رجولي رهيب

بعدين افرك كعب رجلي بمبرد مااستخدم الحجر موزين

واخر شي احط جل باباونج مال جونسون على جسمي مبلول او جلسرين الشفاف رهيييييييييييييب

بعدين اروح غرفتي اتنشف عدل اخذ مسك العروس واحطه على كل جسمي وارش فوقه مسك ليل من القرشي واخلطهم واذا نشف ارش بودرة جونسون الاافندر او وايت مسك او وايت لنن او بودرة الدهن العود على حسب عندي كذاا بودره

وارش بودرة جونسون الاطفال على الاندر وير من داخل

واحط ديودرانت ليدي سبيد ستيك البنفسجي الفريش نااعم ويهبل

والبس ملابسي واحط نقطه من دهن العود ونقطه من مسك العروس مخلوطين على اماكن النبض وعلى شعري وارش عطر فرنسي وعربي وعندي كذا عطر وساعات اتبخر وساعات لا

وبعد كل دوره احط مسك المنطقه الحساسه وطريقتي منزلتها بموظوع مستقل

هذا استحمامي من قبل لااتزوج تقريبا

وهالشي اسويه تقريبا ثلاث مرات بلاسبوع هذا غير الاستحمام اليومي العادي اللي هو ماي وصابون وبعده ادهن جسمي بمرطب او جل او جلسرين واتعطر عالسريع

اما هذا اللي بالرابط توني سويته بمناسبه يوم زواجي
تفضلي الرابط

http://forum.hawaaworld.com/showthread.php?t=821169

جبل شامخ : كلك ذوق مشكوره ( معلش تأخرت بالرد عليك كنت بتحمم !!!!!!!!!!)

omkokka: الله يكون بعونا نحن الإمهات , مشكورة على الرد .

وااااو والله شوقتوني اتسبح :42:
ومن زمان رحت دهنت شعري بزين نارجيل علشان اغسله مرة وحدة

وبصرااحة كل الطرق اللي قريتها تجنن والله يعطيكم العافية وحمام الهنا للكل

اختي رزينة بصراحة انتي رووعة ويا رب تداومين على هالطريقة والله يقرب لك زوجك اكثر واكثر ان شااااااااااااااااء الله :42:

اقول لكم عن طريقتي

قبل ما اتسبح بساعتين او على حسب الوقت اللي عندي احط لي زين باراشوت النارجيل
واحط لي كريم اللوز من بودي شوب على اقدامي او ساعات كامل رجلي وايدي
وحط لي زيت الخروع على رموشي واحط لي ماسك طين او الروب على وجهي حسب المزاج ( يعني مو كل يوم)
وبعدين ادخل الحمام :42: نبدأ العملية
اول شي اغسل وجهي بالماي البارد عن الماسك (ان وجد) وافرك رجلي واصابع رجلي بالليفة اللي عند بودي شوب ( اللي تجي مع الصابون السائل) واذا احتجت بعد افركهم بيدي
وبعدين اغسل كامل جسمي بصابون طاووس المغربي وريحته روعة وناعم على الجسم
وبعده افرك جسمي بشاور جل نيفيا بزين الافوكادو
وبعدين اغسل شعري بشامبو هيربل اسنسز بالحامض الوردي وورد ماعرف شنو اسمه>> هبلة هههه

واذا كان لي مزاج احط لي حمام زيت او كوندشينر بشهد الفواكه بس اغلب الاحيان ما يكون لي مزاج ولا فيه وقت

وبعدين اظل شوي بالحمام اريح في الدوش الساخن وبس :22:
اي وقبل ما اطلع من الحمام اغسل رجلي بماي بارد مثل ما وصل الرسول - صلى الله عليه واله وسلم- لأن ينشط الدورة الدموية ويقي من نزلات البرد والامراض او شي جذي

وبعد ما اروح الغرفة احط لي مسك مطحون في اماكن الاحتكاك والتعرق
واستخدم شي نفس الشبة للمنطقة الحساسة
واحط لي ديودرنت وبعدين احط لي لوشن للجسم اي نوع عندي
وبعدين ارش لي بودي سبراي واحط لي شوية كريم في شعري والمه داخل الفوطة
واحط لي كريم على اقدامي واحاول اني اسوي لهم مساج واذا ما كان في وقت خليتهم يولون بدون مساج
وبعد ما البس انشف شعري عادي او استشوار على حسب
واحط لي دهن العود والدهون العربيةعربية ورا اذني واماكن النبض وارش لي عطر عربي او فرنسي
واكون جهزت كل هذا خلال 20 دقيقة بالحمام و نص ساعة الى ساعة في الغرفة

واغلب الاحيان يكون زوجي في هالوقت لاهي مع التلفزيون ولا الانترنت او طالع
يعني ما فيه لا شنو تسوين في الحمام ولا اش هالوقت هذا كله
وهذا جدولي اليومي للحمام واذا ماكان فيه وقت فبدون الزيت والماسك
وسامحوني طولت عليكم يالحلوات وعن اذنكم الحين بروح اتسبح عشان اروح بيت اهلي:42: