.Shajan @shajan_1

محررة فضية

كيف تشكلين فطايرك ؟؟ فيدينا واستفيدي ..

مرحبا بالغاليات
كيف الاحوال ؟؟ يارب تكونوا بأحسن حال

خواتي ياليت كل وحده تذكر لنا تشكيلها وعملها للفطاير ..

لاننا ملينا من الطرق العاديه .0.

وانا راح اذكر لكم طريقه عملتها واعجبتني وهي انك تفردين العجينه وتقصينها او تقطعينها الى مستطيلات
بعدين تحشينها لحم وبعد كذا تطوينها مثل السويس رول وبتكون على شكل اصبع . وعادي لاتهتمين بالشكل وتقولين هذي طلعت طويله وهذي مدري وش فيها ... لانك اخر شي راح تقصين الاطراف بالسكين بالحجم اللي تبين ...
والله مريحه وماتتعب ولا تبي تدقيق ...

وانتم اكيد عندكم طرق احلى ... يالله عاد لاتبخلوا علينا ..
اخر شي ادهنها بالبيض وارشها بالسمسم واخبزها ..

يلزم عليك تسجيل الدخول أولًا لكتابة تعليق.

تسجيل دخول

نرجس • 19 سنة

شكرا يالغالية
وأنا صرت أسوي طريقة الأخت العفة الله يجزاها خير
تفردين العجينة مستطيل كبير وتحشينها اللي تبين
بعدين لفي زي السويسرول من الجهه الأولى وقفي عند النص ثم روحي للجهه الثانية ولفي اللين يلتقون مع بعض ودخليها الفرن واذا استوت قطعيها شرائح يصير شكلها حلو دويرتين جنب بعض ..

وندش • 19 سنة

وانا اعمل الجبنة نفس طريقة لف السوسرول
او كرات
والسبانج مثلثات
والدجاج على شكل بقج مربوطة (يعني اعمل على شكل حبل ثم الفه على بعضه وهاذي اخذتها من موقع اجنبي)
وكان كرات وكل 3 كرات مع بعض في قوالب الكب كيك تطلع حلوووووووووووة
على شكل قطايف
ظفيرة وارشها بالسماق

رولا11 • 19 سنة

أنا لقيت الراحة والسرعة أفرد العجينة في صينية مستطيلة ثم أضع زعتر أو حشوة بيتزا

أولبنة بالعسل أو لبنة بالزعتر أو سبانخ أو جبن بالبيض بعدين أقطعها مربعات وأوزعهامشكلة في صحن التقديم مريحة بالمرة

وارتحت كثير وماتاخذ وقت

الأخت نرجس ممكن توضحين طريقتك بالصور لأنها أعجبتني ؟؟؟؟؟؟؟؟؟؟؟؟؟

راس المعزّة • 19 سنة

أنا خذت الطريقه من بيت أهلي... لما أفرد العجينه - يعني قطعه صغيره قد الحبه - وأحشيها مثل ماأريد ألفها مثل السويس رول للنص وبعدين الطرف الباقي أشقه شقين أو ثلاث بالسكين وأكمل لف يطلع شكلهن روعه..

نرجس • 19 سنة

حبيبتي رولا الطريقة أخذتها من الأخت العفة
موضوع اسمه ( المنيو المتميز من العفة )
وهي حاطه الصور وبالخطوات الله يجزاها بالجنة