كيف تكونين عندك الارادة ... كيف تغيرين طريقة تفكيرك في اي نظام؟

السلام عليكم
كيف تكونين عندك الارادة ... كيف تغيرين طريقة تفكيرك في اي نظام؟


اول شي لازم ماتقولين بكرة بحرم نفسي من كل شي وبجوع نفسي اكل اشياء معينه وبكمية قليلة
واذا نسيتي انك مبلشة دايت واكلتي قطعة شوكلاته مثلا وبسبب هالقطعه تقولين باكل كل شي اليوم وببلش من اول وجديد من بكره
اذا ماشربتي الماء بالكمية المطلوبه لا تهملين النظام


اتركي لك يوم مفتوح اذا زرتي اهلك مثلا .. بس مو معناه تشربين ببسي او تاكلين حلويات بشراهه او اشياء مقليه
اكلي رز مثلا بالكمية المعتاده .. اذا طلبتو اكل .. اكلي مشاوي مثلا وابتعدي عن الدجاج المقرمش والمعجنات
المهم
الحين انتي اذا ماعندك اراده وش المطلوب منك ؟
اول شيء
اسألي نفسك وش اكثر شي تاكلينه مأثر على وزنك
انا مثلا احب الشوكلاته والكيك
يعني لازم كل يوم اكل ..
واكل دجاج مقلي مثلا ..


الان لمدة شهر استبدلت الشوكلاته بتمر او موز منقط ..
والدجاج اكله مسلوق


اول شهر غيرت لين تعودت من غير شوكلاته
الدجاج صار عادي اكله مسلوق
الشهر الثاني
التمر والموز استبدلتهم الى تفاح وتين مجفف مثلا
المهم اني بالتدريج اقلل نسبة الحلا في الاكل لين يصير عندي كونترول


الرز مثلا اكله يوميا .. صرت لمدة شهر اكله لمدة يوم وترك .. يعني يوم رز يوم خبز اسمر .. الى ان صار كل يومين وترك .. ثلاثة وترك .. مره في الاسبوع وهكذا


غيري اسلوبك في الاكل .. على الاعتياد على الشيء وراح تكون عندك ارادة ..


اما انك تقطعين كل شيء من البداية هذا يدمر رغبك في الرجيم
وترجعين تاكلين اكثر من اول
واذا اكلتي قطعة شكلاته او اي شيء واصلي واستمري على نظامك
مو من مجرد قطعة تاكلين اي شي وتقولين بكره ابلش